‘ಶನಿವಾರ ಸಮವಸ್ತ್ರ ಧರಿಸದೇ ಹೋಗಿದ್ದ ನಮ್ಮ ಮಗಳನ್ನು ಶಿಕ್ಷಕಿ ಪ್ರಶ್ನಿಸಿದ್ದಾರೆ. ಸಮವಸ್ತ್ರವಿಲ್ಲದೇ ಒಂದು ದಿನ ತರಗತಿಗೆ ಅನುವು ಮಾಡಿಕೊಡಬೇಕೆಂದು ನಾವು ಮಗಳ ಡೈರಿಯಲ್ಲಿ ಬರೆದುಕೊಟ್ಟಿದ್ದೆವು. ಆದರೆ ಆಕೆಯಿಂದ ಆ ಕುರಿತ ವಿವರಣೆಯನ್ನು ಸಹ ಕೇಳಲು ಶಿಕ್ಷಕಿ ತಯಾರಿರಲಿಲ್ಲ. ಹಾಗಾಗಿ, ಅವರು ನನ್ನ ಮಗಳನ್ನು ಬಲವಂತವಾಗಿ ಎಳೆದೊಯ್ದು ಬಾಲಕರ ಶೌಚಾಲಯದಲ್ಲಿ ಐದು ನಿಮಿಷ ನಿಲ್ಲಿಸಿದ್ದಾರೆ. ಇಂತಹ ಕೃತ್ಯದಿಂದ ನನ್ನ ಮಗಳ ಮನಸ್ಸಿಗೆ ನೋವಾಗಿದೆ ಮಾತ್ರವಲ್ಲದೆ ಆಕೆಯ ಘನತೆಗೆ ಪೆಟ್ಟಾಗಿದೆ. ಅವಮಾನಿತಳಾಗಿರುವ ಆಕೆ ತನ್ನ ಸಹಪಾಠಿಗಳೊಂದಿಗೆ ಬೆರೆಯಲು ನಿರಾಕರಿಸುತ್ತಿದ್ದಾಳೆ’ ಎಂದು ವಿದ್ಯಾರ್ಥಿನಿಯ ತಂದೆ ಹೇಳಿದ್ದಾರೆ.