ನವದೆಹಲಿ: ಕೇಂದ್ರ ಲೋಕಸೇವಾ ಆಯೋಗದ(ಯುಪಿಎಸ್‌ಸಿ) ಪ್ರಿಲಿಮಿನರಿ ಪರೀಕ್ಷೆಯ ಹಿನ್ನೆಲೆಯಲ್ಲಿ ಯುಜಿಸಿ–ರಾಷ್ಟ್ರೀಯ ಅರ್ಹತಾ ಪರೀಕ್ಷೆಯನ್ನು(ಯುಜಿಸಿ–ಎನ್‌ಇಟಿ) ಜೂನ್‌ 18ಕ್ಕೆ ಮುಂದೂಡಲಾಗಿದೆ.
‘ವಿದ್ಯಾರ್ಥಿಗಳ ಅಭಿಪ್ರಾಯವನ್ನು ಪರಿಗಣಿಸಿ, ಜೂನ್‌ 16ರಂದು ನಿಗದಿಯಾಗಿದ್ದ ಯುಜಿಸಿ–ಎನ್‌ಇಟಿಯನ್ನು ಜೂನ್‌ 18ರಂದು ನಡೆಸಲು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ(ಎನ್‌ಟಿಎ) ಮತ್ತು ವಿಶ್ವವಿದ್ಯಾಲಯಗಳ ಅನುದಾನ ಆಯೋಗ(ಯುಜಿಸಿ) ನಿರ್ಧರಿಸಿದೆ’ ಎಂದು ಯುಜಿಸಿ ಅಧ್ಯಕ್ಷ ಜಗದೀಶ್‌ ಕುಮಾರ್‌ ತಿಳಿಸಿದ್ದಾರೆ.
‘ಒಎಮ್‌ಆರ್‌ ಮಾದರಿಯಲ್ಲಿ ದೇಶದಾದ್ಯಂತ ಒಂದೇ ದಿನ ಯುಜಿಸಿ–ಎನ್‌ಇಟಿ ನಡೆಯಲಿದೆ’ ಎಂದು ತಿಳಿಸಿದ್ದಾರೆ.
