ಐದು ಸಂಚಾರಿ ತಾರಾಲಯಗಳನ್ನು ಆರಂಭಿಸಲು ಸರ್ಕಾರ ಮುಂದಾಗಿರುವುದು ಶ್ಲಾಘನೀಯ. ಇದು ನಿಜವಾಗಿಯೂ ಉಪಯುಕ್ತ ಯೋಜನೆ. ವಿದ್ಯಾರ್ಥಿಗಳು, ಅಧ್ಯಾಪಕರು ಮಾತ್ರವಲ್ಲ ಸಾರ್ವಜನಿಕರಲ್ಲೂ ಆಕಾಶದ ವಿಸ್ಮಯಗಳನ್ನು ತಿಳಿಯುವ ಕುತೂಹಲ ಇರುತ್ತದೆ. ಖಗೋಳ ಜ್ಞಾನದ ಚೋದ್ಯಗಳನ್ನು ಹತ್ತಿರದಿಂದ ನೋಡಿ ಕಲಿಯುವ ಅವಕಾಶಎಲ್ಲರಿಗೂ ದೊರೆಯಬೇಕು. ಬ್ರಹ್ಮಾಂಡದ ವಿಸ್ಮಯಗಳನ್ನು ಮಕ್ಕಳಿಗೆ ಹತ್ತಿರದಿಂದ ತೋರಿಸುವುದರಿಂದ ಅವರಲ್ಲಿ ಖಗೋಳ ಜ್ಞಾನ ವಿಸ್ತಾರವಾಗಲು ಸಹಾಯವಾಗುತ್ತದೆ.
