‘ಇವು ಅಂಥಿಂಥ ಎತ್ತುಗಳಲ್ರಪಾ, ನಾ ಹೇಳ್ದಂಗೆ ಕೇಳ್ತವೆ... ಗೊತ್ತಾ’ ಅಂದವನೆ, ಎದುರ್ನಾಗೆ ನಿಂತ್ಕಂಡು ‘ಬೈಠ್ ಬೈಠ್’ ಎಂದು
ಅರಚಿದ ಹನುಮಂತಿ. ಆರಾಮಾಗಿ ಕುತ್ಕಂಡ್ವು. ‘ಉಠೋ ಉಠೋ’ ಅನ್ನುತ್ಲೆ ಮೇಲೆದ್ದವು. ‘ಇವನ್ನೇನು ಜುಜುಬಿ ಅನ್ಕಂಡ್ರಾ? ಹಿಂದಿ ಪಿಕ್ಚರ್ನಾಗೆಲ್ಲಾ ಪಾಲ್ಟು ಮಾಡ್ಸವ್ರಲಾ’ ಎಂದು ಹನುಮಂತಿ ತಾರೀಫ್ ಮಾಡಿದ. ಎದುರ್ನಾಗಿರೋ ಗುಡಿ ತೋರ್ಸಿ, ‘ಟೆಂಪಲ್ ರನ್’ ಅಂದ. ಗುಡಿ ಸುತ್ತಿದವು. ‘ಸಿನಿಮಾದ್ಯಾಗೆ ಪಾಲ್ಟು ಮಾಡೋವೆಲ್ಲಾ ಹೊಲ ಉತ್ತಾವಾ?’ ಜನ ಆಡಿಕೊಂಡರು. ಹನುಮಂತಿ ಹೆಂಡ್ರು ಮೊರದ ತುಂಬಾ ಅಕ್ಕಿ, ಅಚ್ಚುಬೆಲ್ಲ ತಂದು ಮಡಗುತ್ಲು ಸೊರಬರ ಅಂತ ಖಾಲಿ ಮಾಡಿ, ಎರಡು ಬಕೀಟು ನೀರು ಹೀರಿದವು. ಜನ ಒಬ್ಬರ ಮಾರಿ ಒಬ್ಬರು ನೋಡಿಕೊಂಡ್ರು.