ಶನಿವಾರಸಂತೆ

ನಾವೂ ಮುಖ್ಯವಾಹಿನಿಗೆ ಬರಬೇಕು...

ಗ್ರಾಮದ ಗಿರಿಜನರ ಹಾಡಿಯಲ್ಲಿ ಜೇನುಕುರುಬರು 85 ವರ್ಷಗಳಿಂದ ನೆಲೆಸಿದ್ದಾರೆ. 70 ಮನೆಗಳಲ್ಲಿ 73 ಕುಟುಂಬಗಳಿದ್ದು, 350 ಜನಸಂಖ್ಯೆ ಇದೆ.

ಶನಿವಾರಸಂತೆ ಸಮೀಪದ ಮಾಲಂಬಿ ಗ್ರಾಮದಲ್ಲಿ ಅಭಿವೃದ್ಧಿ ವಂಚಿತ ಗಿರಿಜನರ (ಜೇನುಕುರುಬರ) ಹಾಡಿ

ಶನಿವಾರಸಂತೆ: ‘ನಾವೂ ಸಮಾಜದ ಮುಖ್ಯವಾಹಿನಿಗೆ ಬಂದು ಎಲ್ಲರಂತೆ ಬದುಕಬೇಕು. ಶಿಕ್ಷಣದ ಮೂಲಕ ಹಾಡಿ ಅಭಿವೃದ್ಧಿ ಹೊಂದಬೇಕು. ಹಾಡಿ ಜನರ ಅಭಿವೃದ್ಧಿಗೆ ಸರ್ವ ಪ್ರಯತ್ನ, ಹೋರಾಟ ನಡೆದಿದೆ’.

ಇದು ಶನಿವಾರಸಂತೆಯಿಂದ 10 ಕಿ.ಮೀ. ದೂರದ ಮಾಲಂಬಿ ಗ್ರಾಮದ ಜೇನುಕುರುಬ ಗಿರಿಜನರ ಹಾಡಿಯಲ್ಲಿ ನೆಲೆಸಿರುವ, ಆಲೂರು ಸಿದ್ಧಾಪುರ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ವೀಣಾರಮೇಶ್ ಅವರ ಕನಸು.

ಗ್ರಾಮದ ಗಿರಿಜನರ ಹಾಡಿಯಲ್ಲಿ ಜೇನುಕುರುಬರು 85 ವರ್ಷಗಳಿಂದ ನೆಲೆಸಿದ್ದಾರೆ. 70 ಮನೆಗಳಲ್ಲಿ 73 ಕುಟುಂಬಗಳಿದ್ದು, 350 ಜನಸಂಖ್ಯೆ ಇದೆ. 2012–13ನೇ ಸಾಲಿನಲ್ಲಿ ಪರಿಶಿಷ್ಟ ವರ್ಗದ ಕಲ್ಯಾಣ ಇಲಾಖೆ ವತಿಯಿಂದ 60 ಮನೆಗಳು ಅಭಿವೃದ್ಧಿ ಕಂಡಿವೆ. ಉಳಿದ 10 ಮನೆಗಳ ಸ್ಥಿತಿ ಶೋಚನೀಯವಾಗಿದೆ. ಹೊಸ ಮನೆಗಳಿಗೆ ವಿದ್ಯುತ್ ಸಂಪರ್ಕವಿಲ್ಲ. ಹಳೆ ಮನೆಗಳ ಪೈಕಿ ಕೆಲವು ಮನೆಗಳಲ್ಲಿ ಮಾತ್ರ ವಿದ್ಯುತ್ ದೀಪಗಳು ಬೆಳಗುತ್ತಿವೆ. ಕೊಳವೆ ಬಾವಿ, ಪಂಚಾಯಿತಿಯಿಂದ ನೀರು ಸರಬರಾಜು ವ್ಯವಸ್ಥೆಯಿದ್ದರೂ ಕುಡಿಯುವ ನೀರಿನ ಸಮಸ್ಯೆಯಿದೆ.

ಹಾಡಿಯಲ್ಲಿ ಮನೆಗಳೇನೋ ಅಭಿವೃದ್ಧಿ ಕಾಣುತ್ತಿವೆ. ಆದರೆ, ಅಲ್ಲಿನ ನಿವಾಸಿಗಳಲ್ಲಿ ವಿದ್ಯೆಯ ಕೊರತೆ ಇದೆ. ಹಾಡಿಯ ಪಕ್ಕದಲ್ಲೇ ಗಿರಿಜನರ ಆಶ್ರಮ ಶಾಲೆ ಇದ್ದರೂ ಮಕ್ಕಳನ್ನು ಶಾಲೆಗೆ ಕಳುಹಿಸುತ್ತಿಲ್ಲ. ಮಕ್ಕಳು ಇಷ್ಟಪಟ್ಟರೂ ಹಿರಿಯರು ಮಾತ್ರ ಆ ಬಗ್ಗೆ ಆಸಕ್ತಿ ತೋರುತ್ತಿಲ್ಲ. ಜೇನು ಸಾಕಾಣಿಕೆ ಕುಲಕಸುಬಾದರೂ ಬೆರಳೆಣಿಕೆ ಮಂದಿ ಮಾತ್ರ ಈ ವೃತ್ತಿಯಲ್ಲಿ ತೊಡಗಿಸಿಕೊಂಡಿದ್ದಾರೆ.

ಹಾಡಿಯ ಹೆಣ್ಣುಮಗಳು, 7ನೇ ತರಗತಿಯವರೆಗೆ ವಿದ್ಯಾಭ್ಯಾಸ ಮಾಡಿರುವ ವೀಣಾರಮೇಶ್ ಪಂಚಾಯಿತಿ ಅಧ್ಯಕ್ಷೆಯಾದ ಬಳಿಕ 45 ಮನೆಗಳಿಗೆ ಶೌಚಾಲಯ ಒದಗಿಸಿದ್ದಾರೆ. ಶೇ 25 ಕುಟುಂಬಗಳಿಗೆ ರೇಷನ್ ಕಾರ್ಡ್ ದೊರೆತ್ತಿದ್ದು, ಉಳಿದವರು ರೇಷನ್ ಕಾರ್ಡ್ ನಿರೀಕ್ಷೆಯಲ್ಲಿದ್ದಾರೆ.

35 ಮಕ್ಕಳು ಆಶ್ರಮ ಶಾಲೆಯಲ್ಲಿ ಕಲಿಯುತ್ತಿದ್ದು, ಪಂಚಾಯಿತಿ ಅಧ್ಯಕ್ಷೆ ವೀಣಾ ಅವರ ಪತಿ ಜೆ.ಎಲ್.ರಮೇಶ್ ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷರಾಗಿದ್ದಾರೆ. ಯುವಕರು 12 ಜನರ ಸಮಿತಿಯೊಂದನ್ನು ರಚಿಸಿಕೊಂಡಿದ್ದು, 3 ತಿಂಗಳಿಗೊಮ್ಮೆ ಸಭೆ ನಡೆಸಿ ಚರ್ಚೆ ನಡೆಸುತ್ತಾರೆ.‌

ಗಿರಿಜನರ ಹಾಡಿಯಲ್ಲಿ 20 ಮಂದಿ ಮಾತ್ರ ಗುರುತಿನ ಚೀಟಿ ಹೊಂದಿದ್ದಾರೆ. ಇನ್ನೂ 200 ಮಂದಿಗೆ ಗುರುತಿನ ಚೀಟಿಯ ಅವಶ್ಯಕತೆಯಿದ್ದು, ಮಾಡಿಸಿಕೊಡುವ ಭರವಸೆ ವೀಣಾರಮೇಶ್ ಅವರದ್ದು.

‘ಹಾಡಿ ಬದಲಾಗಬೇಕು, ಅಭಿವೃದ್ಧಿ ಹೊಂದಬೇಕೆಂದರೆ ಮೊದಲಿಗೆ ದುಶ್ಚಟ ಮುಕ್ತರಾಗಬೇಕು. ಸರ್ಕಾರದ ಸೌಲಭ್ಯಗಳ ಸದುಪಯೋಗವಾಗಬೇಕು’ ಎನ್ನುತ್ತಾರೆ ಮೂಲ ಆದಿವಾಸಿಗಳ ರಕ್ಷಣಾ ವೇದಿಕೆ ಜಿಲ್ಲಾ ಸಂಚಾಲಕ ರಂಗಸಮುದ್ರದ ಬಿ.ಕೆ.ಧರ್ಮಪ್ಪ.

* * 

ಗಿರಿಜನರ ಹಾಡಿಗೆ ಅಂಗನವಾಡಿ ಕೇಂದ್ರ ಅಗತ್ಯವಾಗಿ ಬೇಕು. ಜತೆಗೆ, ಇಲ್ಲಿನ ಆಶ್ರಮ ಶಾಲೆಯಲ್ಲಿ 10ನೇ ತರಗತಿವರೆಗೆ ಶಿಕ್ಷಣ ನೀಡಬೇಕು‌
ವೀಣಾರಮೇಶ್, ಆಲೂರು ಸಿದ್ಧಾಪುರ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ

 

Comments
ಈ ವಿಭಾಗದಿಂದ ಇನ್ನಷ್ಟು
ಹೊಸಬರ ಹಟ: ಹಾಲಿ ಶಾಸಕರಿಗೆ ಸಂಕಟ

ಮಡಿಕೇರಿ
ಹೊಸಬರ ಹಟ: ಹಾಲಿ ಶಾಸಕರಿಗೆ ಸಂಕಟ

17 Jan, 2018

ಕುಶಾಲನಗರ
ಬಜೆಟ್‌ನಲ್ಲಿ ಘೋಷಣೆಗೆ ಒತ್ತಾಯಿಸಿ ನಿಯೋಗ

‘25 ದಿನಗಳಿಂದ ವಿವಿಧ ಹಂತಗಳಲ್ಲಿ ನಡೆಸಿದ ಹೋರಾಟ ಸರ್ಕಾರದ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಅಲ್ಲದೆ ಮುಖ್ಯಮಂತ್ರಿಯಿಂದ ಕಾವೇರಿ ತಾಲ್ಲೂಕು ರಚನೆಗೆ ಸಕಾರತ್ಮಾಕ ಸ್ಪಂದನೆ ದೊರೆತಿದೆ. ...

17 Jan, 2018

ಶನಿವಾರಸಂತೆ
ಬೆಂಬಳೂರು: ಬಾಣಂತಮ್ಮ ಜಾತ್ರೆ ಸಡಗರ

ಸಮೀಪದ ಬೆಂಬಳೂರು ಗ್ರಾಮದ ಇತಿಹಾಸ ಪ್ರಸಿದ್ಧ ಬಾಣಂತಮ್ಮ ಜಾತ್ರಾ ಮಹೋತ್ಸವ ಮಂಗಳವಾರ ವಿಜೃಂಭಣೆಯಿಂದ ಜರುಗಿತು. ಸುತ್ತಮುತ್ತಲ ಗ್ರಾಮಸ್ಥರು ಮಹೋತ್ಸವಕ್ಕೆ ಸಾಕ್ಷಿಯಾದರು.

17 Jan, 2018
‘ರಾಜ್ಯದಲ್ಲಿ ಹದಗೆಟ್ಟ ಕಾನೂನು ಸುವ್ಯವಸ್ಥೆ’

ಸೋಮವಾರಪೇಟೆ
‘ರಾಜ್ಯದಲ್ಲಿ ಹದಗೆಟ್ಟ ಕಾನೂನು ಸುವ್ಯವಸ್ಥೆ’

16 Jan, 2018

ಕುಶಾಲನಗರ
ಕಾಮಗಾರಿ ಕಳಪೆ; ಗ್ರಾಮಸ್ಥರ ಆರೋಪ

ಕಾವೇರಿ ನೀರಾವರಿ ನಿಗಮ ₹ 70 ಲಕ್ಷ ವೆಚ್ಚದಲ್ಲಿ ಮುಳ್ಳುಸೋಗೆ ಗ್ರಾಮ ಪಂಚಾಯಿತಿಯ ಗುಮ್ಮನಕೊಲ್ಲಿಯಿಂದ ಗೋಪಾಲ್ ಸರ್ಕಲ್ ವರೆಗೆ 2 ಕಿ.ಮೀ ರಸ್ತೆ ಅಭಿವೃದ್ಧಿ...

16 Jan, 2018