ನಾಸಿಕ್‌: ಇಲ್ಲಿಂದ ನಾಪತ್ತೆಯಾಗಿದ್ದ ಆರು ಮಂದಿ ಬಾಲಕಿಯರು ಬಾಲಿವುಡ್‌ ನಟ ಶಾರುಖ್‌ ಖಾನ್‌ ಅವರ ಮುಂಬೈ ಹೊರವಲಯದಲ್ಲಿರುವ ಮನೆ ‘ಮನ್ನತ್‌’ ಬಳಿ ಪತ್ತೆಯಾಗಿದ್ದಾರೆ.
ಬಾಲಕಿಯರು ಮೇ 23ರಿಂದ ನಾಪತ್ತೆಯಾಗಿರುವುದಾಗಿ ಪಾಲಕರು ನಾಸಿಕ್‌ ಪೊಲೀಸರಿಗೆ ದೂರು ನೀಡಿದ್ದರು.
‘ನಂದೂರಿ ದೇವಾಲಯಕ್ಕೆಂದು ತೆರಳಿದ್ದ ಬಾಲಕಿಯರು ಬಳಿಕ ಶಾರುಖ್‌ ಖಾನ್‌ ಅವರನ್ನು ನೋಡುವ ಸಲುವಾಗಿ ರೈಲಿನಲ್ಲಿ ದಾದರ್‌ಗೆ ತೆರಳಿದ್ದರು’ ಎಂದು ಪೊಲೀಸರು ತಿಳಿಸಿದ್ದಾರೆ. ‘ಬಾಲಕಿಯರನ್ನು ಸುರಕ್ಷಿತವಾಗಿ ಪಾಲಕರಿಗೆ ಒಪ್ಪಿಸಲಾಗಿದೆ’ ಎಂದೂ ಹೇಳಿದ್ದಾರೆ.
