ರಾಮನಗರ

ಇಂದಿರಾ ಕ್ಯಾಂಟೀನ್ ಆರಂಭಕ್ಕೆ ಅಪಸ್ವರ

1958ರಲ್ಲಿ ದುರ್ಗಾಪ್ರಸಾದ್ ಎಂಬುವವರು ಗೋ ಶಾಲೆ ಆರಂಭಿಸಲು ಇಲ್ಲಿನ 5 ಎಕರೆ ಭೂಮಿ ದಾನ ಮಾಡಿದ್ದರು, ಇಂದು ಈ ಜಾಗ ನಗರದ ಹೃದಯ ಭಾಗವಾಗಿ ಪರಿವರ್ತನೆಗೊಂಡಿದೆ.

ಜಿಲ್ಲಾ ಪಶು ಆಸ್ಪತ್ರೆ ಆವರಣದಲ್ಲಿ ಇಂದಿರಾ ಕ್ಯಾಂಟೀನ್‌ಗೆಂದು ಗುರುತಿಸಲಾದ ಜಾಗ

ರಾಮನಗರ: ಹಳೇ ಬಸ್‌ ನಿಲ್ದಾಣ ವೃತ್ತಕ್ಕೆ ಹೊಂದಿಕೊಂಡಂತೆ ಇರುವ ಜಿಲ್ಲಾ ಪಶು ಆಸ್ಪತ್ರೆ ಆವರಣದಲ್ಲಿ ಸರ್ಕಾರ ಇಂದಿರಾ ಕ್ಯಾಂಟೀನ್ ನಿರ್ಮಿಸಲು ಹೊರಟಿದ್ದು, ಅದಕ್ಕೆ ಅಪಸ್ವರ ಕೇಳಿ ಬಂದಿದೆ.

ಪಶು ಆಸ್ಪತ್ರೆಗೆ ಸೇರಿದ ಈ ಜಾಗ ಭೂದಾನಿಗಳಿಂದ ಬಂದಿದ್ದು, ಗೋಶಾಲೆ ನಿರ್ಮಿಸಲು ಕೊಟ್ಟ ಜಾಗವಾಗಿದೆ. ಒಟ್ಟು 5ಎಕರೆ ಜಾಗದ ಪೈಕಿ ಇದೀಗ 1 ಎಕರೆ 30 ಗುಂಟೆ ಜಮೀನಷ್ಟೇ ಪಶು ಸಂಗೋಪನಾ ಇಲಾಖೆ ಬಳಿ ಉಳಿದುಕೊಂಡಿದೆ. ಇದರಲ್ಲಿಯೇ ಪಶು ಆಸ್ಪತ್ರೆ, ಔಷಧ ಉಗ್ರಾಣ, ಇಲಾಖೆ ಸಹಾಯಕ ನಿರ್ದೇಶಕರ ಕಚೇರಿಗಳು ಕಾರ್ಯ ನಿರ್ವಹಿಸುತ್ತಿವೆ. ಅಲ್ಲದೆ, ಸುಸಜ್ಜಿತ ಪಾಲಿ ಕ್ಲಿನಿಕ್‌ ನಿರ್ಮಾಣಕ್ಕೆ ಯೋಜನೆ ಸಿದ್ಧಗೊಂಡಿದೆ. ಹೀಗಿರುವಾಗ ಅದೇ ಜಾಗವನ್ನು ಕ್ಯಾಂಟೀನ್‌ಗೆ ಬಳಸಿಕೊಳ್ಳಲು ಹೊರಟಿರುವುದಕ್ಕೆ ರೈತ ಸಮುದಾಯ ಅಸಮಾಧಾನ ವ್ಯಕ್ತಪಡಿಸಿದೆ.

ಈ ಸಂಬಂಧ ಸಮಾನ ಮನಸ್ಕ ರೈತರು ಈಚೆಗೆ ನಗರಸಭೆ ಹಾಗೂ ಜಿಲ್ಲಾಡಳಿತಕ್ಕೆ ಮನವಿ ಸಲ್ಲಿಸಿದ್ದು, ದಾನಿಗಳ ಆಶಯಕ್ಕೆ ವಿರುದ್ಧವಾಗಿ ಜಾಗ ಅನ್ಯ ಉದ್ದೇಶಗಳಿಗೆ ಬಳಸಿ ಕೊಳ್ಳಬಾರದು ಎಂದು ಮನವಿ ಮಾಡಿದ್ದಾರೆ.

1958ರಲ್ಲಿ ದುರ್ಗಾಪ್ರಸಾದ್ ಎಂಬುವವರು ಗೋ ಶಾಲೆ ಆರಂಭಿಸಲು ಇಲ್ಲಿನ 5 ಎಕರೆ ಭೂಮಿ ದಾನ ಮಾಡಿದ್ದರು, ಇಂದು ಈ ಜಾಗ ನಗರದ ಹೃದಯ ಭಾಗವಾಗಿ ಪರಿವರ್ತನೆಗೊಂಡಿದೆ. ಹೀಗಾಗಿ ಇಲ್ಲಿನ ನೆಲದ ಮೇಲೆ ಎಲ್ಲರ ಕಣ್ಣು ಬಿದ್ದಿದೆ ಎಂದು ರೈತ ಮುಖಂಡರು ದೂರುತ್ತಾರೆ.

ಜನನಿಬಿಡ ಪ್ರದೇಶದಲ್ಲಿಯೇ ಕ್ಯಾಂಟೀನ್‌ಗೆ ಬೇರೊಂದು ಸ್ಥಳ ಹುಡುಕಿಕೊಳ್ಳಬೇಕು. ಗಾಂಧಿಪಾರ್ಕ್ ಆವರಣ, ಕೆಎಸ್‍ಆರ್‌ಟಿಸಿ ಬಸ್‌ ನಿಲ್ದಾಣದಲ್ಲಿನ ಮಳಿಗೆ, ಮಿನಿ ವಿಧಾನಸೌಧದಲ್ಲಿನ ಆವರಣ... ಹೀಗೆ ಇನ್ನೂ ಹಲವು ಜಾಗಗಳು ಇದ್ದು, ಪರ್ಯಾಯ ಜಾಗವನ್ನು ನಗ ರಸಭೆ ಗುರುತಿಸಿಕೊಡಬೇಕು. ಜನ–ಜಾನುವಾರುಗಳಿಗೆ ಮೀಸಲಿಟ್ಟ ಜಾಗವನ್ನು ಅದೇ ಉದ್ದೇಶಕ್ಕೆ ಬಳಸಿಕೊಳ್ಳಬೇಕು ಎನ್ನುವುದು ರೈತರ ಆಗ್ರಹವಾಗಿದೆ.

ತೊಂದರೆ ಆಗದು: ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ನಗರಸಭೆ ಆಯುಕ್ತ ಕೆ. ಮಾಯಣ್ಣ ಗೌಡ ‘ಜನಸಂದಣಿ ಇರುವ ಕಡೆ ಕ್ಯಾಂಟೀನ್‌ ಆರಂಭಿಸಬೇಕು ಎನ್ನುವುದು ಸರ್ಕಾರದ ಆಶಯ. ಅದರಂತೆ ಸ್ಥಳ ಗುರುತಿಸಿ ಪ್ರಸ್ತಾವ ಸಲ್ಲಿಸಿದ್ದು, ಸರ್ಕಾರವೇ ಅಂತಿಮವಾಗಿ ಸ್ಥಳ ನಿಗದಿಪಡಿಸಿದೆ’ ಎಂದು ಸ್ಪಷ್ಟನೆ ನೀಡಿದರು.

‘ಕೇವಲ 60X60 ಅಡಿ ವಿಸ್ತೀರ್ಣದಲ್ಲಿ ಕ್ಯಾಂಟೀನ್‌ ನಿರ್ಮಾಣ ಆಗಲಿದ್ದು, ಹೆಚ್ಚಿನ ಜಾಗ ಬೇಕಾಗದು. ಇದರಿಂದ ಇಲ್ಲಿಗೆ ಬರುವ ರೈತರಿಗೂ ಉಪಯೋಗವಾಗಲಿದೆ. ಇದರ ಜೊತೆಗೆ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅಧಿಕಾರಿಗಳ ಕಚೇರಿ ಸಮೀಪ ಮತ್ತೊಂದು ಕ್ಯಾಂಟೀನ್ ಸಹ ಪ್ರಾರಂಭಗೊಳ್ಳಲಿದೆ’ ಎಂದು ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಚನ್ನಪಟ್ಟಣ
ಎಚ್‌.ಡಿ. ಕುಮಾರಸ್ವಾಮಿ ನಾಮಪತ್ರ ಸಲ್ಲಿಕೆ

ಜೆಡಿಎಸ್ ರಾಜ್ಯ ಘಟಕದ ಅಧ್ಯಕ್ಷ ಎಚ್.ಡಿ.ಕುಮಾರಸ್ವಾಮಿ ಅವರು ಶುಕ್ರವಾರ ಚನ್ನಪಟ್ಟಣ ವಿಧಾನಸಭಾ ಕೇತ್ರದ ಜೆಡಿಎಸ್ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿದರು.

21 Apr, 2018

ಚನ್ನಪಟ್ಟಣ
‘ಹೈಕಮಾಂಡ್ ಆದೇಶದ ಮೇರೆಗೆ ಸ್ವರ್ಧೆ’

ಚನ್ನಪಟ್ಟಣ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಸಾರಿಗೆ ಸಚಿವ ಎಚ್.ಎಂ.ರೇವಣ್ಣ ಶುಕ್ರವಾರ ನಾಮಪತ್ರ ಸಲ್ಲಿಸಿದರು.

21 Apr, 2018

ಮಾಗಡಿ
ಅತ್ಯಾಚಾರ ಖಂಡಿಸಿ ಪ್ರತಿಭಟನೆ

ಕಠುವಾ ಅತ್ಯಾಚಾರದಲ್ಲಿ ಭಾಗಿಯಾಗಿರುವವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿ ಹಲವು ಸಂಘಟನೆಗಳು ಶುಕ್ರವಾರ ಸಂಜೆ ಕಲ್ಯಾ ಬಾಗಿಲು ನಾರಸಿಂಹ ವೃತ್ತದ ಬಳಿ...

21 Apr, 2018

ರಾಮನಗರ
ಎಚ್‌ಡಿಕೆ ಕುಟುಂಬ ಆಸ್ತಿ ಮೌಲ್ಯ ಹೆಚ್ಚಳ

ಜೆಡಿಎಸ್‌ನ ಮುಖ್ಯಮಂತ್ರಿ ಅಭ್ಯರ್ಥಿಯಾಗಿರುವ ಎಚ್.ಡಿ. ಕುಮಾರಸ್ವಾಮಿ ಅವರ ಕುಟುಂಬದ ಸದ್ಯದ ಆಸ್ತಿಯ ಮೌಲ್ಯ ₹167 ಕೋಟಿ.

21 Apr, 2018
ಕೆರೆಗೆ ಕಲುಷಿತ ನೀರು: ಆಕ್ರೋಶ

ಮಾಗಡಿ
ಕೆರೆಗೆ ಕಲುಷಿತ ನೀರು: ಆಕ್ರೋಶ

21 Apr, 2018