ಲಂಡನ್: ಇಲ್ಲಿನ ಮಸೀದಿಯೊಂದರಲ್ಲಿ ತಯಾರಿಸಿದ 153 ಕೆ.ಜಿ. ತೂಕದ ಬೃಹತ್ ಸಮೋಸಾ ಗಿನ್ನಿಸ್ ದಾಖಲೆಗೆ ಸೇರಿದೆ.
12 ಸದಸ್ಯರ ತಂಡ 15 ಗಂಟೆಗಳ ಅವಧಿಯಲ್ಲಿ ಸಮೋಸಾ ತಯಾರಿಸಿದೆ. ಗಿನ್ನಿಸ್ ವಿಶ್ವ ದಾಖಲೆಗೆ ಸಂಬಂಧಿಸಿದ ಅಧಿಕಾರಿಗಳು ಸಮೋಸಾ ಪರಿಶೀಲಿಸಿ ಅನುಮೋದನೆ ನೀಡಿದ ಬಳಿಕ ನಿರ್ಗತಿಕರಿಗೆ ಈ ಸಮೋಸಾ ವಿತರಿಸಲಾಯಿತು.
ಈ ಮೊದಲು 2012ರಲ್ಲಿ ಬ್ರಾಡ್ಫೋರ್ಡ್ ಕಾಲೇಜಿನ ವಿದ್ಯಾರ್ಥಿಗಳು 110.8 ಕೆ.ಜಿ. ಸಮೋಸಾ ತಯಾರಿಸಿ ವಿಶ್ವ ದಾಖಲೆ ನಿರ್ಮಿಸಿದ್ದರು.
‘ಮುಸ್ಲಿಂ ಸಮುದಾಯದ ಸೇವಾ ಮನೋಭಾವ ಮತ್ತು ದಾನದ ಬಗ್ಗೆ ತಿಳಿಸಲು ಈ ಸಮೋಸಾ ತಯಾರಿಸಲಾಯಿತು’ ಎಂದು ಮಸೀದಿಯ ಪದಾಧಿಕಾರಿಗಳು ತಿಳಿಸಿದ್ದಾರೆ.