ಇಲ್ಲಿ ಬೇವಿನಸೀರೆ ಹರಕೆ, ಬಾಯಿಗೆ ಬೀಗ, ಕುರಿ–ಕೋಳಿ, ದವಸ ಧಾನ್ಯ, ತರಕಾರಿಗಳನ್ನು ಅರ್ಪಿಸುವುದು ಐತಿಹ್ಯವಾಗಿದೆ. ಬೆಳಿಗ್ಗೆ 11ಕ್ಕೆ ದೇವಸ್ಥಾನದಿಂದ ದೇವಿಯನ್ನು ಮೆರವಣಿಗೆ ಮೂಲಕ ತುಂಬಲು ಸ್ಥಳಕ್ಕೆ ಕರೆದುಕೊಂಡು ಬರಲಾಯಿತು. 12.30ಕ್ಕೆ ದೇವಿಯನ್ನು ಪೌಳಿ ಸುತ್ತ ಎರಡು ಸುತ್ತು ಪ್ರದಕ್ಷಿಣೆ ಹಾಕಿಸಿದ ನಂತರ ಕಟ್ಟೆ ಮೇರೆ ಕೂರಿಸಲಾಯಿತು. ಈ ವೇಳೆ ಬುಡಕಟ್ಟು ಸಂಸ್ಕೃತಿಗಳಾದ ಉರುಮೆ, ತಪ್ಪಡೆ, ಡೋಲು, ಚಾಮರ, ನವಿಲುಗರಿ, ಬೇವಿನ ಕೊಂಬೆ ಪ್ರದರ್ಶನ ಗಮನ ಸೆಳೆದವು.