ಕಾರವಾರ

ಕರಾವಳಿ ಉತ್ಸವಕ್ಕೆ ‘ಪೇಂಟ್‌ ಬಾಲ್‌’ ಆಕರ್ಷಣೆ

ಡಿಸೆಂಬರ್‌ 8ರಿಂದ 10ರವರೆಗೆ ಕರಾವಳಿ ಉತ್ಸವವನ್ನು ಅದ್ಧೂರಿಯಾಗಿ ಆಚರಿಸಲು ಜಿಲ್ಲಾಡಳಿತ ಸಿದ್ಧತೆ ನಡೆಸಿದೆ. ಈಗಾಗಲೇ ವಿವಿಧ ಉತ್ಸವ ಸಮಿತಿಗಳನ್ನು ರಚಿಸಿದ್ದು, ಅವುಗಳು ಉತ್ಸವದ ಯಶಸ್ವಿಗೆ ಶ್ರಮಿಸುತ್ತಿವೆ.

ಕಾರವಾರ: ಈ ಬಾರಿಯ ಕರಾವಳಿ ಉತ್ಸವಕ್ಕೆ ವೈವಿಧ್ಯಮಯ ಸ್ಪರ್ಧೆಗಳ ಜತೆಗೆ ‘ಪೇಂಟ್‌ ಬಾಲ್‌’ ಎಂಬ ರೋಮಾಂಚನಕಾರಿ ಆಟವನ್ನು ಜಿಲ್ಲಾಡಳಿತ ಮೊದಲ ಬಾರಿಗೆ ಪರಿಚಯಿಸುತ್ತಿದ್ದು, ಇಲ್ಲಿನ ಮಾಲಾದೇವಿ ಮೈದಾನದಲ್ಲಿ ಮೂರು ದಿನಗಳು ನಡೆಯಲಿದೆ.

ಡಿಸೆಂಬರ್‌ 8ರಿಂದ 10ರವರೆಗೆ ಕರಾವಳಿ ಉತ್ಸವವನ್ನು ಅದ್ಧೂರಿಯಾಗಿ ಆಚರಿಸಲು ಜಿಲ್ಲಾಡಳಿತ ಸಿದ್ಧತೆ ನಡೆಸಿದೆ. ಈಗಾಗಲೇ ವಿವಿಧ ಉತ್ಸವ ಸಮಿತಿಗಳನ್ನು ರಚಿಸಿದ್ದು, ಅವುಗಳು ಉತ್ಸವದ ಯಶಸ್ವಿಗೆ ಶ್ರಮಿಸುತ್ತಿವೆ. ಪ್ರತಿ ವರ್ಷ ಉತ್ಸವಕ್ಕೆ ದೋಣಿ ಸ್ಪರ್ಧೆ, ಕಬಡ್ಡಿ, ಶ್ವಾನ ಪ್ರದರ್ಶನ, ದೇಹದಾರ್ಡ್ಯ, ಅಡುಗೆ ಸ್ಪರ್ಧೆ ಸೇರಿದಂತೆ ಹಲವು ರೀತಿಯ ಸ್ಪರ್ಧೆಗಳು ಇರುತ್ತಿದ್ದವು. ಇವುಗಳ ಸಾಲಿಗೆ ಈ ಬಾರಿ ಹೊಸದಾಗಿ ‘ಪೇಂಟ್‌ಬಾಲ್‌’ ಆಟ ಸೇರಿದೆ.

ಗೋವಾದ ಮಿಲ್ಸಿಮ್‌ (milsim) ಎಂಬ ವೃತ್ತಿಪರ ಸಂಸ್ಥೆಯು ಈ ಆಟವನ್ನು ಆಯೋಜಿಸುತ್ತಿದೆ. ರೋಮಾಂಚನಕಾರಿ ಹಾಗೂ ಸಂಕೀರ್ಣವಾದ ಕ್ರೀಡಾ ಚಟುವಟಿಕೆಯನ್ನು ಈ ಸಂಸ್ಥೆ ನಡೆಸುತ್ತದೆ. ಆಟಗಾರರಲ್ಲಿ ಸಕಾರಾತ್ಮಕ ಮನೋಭಾವ, ಸಂವಹನ ಹಾಗೂ ನಾಯಕತ್ವ ಕೌಶಲಗಳನ್ನು ಬೆಳೆಸಲು ಇದು ಪೂರಕವಾಗಿದೆ.

ರಣರಂಗ ನೆನಪಿಸುವ ಆಟ: ‘ಪೇಂಟ್‌ ಬಾಲ್‌ ಆಟ ರಣರಂಗವನ್ನು ನೆನಪಿಸುತ್ತದೆ. ಈ ಆಟದಲ್ಲಿ ನಿರ್ದಿಷ್ಟ ಸಂಖ್ಯೆಯ ಎರಡು ಗಂಪುಗಳಿರುತ್ತವೆ. ವಿಶಾಲವಾದ ಮೈದಾನದಲ್ಲಿ 80 ಮೀಟರ್‌ ಅಂತರದಲ್ಲಿ ಅವಿತುಕೊಳ್ಳಲು ನೆರವಾಗುವಂತೆ ಟೈರ್‌, ಬ್ಯಾರಿಕೇಡ್‌ ರೀತಿ ಅಡೆತಡೆಯನ್ನು ಇಡಲಾಗಿರುತ್ತದೆ. 

ಆಟಗಾರರು ಎದುರಾಳಿ ಗುಂಪಿನ ಮೇಲೆ ಗುರಿಯಿಟ್ಟು ರೈಫಲ್‌/ ಗನ್‌ನಿಂದ ಗುಂಡು ಹಾರಿಸಬೇಕು. ಇದರಲ್ಲಿ ನಿಜವಾದ ಗುಂಡು ಇರುವುದಿಲ್ಲ. ಬದಲಿಗೆ ಬಣ್ಣದ ಗುಂಡು ನೀಡಲಾಗಿರುತ್ತದೆ. ಇದು ಆಟಗಾರನ ಉಡುಪಿಗೆ ತಗುಲಿದ ತಕ್ಷಣ ಅದರೊಳಗಿನ ಬಣ್ಣ ಚದುರುತ್ತದೆ. ಹೀಗೆ ಈ ಆಟವು ಪಾಯಿಂಟ್‌ ಲೆಕ್ಕದಲ್ಲಿ ನಡೆಯುತ್ತದೆ. ಹೆಚ್ಚು ಪಾಯಿಂಟ್‌ ಪಡೆದವರು ಗೆಲುವು ಸಾಧಿಸಿದಂತೆ’ ಎನ್ನುತ್ತಾರೆ ಮಿಲ್ಸಿಮ್‌ ಸಂಸ್ಥೆ ಲ್ಯಾನ್ಸ್‌ ಡಿಮೆಲೋ.

‘ಆಟಗಾರರಿಗೆ ಸಮವಸ್ತ್ರದ ಜತೆಗೆ ಸುರಕ್ಷತೆಗಾಗಿ ಜಾಕೆಟ್‌, ಹೆಲ್ಮೆಟ್‌ ಇನ್ನಿತರ ರಕ್ಷಣಾ ಸಾಮಗ್ರಿಯನ್ನು ನೀಡಲಾಗುತ್ತದೆ. ಜತೆಗೆ ತಲಾ ಒಬ್ಬ ಆಟಗಾರನಿಗೆ ಸುಮಾರು 45 ಬುಲೆಟ್‌ ನೀಡಲಾಗುತ್ತದೆ. ಎದುರಾಳಿ ತಂಡದ ಆಟಗಾರರಿಗೆ ಗುರಿಯಿಟ್ಟು ಗುಂಡನ್ನು ಹಾರಿಸಬೇಕು’ ಎಂದು ವಿವರಿಸಿದರು.

‘ಪೇಂಟ್‌ಬಾಲ್‌ ಎನ್ನುವ ಆಟ ಬೆಂಗಳೂರು ಸೇರಿದಂತೆ ದೊಡ್ಡ ನಗರಗಳಲ್ಲಿ ಪ್ರಸಿದ್ಧಿಯಾಗಿವೆ. ಕಾರ್ಪೊರೇಟ್‌ ಸಂಸ್ಥೆಗಳಲ್ಲಿ ಕೆಲಸ ಮಾಡುವವರು ಇಂಥ ಆಟಗಳಲ್ಲಿ ಹೆಚ್ಚು ಪಾಲ್ಗೊಳ್ಳುತ್ತಾರೆ. ಕರಾವಳಿ ಉತ್ಸವದಲ್ಲಿ ಈ ಆಟವನ್ನು ಮೊದಲ ಬಾರಿಗೆ ಪರಿಚಯಿಸಲಾಗುತ್ತಿದೆ’ ಎಂದು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಪ್ರಭಾರ ಸಹಾಯಕ ನಿರ್ದೇಶಕ ಎಸ್‌.ಯೋಗೇಶ್ವರ ‘ಪ್ರಜಾವಾಣಿ’ಗೆ ತಿಳಿಸಿದರು.

* * 

ಪೇಂಟ್‌ಬಾಲ್‌’ನ ಮೊದಲ ಆಟವು ನೌಕಾಪಡೆ ಹಾಗೂ ಪೊಲೀಸ್‌ ತಂಡಗಳ ನಡುವೆ ನಡೆಯಲಿದೆ.
ಎಚ್‌.ಪ್ರಸನ್ನ
ಹೆಚ್ಚುವರಿ ಜಿಲ್ಲಾಧಿಕಾರಿ

Comments
ಈ ವಿಭಾಗದಿಂದ ಇನ್ನಷ್ಟು
ಕುಮಟಾ–ಹೊನ್ನಾವರ ಕ್ಷೇತ್ರ: ಸಣ್ಣ ಜನಾಂಗದ ಅಭ್ಯರ್ಥಿಜಯದ ಪರಂಪರೆ

ಕಾರವಾರ
ಕುಮಟಾ–ಹೊನ್ನಾವರ ಕ್ಷೇತ್ರ: ಸಣ್ಣ ಜನಾಂಗದ ಅಭ್ಯರ್ಥಿಜಯದ ಪರಂಪರೆ

22 Apr, 2018

ಸಿದ್ದಾಪುರ
ಕಾಂಗ್ರೆಸ್, ಜೆಡಿಎಸ್‌ನಿಂದ ಭ್ರಮಾಲೋಕ: ಕಾಗೇರಿ

‘ ಕಾಂಗ್ರೆಸ್ ಹಾಗೂ ಜೆಡಿಎಸ್‌ ಮತದಾರರಲ್ಲಿ ಭ್ರಮಾಲೋಕ ಸೃಷ್ಟಿಸುವ ಕೆಲಸ ಮಾಡುತ್ತಿವೆ’ ಎಂದು ಶಿರಸಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಆರೋಪಿಸಿದರು. ...

22 Apr, 2018

ಸಿದ್ದಾಪುರ
ಮಹಾತ್ಮರು ಭಗವಂತನ ಮುದ್ರೆ

‘ಮಹಾಪುರುಷರು , ಮಹಾ ತ್ಮರು ಭೂಮಿಗೆ ಬರುವುದು ಅಪರೂಪ. ಅವರು ಭೂಮಿಗೆ ಬಂದರೆ ಭೂಮಿಯಲ್ಲಿ ಭಗವಂತನ ಮುದ್ರೆಯಾಗುತ್ತಾರೆ’ ಎಂದು ರಾಮಚಂದ್ರಾಪುರ ಮಠದ ರಾಘವೇಶ್ವರ ಭಾರತೀ...

22 Apr, 2018
ಬೇಸಿಗೆ ಶಿಬಿರದಲ್ಲಿ ಮಕ್ಕಳ ಚಿಲಿಪಿಲಿ

ಕಾರವಾರ
ಬೇಸಿಗೆ ಶಿಬಿರದಲ್ಲಿ ಮಕ್ಕಳ ಚಿಲಿಪಿಲಿ

21 Apr, 2018

ಹಳಿಯಾಳ
ಬಿಜೆಪಿ ಅಭ್ಯರ್ಥಿ, ಕೇಂದ್ರ ಸಚಿವರು ಕ್ಷಮೆ ಕೇಳಲಿ

‘ಕಾಳಿನದಿ ನೀರಾವರಿ ಯೋಜನೆಯನ್ನು ಸ್ವಂತ ಹಾಗೂ ಪ್ರಾಮಾಣಿಕ ಪರಿಶ್ರಮದಿಂದ ಮಂಜೂರು ಮಾಡಿಸಲಾಗಿದೆ. ಇದನ್ನು ಚುನಾವಣಾ ತಂತ್ರ ಎಂದು ಟೀಕಿಸಿರುವ ಕೇಂದ್ರ ಸಚಿವ ಅನಂತಕುಮಾರ ಹೆಗಡೆ...

21 Apr, 2018