ಮುಂಬೈ: ‘ದಂಗಲ್’ ನಟಿ ಫಾತಿಮಾ ಸನಾ ಶೇಖ್ ಸೀರೆಯುಟ್ಟ ಕಾರಣಕ್ಕೆ ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ನಲ್ಲಿ ಟ್ರೋಲ್ ಆಗಿದ್ದಾರೆ!
ಸೀರೆಯುಟ್ಟ ಸ್ವಂತೀ ಚಿತ್ರವೊಂದನ್ನು ‘ಶೇಮ್ಲೆಸ್ ಸೆಲ್ಫೀ’ (Shameless selfie) ಎಂಬ ಬರಹದೊಂದಿಗೆ ಫಾತಿಮಾ ಅಕ್ಟೋಬರ್ 8ರಂದು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಚಿತ್ರ ಈವರೆಗೆ 81 ಸಾವಿರಕ್ಕೂ ಹೆಚ್ಚು ಲೈಕ್ ಪಡೆದುಕೊಂಡಿದೆ. ಆದರೆ, ಫಾತಿಮಾ ಸೀರೆ ಉಟ್ಟಿರುವ ರೀತಿಯ ಬಗ್ಗೆ ಹಲವರು ಆಕ್ಷೇಪಿಸಿದ್ದಾರೆ.
‘ಸೊಂಟ ಕಾಣುವಂತೆ ಸೀರೆ ಉಟ್ಟು ನಾಚಿಕೆ ಇಲ್ಲದೆ ಸೆಲ್ಫಿ ತೆಗೆದು ಪೋಸ್ಟ್ ಮಾಡಿದ್ದೀರಿ’ ಎಂದು ಹಲವರು ಕಮೆಂಟ್ಗಳಲ್ಲಿ ಟೀಕಿಸಿದ್ದಾರೆ.
ಕೆಲವರು ಫಾತಿಮಾ ಪರವಾಗಿ ಕಮೆಂಟ್ ಮಾಡಿದ್ದಾರೆ. ‘ಜನ ಏನೆನ್ನುತ್ತಾರೆ ಎಂಬ ಬಗ್ಗೆ ತಲೆ ಕೆಡಿಸಿಕೊಳ್ಳಬೇಡಿ. ಈ ಚಿತ್ರದಲ್ಲಿ ಚೆನ್ನಾಗಿ ಕಾಣುತ್ತಿದ್ದೀರಿ’ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ.