ಕೆರೆ ನೀರು ಪೋಲಾಗುತ್ತಿದ್ದರೂ ಅಧಿಕಾರಿಗಳ ನಿರ್ಲಕ್ಷ: ಆರೋಪ

ಹಿಂಗಾರಿನ ಮಳೆಯಿಂದ ಕೆರೆತುಂಬಿ ಕೋಡಿ ಹರಿದಿತ್ತು. ಕೆರೆ ವ್ಯಾಪ್ತಿಯ ಬ್ಯಾಡಗೆರೆ ಸೆಣಬಘಟ್ಟ ಮತ್ತು ಹೊನ್ನಮಾಚನಹಳ್ಳಿ ಅಚ್ಚುಕಟ್ಟು ಪ್ರದೇಶದಲ್ಲಿ ರಾಗಿ ಬಿತ್ತನೆ ಮಾಡಲಾಗಿದೆ. ರಾಗಿ ಬೆಳೆಗೆ ಒಂದು ಹದ ನೀರಿನ ಅವಶ್ಯಕತೆಯ ಕಾರಣ ಕೆಲ ರೈತರು ತಮ್ಮ ಜಮೀನಿಗೆ ನೀರು ಬಿಟ್ಟುಕೊಂಡ ನಿಲ್ಲಿಸಿಲ್ಲ. ಆದ ಕಾರಣ ನೀರು ಪೋಲಾಗುತ್ತಿದೆ ಎನ್ನುತ್ತಾರೆ ಗ್ರಾಮಸ್ಥ ಮರಿಸ್ವಾಮಿಗೌಡ.

‘ಈ ಬಗ್ಗೆ ಹೇಮಾವತಿ ನಾಲಾ ವಲಯದ ಅಧಿಕಾರಿಗಳಿಗೆ ತಿಳಿಸಿದರೂ ಕ್ರಮ ತೆಗೆದುಕೊಂಡಿಲ್ಲ. ನೀರನ್ನು ಮುಂದಿನ ಬೇಸಿಗೆ ಬೆಳೆಗೆ ಶೇಖರಿಸಲಾಗಿತ್ತು.ಅಧಿಕಾರಿಗಳು ಮೂರು ಗ್ರಾಮದ ರೈತರೊಂದಿಗೆ ಚರ್ಚಿಸಿ ಕ್ರಮ ತೆಗೆದುಕೊಂಡು ಹಂಚಿಕೆ ಮಾಡದ ಕಾರಣ ವ್ಯರ್ಥವಾಗಿ ಹರಿಯುತ್ತಿದೆ’ ಎಂದು ಗ್ರಾಮಸ್ಥರಾದ ರಾಮೇಗೌಡ, ಶ್ರೀನಿವಾಸ್ ಆರೋಪಿಸಿದ್ದಾರೆ.