‘ಸಿರಿ’ ಕಾರ್ಯಕ್ರಮ: ಜಿಲ್ಲೆಯಲ್ಲಿ 20 ಸಾವಿರ ಶೌಚಾಲಯ ನಿರ್ಮಾಣ

ಪ್ರತಿ ಗ್ರಾಮ ಪಂಚಾಯಿತಿಗೆ 200 ವೈಯಕ್ತಿಕ ಶೌಚಾಲಯ ನಿರ್ಮಾಣದ ಗುರಿ ನಿಗದಿ ಪಡಿಸಲಾಗಿದೆ. ಜಿಲ್ಲೆಯಲ್ಲಿ 52 ಸಾವಿರ ವೈಯಕ್ತಿಕ ಶೌಚಾಲಯ ನಿರ್ಮಾಣದ ಗುರಿಯನ್ನು ಸಿರಿ ಕಾರ್ಯಕ್ರಮದಲ್ಲಿ ಹಮ್ಮಿಕೊಳ್ಳಲಾಗಿದೆ.

‘ಇದರಲ್ಲಿ 10,758 ಶೌಚಾಲಯ ನಿರ್ಮಾಣದ ಕಾಮಗಾರಿ ಗುಂಡಿ ತೋಡುವ ಹಂತದಲ್ಲಿದ್ದು, ಇನ್ನೂ 10 ಸಾವಿರ ವೈಯಕ್ತಿಕ ಶೌಚಾಲಯಗಳು ಪೂರ್ಣಗೊಳ್ಳುವ ಹಂತದಲ್ಲಿವೆ. ಬಾಕಿ ಉಳಿದ 10 ಸಾವಿರ ಶೌಚಾಲಯಗಳ ನಿರ್ಮಾಣಕ್ಕೆ ಚಾಲನೆ ನೀಡಲಾಗುತ್ತಿದೆ’ ಎಂದು ಅವರು ಹೇಳಿದ್ದಾರೆ.

ಶೇ100ರಷ್ಟು ಗುರಿ ಸಾಧನೆ: 49 ಗ್ರಾಮ ಪಂಚಾಯಿತಿಗಳು ಶೇ 100ರಷ್ಟು ಪ್ರಗತಿ ಸಾಧಿಸಿದ್ದು, ಅವುಗಳ ವ್ಯಾಪ್ತಿಯ ಶಾಲೆಗಳಿಗೆ ಉದ್ಯೋಗ ಖಾತ್ರಿ ಯೋಜನೆಯಡಿಯಲ್ಲಿ ಆವರಣ ಗೋಡೆಗಳನ್ನು ನಿರ್ಮಿಸಲಾಗುತ್ತಿದೆ.

ಅಫಜಲಪುರ ತಾಲ್ಲೂಕಿನ ಹಸರಗುಂಡಗಿ, ಉಡಚಣ, ಗುಡೂರ, ಚೌಡಾಪುರ, ಮಾಶಾಳ ಹಾಗೂ ಭಂಕಲಗಾ. ಆಳಂದ ತಾಲ್ಲೂಕಿನ ನರೋಣಾ, ಖಜೂರಿ, ಸರಸಂಬಾ, ತಡೋಳಾ, ತಡಕಲ್, ಭುಸನೂರ, ಹಾಳ ತಡಕಲ್, ನಿಂಬಾಳ ಹಾಗೂ ರುದ್ರವಾಡಿ.

ಚಿಂಚೋಳಿ ತಾಲ್ಲೂಕಿನ ಐನಾಪುರ, ಚೇಂಗಟಾ, ಚಿಮ್ಮನಚೊಡ, ಶಾದಿಪುರ, ಹಸರಗುಂಡಗಿ, ಚಂದನಕೇರಾ, ಹಲಚೇರಾ, ಕೋಡ್ಲಿ, ರಟಕಲ್ ಹಾಗೂ ಕೆರೊಳ್ಳಿ.
ಚಿತ್ತಾಪುರ ತಾಲ್ಲೂಕಿನ ಭಂಕೂರ, ರಾವೂರ, ಸನ್ನತಿ ಹಾಗೂ ಮಾಡಬೂಳ.

ಕಲಬುರ್ಗಿ ತಾಲ್ಲೂಕಿನ ಕವಲಗಾ, ನಂದಿಕೂರ, ಡೊಂಗರಗಾಂವ, ಹರಸೂರ, ಕಮಲಾಪುರ, ಕಲಮೂಡ, ಖಣದಾಳ, ಫರಹತಾಬಾದ, ನಂದೂರ ಕೆ.ಆಲಗೂಡ ಹಾಗೂ ಸರಡಗಿ ಬಿ. ಮತ್ತು ಜೇವರ್ಗಿ ತಾಲ್ಲೂಕಿನ ಕುರಳಗೇರಾ, ಅರಳಗುಂಡಗಿ, ಬಳುಂಡಗಿ, ಮದರಿ, ನರಿಬೊಳ, ಕಲ್ಲಹಂಗರಗಾ, ಇಟಗಾ ಹಾಗೂ ಕುಕ್ಕುಂದ. ಸೇಡಂ ತಾಲ್ಲೂಕಿನ ಮೇದಕ ಗ್ರಾಮ ಪಂಚಾಯಿತಿಗಳು ಶೇ 100ರಷ್ಟು ಸಾಧನೆ ಮಾಡಿವೆ ಎಂದು ಅವರು ಹೇಳಿದ್ದಾರೆ