ಗುವಾಹಟಿ: ಮಹಿಳೆಯರ ಯೂತ್‌ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌ನ ಮೊದಲ ದಿನ ಭಾರತ ಮಿಶ್ರ ಫಲ ಕಂಡಿದೆ. 57 ಕೆಜಿ ವಿಭಾಗದಲ್ಲಿ ಶಶಿ ಚೋಪ್ರಾ ಪ್ರಿ ಕ್ವಾರ್ಟರ್‌ ಫೈನಲ್‌ಗೆ ಪ್ರವೇಶಿಸಿದ್ದು 60 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ವನಲಾಲ್‌ ರ‍್ಯಾತ್‌ಪುಯಿ ಮೊದಲ ಸುತ್ತಿನಲ್ಲೇ ಸೋತಿದ್ದಾರೆ.
ಉಜ್ಬೆಕಿಸ್ತಾನದ ಡುರ್ಡೊನಕೋನ್‌ ರಖ್‌ಮಟೋವಾ ಎದುರು ಶಶಿ ಗೆದ್ದರು. ವನಮಾಲಾ ಅವರನ್ನು ದಕ್ಷಿಣ ಕೊರಿಯಾದ ಇಮ್ ಐಜೆ ಮಣಿಸಿದರು. ಬಲ್ಕಾನ್‌ನಲ್ಲಿ ನಡೆದ ಚಾಂಪಿಯನ್‌ಷಿಪ್‌ ನಲ್ಲಿ ಚಿನ್ನ ಗೆದ್ದಿದ್ದ ಶಶಿ ಇಲ್ಲಿ ಮುಂದಿನ ಸುತ್ತಿನಲ್ಲಿ ಚೀನಾ ಥೈಪೆಯ ಲಿನ್‌ ಲಿ ವೀ ಯಿ ಅವರನ್ನು ಎದುರಿಸುವರು.
