ನ್ಯಾಯಾಧೀಶ ಗಣಪತಿ ಗುರುಸಿದ್ಧ ಬಾದಾಮಿ

ಕಷ್ಟಪಟ್ಟು ದುಡಿದರೆ ಉತ್ತಮ ಬದುಕು ಸಾಧ್ಯ

ಸೇವೆಯಲ್ಲಿ ಸ್ವಾರ್ಥ ಇರದಂತೆ ಸಮಾಜ ಸೇವೆ ಮಾಡಬೇಕು ಎಂದು ಚನ್ನರಾಯಪಟ್ಟಣದ ಹಿರಿಯ ಸಿವಿಲ್ ನ್ಯಾಯಾಲಯದ ನ್ಯಾಯಾಧೀಶ ಗಣಪತಿ ಗುರುಸಿದ್ಧ ಬಾದಾಮಿ ಶುಕ್ರವಾರ ಹೋಬಳಿಯ ಯಾಳನಹಳ್ಳಿಯಲ್ಲಿ ಹೇಳಿದರು.

ಹಿರೀಸಾವೆ: ಸೇವೆಯಲ್ಲಿ ಸ್ವಾರ್ಥ ಇರದಂತೆ ಸಮಾಜ ಸೇವೆ ಮಾಡಬೇಕು ಎಂದು ಚನ್ನರಾಯಪಟ್ಟಣದ ಹಿರಿಯ ಸಿವಿಲ್ ನ್ಯಾಯಾಲಯದ ನ್ಯಾಯಾಧೀಶ ಗಣಪತಿ ಗುರುಸಿದ್ಧ ಬಾದಾಮಿ ಶುಕ್ರವಾರ ಹೋಬಳಿಯ ಯಾಳನಹಳ್ಳಿಯಲ್ಲಿ ಹೇಳಿದರು.

ಹಿರೀಸಾವೆಯ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನೆಯ ವಾರ್ಷಿಕ ವಿಶೇಷ ಶಿಬಿರದಲ್ಲಿ ನಡೆದ ಕಾನೂನು ಅರಿವು ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

‘ಸರ್ಕಾರದ ಹಲವು ಯೋಜನೆಗಳು ಜನಸೇವೆಗಿಂತ, ಜನಪ್ರತಿನಿಧಿಗಳು ಮತ್ತು ಅಧಿಕಾರಿಗಳ ಸ್ವಂತ ಸೇವೆಗೆ ಉಪಯೋಗವಾಗುತ್ತಿವೆ. ಶಿಕ್ಷಕ, ರೈತ, ಸೈನಿಕ ಮತ್ತು ಯುವಕರು ದೇಶವನ್ನು ಕಟ್ಟುವಲ್ಲಿ ಪ್ರಮುಖರು. ಇವರು ತಮ್ಮ ಕರ್ತವ್ಯ ಮರೆತರೆ ದೇಶದ ಅಭಿವೃದ್ಧಿ ಕುಂಠಿತವಾಗುತ್ತದೆ. ಕಷ್ಟಪಟ್ಟು ದುಡಿದು ಜೀವನ ನಡೆಸಿದರೆ ಉತ್ತಮ ಬದುಕು, ಆರೋಗ್ಯ ಪಡೆಯಬಹುದು’ ಎಂದರು.

ಪ್ರಧಾನ ಸಿವಿಲ್ ನ್ಯಾಯಾಧೀಶ ಎನ್. ಚಿನ್ನಸ್ವಾಮಿ ಮಾತನಾಡಿ, ‘ಮೊಬೈಲ್‌ ಬಳಕೆ, ಟಿವಿ ವೀಕ್ಷಣೆಗಳಿಗೆ ಇತಿ, ಮಿತಿ ಇರಲಿ. ಈಚಿನ ದಿನಗಳಲ್ಲಿ ಅಪರಾಧಗಳಲ್ಲಿ ಇವುಗಳ ಪಾತ್ರ ಹೆಚ್ಚಾಗಿದೆ’ ಎಂದು ಹೇಳಿದರು.

ಬಾಲಕಾರ್ಮಿಕ ಕಾಯ್ದೆ ಬಗ್ಗೆ ಮಾಹಿತಿ ನೀಡಿದರು. ಚನ್ನರಾಯಪಟ್ಟಣ ತಾಲ್ಲೂಕು ವಕೀಲರ ಸಂಘದ ಅಧ್ಯಕ್ಷ ಕೆ.ಎಂ.ಸುಂದರಾಜ್, ಸದಸ್ಯ ಮಂಜೇಶ್ ಮಾತನಾಡಿದರು. ಕಾಲೇಜಿನ ಪ್ರಾಂಶುಪಾಲ ಎಚ್.ಎನ್. ಬಸವರಾಜ್‌ ಅಧ್ಯಕ್ಷತೆ ವಹಿಸಿದ್ದರು. ಶಿಬಿರದ ನಿರ್ದೇಶಕ ಶ್ರೀನಿವಾಸಗೌಡ, ಸಹ ನಿರ್ದೇಶಕರಾದ ಲಕ್ಷ್ಮೀಶ್‌ ಕುಮಾರ್‌ ಇದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
ಕೊಬ್ಬರಿ ಧಾರಣೆಯಲ್ಲಿ ತುಸು ಚೇತರಿಕೆ

ಅರಸೀಕೆರೆ
ಕೊಬ್ಬರಿ ಧಾರಣೆಯಲ್ಲಿ ತುಸು ಚೇತರಿಕೆ

26 May, 2018

ಹಾಸನ
ಪೆಟ್ರೋಲ್‌, ಡೀಸೆಲ್ ದರ ಇಳಿಕೆಗೆ ಆಗ್ರಹ

ಪೆಟ್ರೋಲ್, ಡೀಸೆಲ್ ಬೆಲೆ ಇಳಿಕೆಗೆ ಒತ್ತಾಯಿಸಿ ಭಾರತ ಕಮ್ಯೂನಿಸ್ಟ್ ಪಕ್ಷ (ಮಾರ್ಕ್ಸ್‌ವಾದಿ) ಸಿಪಿಎಂ ಸ್ಥಳೀಯ ಸಮಿತಿ ವತಿಯಿಂದ ಶುಕ್ರವಾರ ಸಂಜೆ ನಗರದ ಹೇಮಾವತಿ ಪ್ರತಿಮೆ...

26 May, 2018

ಬೇಲೂರು
ತಾಲ್ಲೂಕಿನಲ್ಲಿ ಉತ್ತಮ ಮಳೆ, ಬಿತ್ತನೆ ಚುರುಕು

ಮಳೆ ಕೃಷಿಕರಲ್ಲಿ ಭರವಸೆ ಮೂಡಿಸಿದ ಹಿಂದೆಯೇ ತಾಲ್ಲೂಕಿನಲ್ಲಿ ವಾಣಿಜ್ಯ ಬೆಳೆ ಅಲೂ ಬಿತ್ತನೆಗೆ ಚಾಲನೆ ನೀಡಲಾಗಿದೆ. ತೋಟಗಾರಿಕೆ ಇಲಾಖೆ ಅಧಿಕಾರಿಗಳು ಅಲೂ ಬಿತ್ತನೆಗೂ ಮುನ್ನ...

25 May, 2018

ಹಾಸನ
ನಿಫಾ ವೈರಾಣು ಆತಂಕ ಬೇಡ

ದಕ್ಷಿಣ ರಾಜ್ಯಗಳಲ್ಲಿ ಆತಂಕ ಮೂಡಿಸಿರುವ ಮಾರಣಾಂತಿಕ ನಿಫಾ ವೈರಾಣು ಸೋಂಕು ಜಿಲ್ಲೆಗೂ ಹರಡದಂತೆ ಮುಂಜಾಗ್ರತೆ ವಹಿಸುವಂತೆ ಆರೋಗ್ಯ ಇಲಾಖೆ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಪಿ.ಸಿ.ಜಾಫರ್ ಸೂಚನೆ...

25 May, 2018

ಹಾಸನ
ಬ್ಯೂಟಿಷಿಯನ್ ವೃತ್ತಿಗೆ ಹೆಚ್ಚಿನ ಬೇಡಿಕೆ

ದೇಶದಲ್ಲಿ ಯುವಜನರನ್ನು ಸ್ವಾವಲಂಬಿ ಬದುಕಿನಲ್ಲಿ ಸಬಲೀಕರಣ ಮಾಡುವ ಸಲುವಾಗಿ ಕೆನರಾ ಗ್ರಾಮೀಣ ಸ್ವ ಉದ್ಯೋಗ ತರಬೇತಿ ಸಂಸ್ಥೆ ವಿವಿಧ ರೀತಿಯ ನೂರಾರು ವೃತ್ತಿ ತರಬೇತಿ...

25 May, 2018