ಇಸ್ಲಾಮಾಬಾದ್: ಪೆಶಾವರ ಸೈನಿಕ ಶಾಲೆ ಮೇಲೆ ನಡೆದ ದಾಳಿಯಲ್ಲಿ ಭಾಗಿಯಾಗಿದ್ದ ಇಬ್ಬರು ತಾಲಿಬಾನ್ ಉಗ್ರರನ್ನು ಪಾಕಿಸ್ತಾನ ಬುಧವಾರ ಗಲ್ಲಿಗೇರಿಸಿದೆ.
2014ರ ಡಿಸೆಂಬರ್ನಲ್ಲಿ ನಡೆದಿದ್ದ ಈ ದಾಳಿಯಲ್ಲಿ ಬಹುತೇಕ ವಿದ್ಯಾರ್ಥಿಗಳು ಸೇರಿದಂತೆ 150 ಮಂದಿ ಮೃತಪಟ್ಟಿದ್ದರು.
ಉಗ್ರರಾದ ಅತಾ ಉಲ್ಲಾ ಮತ್ತು ತಾಜ್ ಮೊಹಮ್ಮದ್ ಅವರು ನಿಷೇಧಿತ ತೆಹರಿಕ್ ಎ ತಾಲಿಬಾನ್ ಪಾಕಿಸ್ತಾನ್ನ (ಟಿಟಿಪಿ) ಸದಸ್ಯರು ಎಂದು ಸೇನೆ ತಿಳಿಸಿದೆ.
ಈ ದಾಳಿಗೆ ಸಂಬಂಧಿಸಿದ ನಾಲ್ವರು ಉಗ್ರರನ್ನು 2015ರ ಡಿಸೆಂಬರ್ನಲ್ಲಿ ಗಲ್ಲಿಗೇರಿಸಲಾಗಿತ್ತು.