ಸೈಕ್ಲಿಂಗ್‌: ಕರ್ನಾಟಕಕ್ಕೆ 7 ಪದಕ

ಪುರುಷರ ವಿಭಾಗದ ಐದು ಲ್ಯಾಪ್‌ ಕ್ರಾಸ್‌ಕಂಟ್ರಿ ಸ್ಪರ್ಧೆಯಲ್ಲಿ ಬೆಂಗಳೂರಿನ ಕೆ. ಕಿರಣ್‌ ಕುಮಾರ್‌ ಬೆಳ್ಳಿ ಜಯಿಸಿದರು. 9 ಕಿ.ಮೀ ವಿಭಾಗದ ವೈಯಕ್ತಿಕ ಟೈಮ್‌ ಟ್ರಯಲ್ಸ್‌ನಲ್ಲಿ ಕಿರಣ್‌ ಎರಡನೇ ಬೆಳ್ಳಿ ಪಡೆದರು. 16 ವರ್ಷದ ಒಳಗಿನವರ ಎರಡು ಲ್ಯಾಪ್‌ ಕ್ರಾಸ್‌ಕಂಟ್ರಿ ಸ್ಪರ್ಧೆಯಲ್ಲಿ ವಿಜಯಪುರ ಕ್ರೀಡಾ ನಿಲಯದ ಸೈಕ್ಲಿಸ್ಟ್‌ ಸಚಿನ ರಂಜಣಗಿ ಬೆಳ್ಳಿ ಪಡೆದರು.

ಇದೇ ವಯೋಮಾನದ ಬಾಲಕಿಯರ ಒಂದು ಲ್ಯಾಪ್‌ ಕ್ರಾಸ್‌ಕಂಟ್ರಿ ಸ್ಪರ್ಧೆಯಲ್ಲಿ ಬಾಗಲಕೋಟೆ ಕ್ರೀಡಾ ನಿಲಯದ ಸೌಮ್ಯಾ ಅಂತಾಪೂರ ದ್ವಿತೀಯ ಸ್ಥಾನ ಜಯಿಸಿದರು. 14 ವರ್ಷದ ಒಳಗಿನವರ ವಿಭಾಗದ ಒಂದು ಲ್ಯಾಪ್‌ ಸ್ಪರ್ಧೆಯಲ್ಲಿ ಚಂದರಗಿ ಕ್ರೀಡಾಶಾಲೆಯ ಲಾಯಪ್ಪ ಮುಧೋಳ ಬೆಳ್ಳಿ ಪಡೆದರು.

16 ವರ್ಷದ ಒಳಗಿನವರ 4.5 ಕಿ.ಮೀ. ದೂರದ ವೈಯಕ್ತಿಕ ಟೈಮ್‌ ಟ್ರಯಲ್ಸ್‌ ಪೈ ಪೋಟಿಯಲ್ಲಿ ವಿಜಯಪುರ ಕ್ರೀಡಾನಿಲಯದ ಸಚಿನ 17 ನಿಮಿಷ 26.94 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿ ಬೆಳ್ಳಿ ಗೆದ್ದರು. ಇದೇ ವಯೋಮಾನದ ಬಾಲಕಿಯರ ವಿಭಾಗದಲ್ಲಿ ಒಂದು ಲ್ಯಾಪ್‌ (4.5 ಕಿ.ಮೀ.) ವೈಯಕ್ತಿಕ ಟೈಮ್‌ ಟ್ರಯಲ್ಸ್‌ನಲ್ಲಿ ಬಾಗಲಕೋಟೆ ಕ್ರೀಡಾನಿಲಯದ ಸೌಮ್ಯಾ 24 ನಿಮಿಷ 39.97 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿ ಚಿನ್ನ ಸಾಧನೆ ಮಾಡಿದರು.