ದೇವರ ಹಿಪ್ಪರಗಿ

‘ದೇಶೀಯ ಕ್ರೀಡೆಗಳು ಗಟ್ಟಿಗೊಳ್ಳಲಿ’

ಯುವ ಸಬಲೀಕರಣ ಇಲಾಖೆ ಯುವಕರಿಗಾಗಿ ಸಾಕಷ್ಟು ಯೋಜನೆ ಹಾಕಿಕೊಂಡಿದೆ ಅವುಗಳ ಸದುಪಯೋಗ ಪಡಿಸಿಕೊಳ್ಳಲು ಯುವಕರು ಮುಂದಾಗಬೇಕೆಂದು

ದೇವರ ಹಿಪ್ಪರಗಿ: ‘ದೇಶೀಯ ಕ್ರೀಡೆಗಳ ಮೂಲಕ ಭಾರತದ ಗ್ರಾಮ ಸಂಸ್ಕೃತಿಯನ್ನು ಉಳಿಸಬೇಕಾಗಿದೆ. ಅಳಿವಿನ ಅಂಚಿನಲ್ಲಿರುವ ದೇಶೀಯ ಆಟಗಳನ್ನು ಯುವಕರು ನಿರ್ಲಕ್ಷಿಸಬಾರದು’ ಎಂದು ಸದಯ್ಯನಮಠದ ವೀರಗಂಗಾಧರ ಶ್ರೀ ಪ್ರತಿಪಾದಿಸಿದರು.

ಪಟ್ಟಣದ ಜ್ಞಾನಜ್ಯೋತಿ ಪ್ರೌಢಶಾಲೆಯಲ್ಲಿ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಹಾಗೂ ನವ ನಿರ್ಮಾಣ ಸಾಮಾಜಿಕ ಮತ್ತು ಸಾಂಸ್ಕೃತಿಕ ಸಂಘದ ಸಹಯೋಗದಲ್ಲಿ ಹಮ್ಮಿಕೊಂಡ ಗ್ರಾಮೀಣ ಕ್ರೀಡಾ ಉತ್ಸವದ ಸಮಾರಂಭ ಉದ್ಘಾಟಿಸಿ ಅವರು ಮಾತನಾಡಿದರು. ‘ಮರೆಯಾಗುತ್ತಿರುವ ಗ್ರಾಮೀಣ ಕ್ರೀಡೆಗಳತ್ತ ಯುವ ಜನತೆ ಗಮನ ನೀಡಿ ಅವುಗಳನ್ನು ಉಳಿಸುವ ಕಾರ್ಯ ಮಾಡಬೇಕು’ ಎಂದೂ ಸಲಹೆ ನೀಡಿದರು.

ದೈಹಿಕ ಶಿಕ್ಷಣ ಶಿಕ್ಷಕ ಬಿ.ಬಿ.ಪಾಟೀಲ ಮಾತನಾಡಿ, ‘ಯುವ ಸಬಲೀಕರಣ ಇಲಾಖೆ ಯುವಕರಿಗಾಗಿ ಸಾಕಷ್ಟು ಯೋಜನೆ ಹಾಕಿಕೊಂಡಿದೆ ಅವುಗಳ ಸದುಪಯೋಗ ಪಡಿಸಿಕೊಳ್ಳಲು ಯುವಕರು ಮುಂದಾಗಬೇಕೆಂದು’ ಹೇಳಿದರು.

ಕನ್ನಡ ಜಾನಪದ ಪರಿಷತ್ ಜಿಲ್ಲಾ ಘಟಕದ ಅಧ್ಯಕ್ಷ ಬಾಳನಗೌಡ ಪಾಟೀಲ ಮಾತನಾಡಿ, ‘ಗ್ರಾಮೀಣ ಕ್ರೀಡೆಗಳು ನಮ್ಮ ಪೂರ್ವಜರ ಕಲ್ಪನೆಯ ಕೂಸುಗಳು. ದೇಶೀಯ ಆಟಗಳನ್ನು ಉಳಿಸುವ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ’ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪಟ್ಟಣ ಪಂಚಾಯಿತಿ ಉಪಾಧ್ಯಕ್ಷೆ ಶಾಬಿರಾಬಾನು ಮಳಖೇಡ ವಹಿಸಿದ್ದರು. ಪಟ್ಟಣ ಪಂಚಾಯಿತಿ ಸದಸ್ಯ ಮಹಾದೇವ  ನಾಯ್ಕೋಡಿ, ಲಾಲಸಾಬ್ ಮಳಖೇಡ ಉಪಸ್ಥಿತರಿದ್ದರು. ನಿರ್ಣಾಯಕರಾಗಿ ಎಸ್.ಎನ್.ಪೂಜಾರಿ, ಎ.ಎಸ್.ಪತ್ತಾರ, ಆರ್.ಡಿ.ಗೌಳಿ, ಎಸ್.ಎಚ್.ಗಚ್ಚಿನಕಟ್ಟಿ, ಆರ್.ಡಿ.ಕಾಖಂಡಕಿ, ಎಸ್.ಆರ್.ಕರಾಳೆ, ಆರ್.ಬಿ.ಹಡಪದ, ಕಾರ್ಯ ನಿರ್ವಹಿಸಿದರು.

ಸಂಘದ ಅಧ್ಯಕ್ಷ ನಾನಾಗೌಡ ಪಾಟೀಲ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಶೇಖರ ಕಾಂಬಳೆ ಸ್ವಾಗತಿಸಿದರು. ಬಸವರಾಜ ಶಿರಣಗಾರ ನಿರೂಪಿಸಿದರು. ರಮೇಶ ಮಾಮನೆ ವಂದಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ವಿಜಯಪುರ
ಎಲ್ಲರ ಕೈಗೆಟುಕುವ ದರದಲ್ಲಿ ಮಾವು

ಹಣ್ಣುಗಳ ರಾಜ ಮಾವು ಇದೀಗ ಎಲ್ಲರಿಗೂ ಅಗ್ಗ. ತುಟ್ಟಿ ಧಾರಣೆಯಿಂದ ಮಾವಿನ ಸವಿಯಿಂದ ದೂರ ಉಳಿದಿದ್ದ ಬಡವರು, ಮಧ್ಯಮ ವರ್ಗದ ಜನರು ಮಾವು ಖರೀದಿಗಾಗಿ...

18 Jun, 2018
ಅಂಗನವಾಡಿಯಿದ್ದರೂ ಪ್ರಯೋಜನವಿಲ್ಲ..!

ದೇವರಹಿಪ್ಪರಗಿ
ಅಂಗನವಾಡಿಯಿದ್ದರೂ ಪ್ರಯೋಜನವಿಲ್ಲ..!

18 Jun, 2018

ವಿಜಯಪುರ
ಗುತ್ತಿಗೆದಾರರಿಗೆ ತುರ್ತು ಸಭೆ ಇಂದು; ಕಟು ಟೀಕೆ

ಬರೋಬ್ಬರಿ ಒಂಭತ್ತನೇ ತಿಂಗಳು. ಇಲ್ಲಿಯವರೆಗೂ ನಗರದ ಅಭಿವೃದ್ಧಿ, ಸಮಸ್ಯೆಗಳ ಕುರಿತಂತೆ ಚರ್ಚಿಸಿ ನಿರ್ಣಯ ತೆಗೆದುಕೊಳ್ಳಲು ವಿಜಯಪುರ ಮಹಾನಗರ ಪಾಲಿಕೆಯ ಮೇಯರ್‌–ಉಪ ಮೇಯರ್‌, ಸ್ಥಾಯಿ ಸಮಿತಿಗಳ...

18 Jun, 2018

ತಾಳಿಕೋಟೆ
ಸಾರ್ವಜನಿಕರಿಗೆ ಶೀರ್‌ಕುರ್ಮಾ ವಿತರಣೆ

ಈದ್ ಉಲ್‌ ಫಿತ್ರ್ ಆಚರಿಸುವ ಮುಸಲ್ಮಾನರು ಅಕ್ಕಪಕ್ಕದ ಮನೆಯವರು ಹಾಗೂ ಸ್ನೇಹಿತರಿಗೆ ಭರ್ಜರಿ ಭೋಜನ ಹಾಕಿಸುವುದು ಸಾಮಾನ್ಯ. ಆದರೆ, ಹಬ್ಬದ ದಿನ ರಸ್ತೆಯಲ್ಲಿ ಸಂಚರಿಸುವವರಿಗೆಲ್ಲ...

18 Jun, 2018

ದೇವರ ಹಿಪ್ಪರಗಿ
ಪುರಪ್ರವೇಶಕ್ಕೆ ಸಾಕ್ಷಿಯಾದ ಭಕ್ತರು

ದೇವರ ಹಿಪ್ಪರಗಿಯ ಐತಿಹಾಸಿಕ ಹಿನ್ನೆಲೆಯ ರಾವುತರಾಯನ ರೂಪಾಂಲಕಾರ ಪೂರ್ಣಗೊಂಡಿದ್ದು, ಬಂಡಿಯಾತ್ರೆಯ ಮೂಲಕ ಅಸಂಖ್ಯಾತ ಭಕ್ತರ ಉದ್ಘೋಷಗಳೊಂದಿಗೆ ಪುರಪ್ರವೇಶವಾಯಿತು.

18 Jun, 2018