ಶ್ರುತಿಹಾಸನ್ ಲವ್ ಸ್ಟೋರಿ!

ಈಚೆಗೆ ಆಪ್ತರ ಮದುವೆಗೆಂದು ಮುಂಬೈಗೆ ಬಂದಿದ್ದ ಮೈಕೆಲ್, ನಡುರಾತ್ರಿ ಮುಂಬೈನ ಗಲ್ಲಿಗಳಲ್ಲಿ ಗೆಳತಿ ಶ್ರುತಿ ಜತೆ ಸರಳ ಉಡುಪಿನಲ್ಲೇ ಸುತ್ತಾಡಿದ್ದಾರೆ. ಆಪ್ತರ ಮದುವೆಯಲ್ಲಿ ಮೈಕೆಲ್ ಅಪ್ಪಟ ದಕ್ಷಿಣ ಭಾರತೀಯನಂತೆ ಬಿಳಿ ಲುಂಗಿ ಉಟ್ಟಿದ್ದರೆ, ಶ್ರುತಿ ಗುಲಾಬಿ ಬಣ್ಣದ ರೇಷ್ಮೆ ಸೀರೆ ಉಟ್ಟು ವಿಶೇಷ ಕಳೆಯಿಂದ ಕಂಗೊಳಿಸಿದ್ದರು. ಅಷ್ಟೇ ಅಲ್ಲ ಮದುವೆಯಲ್ಲಿ ಅಪ್ಪ ಕಮಲ್ ಹಾಸನ್, ಅಮ್ಮ ಸಾರಿಕಾ ಜತೆ ಇವರಿಬ್ಬರ ಜತೆಗೆ ಸೆಲ್ಫಿ ಕೂಡಾ ಕ್ಲಿಕ್ಲಿಸಿಕೊಂಡಿದ್ದರು. ‌

ಅಂದಹಾಗೆ ಇವರಿಬ್ಬರ ಪರಿಚಯ ಹೇಗಾಯಿತೋ ಗೊತ್ತಿಲ್ಲ. ಆದರೆ, ಜುಲೈನಲ್ಲಿ ಮುಂಬೈಗೆ ಭೇಟಿ ನೀಡಿದ್ದ ಮೈಕೆಲ್ ಆಗಲೂ ಶ್ರುತಿ ಜತೆ ಹೆಚ್ಚು ಸಮಯ ಕಳೆದಿದ್ದರು. ಬ್ಯುಸಿ ಶೆಡ್ಯೂಲ್ ನಡುವೆಯೂ ಮೈಕೆಲ್ ಬಿಡುವು ಮಾಡಿಕೊಂಡು ಶ್ರುತಿ ಜತೆ ಕೈಕೈ ಹಿಡಿದುಕೊಂಡು ಸುತ್ತಾಡಿದ್ದರು. ಇಷ್ಟಾದರೂ ಈ ಜೋಡಿಹಕ್ಕಿಗಳು ತಮ್ಮ ಪ್ರೇಮ್ ಕಹಾನಿ ಕುರಿತು ಎಲ್ಲೂ ಬಾಯಿಬಿಟ್ಟಿಲ್ಲ. ಹಾಗಂತ ಗಾಸಿಪ್‌ಗಳು ನಿಂತಿಲ್ಲ.