ಜಗತ್ತಿಗೆ ಭಾರತೀಯ ಋಷಿಮುನಿಗಳು ಕೊಟ್ಟ ಅನೇಕ ಅದ್ವಿತೀಯ ಕೊಡುಗೆಗಳಲ್ಲಿ ಯೋಗ ಪ್ರಮುಖವಾದುದು. ಯೋಗ ಮಾಡುವುದರಿಂದ ಹಲವಾರು ಮನೋದೈಹಿಕ ಪ್ರಯೋಜನಗಳಿರುವುದನ್ನು ನೂರಾರು ವರ್ಷಗಳ ಹಿಂದೆಯೇ ನಮ್ಮ ಪೂರ್ವಜರು ಕಂಡುಕೊಂಡಿದ್ದಾರೆ. ದೈಹಿಕ ಹಾಗೂ ಮಾನಸಿಕ ಆರೋಗ್ಯವನ್ನು ಹೆಚ್ಚಿಸುವಲ್ಲಿ ಯೋಗ ಸಹಕಾರಿ ಎಂದು ಆಧುನಿಕ ವೈದ್ಯ ವಿಜ್ಞಾನವೂ ಒಪ್ಪಿದೆ.
ಇಂತಹ ಮಹತ್ವದ ಯೋಗವು ಶಾಲಾ– ಕಾಲೇಜು ಮಕ್ಕಳಿಗೆ ಪಠ್ಯವಾಗಬೇಕು. ಯೋಗವನ್ನು ನಮ್ಮ ಮಕ್ಕಳಿಗೆ ಪ್ರಾಥಮಿಕ ಹಂತದಿಂದಲೇ ವೈಜ್ಞಾನಿಕವಾಗಿ ಕಲಿಸಬೇಕಿದೆ. ಇದಕ್ಕಾಗಿ ನುರಿತ ಯೋಗ ಶಿಕ್ಷಕರ ನೇಮಕ ಆಗಬೇಕಿದೆ. ಜೂನ್ 21 ಮಾತ್ರ ಯೋಗ ದಿನವಾಗದೆ, ಪ್ರತಿದಿನವೂ ಯೋಗದಿನವಾಗಲಿ.