ಅಷ್ಟೇ ಅಲ್ಲ, ಯಾವುದೋ ವಿಹಾರ ತಾಣದಲ್ಲಿ ತಮ್ಮ ಸಹೋದರ ಮತ್ತು ತಾಯಿಯೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದನ್ನು ಖಚಿತಪಡಿಸಲು ಅಭಿಮಾನಿಗಳಿಗಾಗಿ ವಿಡಿಯೊ ಮತ್ತು ಫೋಟೊಗಳನ್ನು ಇನ್ಸ್ಟಾಗ್ರಾಂನಲ್ಲಿ ಪಿಗ್ಗಿ ಹಂಚಿಕೊಂಡಿದ್ದಾರೆ. ತಮಗೆ ಶುಭಾಶಯ ಕೋರಿದ ಎಲ್ಲಾ ಅಭಿಮಾನಿಗಳಿಗೆ, ಆತ್ಮೀಯರಿಗೆ ಕೃತಜ್ಞತೆ ಸಲ್ಲಿಸಿ ಒಂದು ವಿಡಿಯೊವನ್ನೂ ಅವರು ಹರಿಬಿಟ್ಟಿದ್ದಾರೆ. ಪ್ರಿಯಾಂಕಾ ಪೋಸ್ಟ್ ಮಾಡಿರುವ ಚಿತ್ರದಲ್ಲಿ ತಾಯಿ ಮಧು ಚೋಪ್ರಾ ಮತ್ತು ಸೋದರ ಸಿದ್ದಾರ್ಥ ಚೋಪ್ರಾ ಜತೆ ಮಾದಕ ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದಾರೆ.