ಸಮಾನತೆ ಹೇಗೆ ಬಂದೀತು?

ಶೋಭಾ ಅವರು ಮುಸ್ಲಿಂ ವಿರೋಧಿಯಂತೆ ಮೇಲ್ನೋಟಕ್ಕೆ ಕಂಡು ಬಂದರೂ ಒಳಗೆ ತಾರತಮ್ಯದ ಭಾವ ಇದೆ. ಇಂಥ ಮಾತು, ಶೋಭಾ ಅವರಿಗೆ ಶೋಭೆ ತರದು! ಮದುವೆ ಅನ್ನೋದು ಅವರವರ ಬಾಳಿನ ಅದೃಷ್ಟ. ಕಂಕಣಭಾಗ್ಯ, ಋಣಾನುಬಂಧವನ್ನು ಯಾರಿಂದಲೂ ಕಸಿಯಲು ಆಗದು. ಋಣ ಇದ್ದರೆ ಯಾರು–ಯಾವಾಗಲಾದರೂ ಮದುವೆ ಆಗಬಹುದು. ಯಾವ ಸಮುದಾಯದವರಿಗೇ ಆಗಲಿ ಪ್ರೀತಿಸಿ ಮದುವೆ ಆಗುವ ಹಕ್ಕು ಇರುವಾಗ ಇದ್ಯಾವ ಕ್ಯಾತೆ ಹೇಳಿ!

ಹೆಣ್ಣು–ಹೊನ್ನು–ಮಣ್ಣು ಒಲಿಯಲು ಅದೃಷ್ಟ ಬೇಕು ತಾನೆ? ಹಾಗಾಗಿ ಇಲ್ಲಿ ದಲಿತರನ್ನು ಅಡ್ಡ ತಂದು ಪರೋಕ್ಷವಾಗಿ ಅವರನ್ನು ಇನ್ನಷ್ಟು ಕೀಳುಮಟ್ಟದಲ್ಲಿ ಕಾಣುವಂತಹ ಧೋರಣೆಯನ್ನು ಯಾವ ರಾಜಕೀಯ ಪಕ್ಷದವರೂ ಮಾಡಬಾರದಲ್ಲವೇ? ದಲಿತರು ಮನುಜರಲ್ಲವೇ? ಜವಾಬ್ದಾರಿಯುತ ಚುನಾಯಿತ ಪ್ರತಿನಿಧಿಗಳೇ ಹೀಗೆ ಮಾಡಿದರೆ ಸಮಾನತೆ ಇನ್ನೆಲ್ಲಿಂದ ಬಂದೀತು ಹೇಳಿ!
-ಬಿ. ಮೊಹಿದ್ದೀನ್ ಖಾನ್, ಚಿತ್ರದುರ್ಗ