ಚುನಾವಣಾ ಆಯೋಗವು ಅಭ್ಯರ್ಥಿಗಳ ಚುನಾವಣಾ ಖರ್ಚಿನ ಬಗೆಗೆ ಗಮನ ಇಡುವುದರಿಂದ, ಪೇಯ್ಡ್ ಸುದ್ದಿಗಳ ಬಗೆಗೆ ಮತ್ತು ಅಭ್ಯರ್ಥಿಗಳ ಸಾಮಾಜಿಕ ಜಾಲತಾಣ ಖಾತೆಗಳ ಮೇಲೆ ಕಣ್ಣಿಟ್ಟಿರುತ್ತದೆ ಅಷ್ಟೆ. ನೀವು ಮಾಡುವ ಚುನಾವಣಾ ಪ್ರಚಾರಗಳಿಂದ ನಿಮ್ಮ ಮೇಲೆ ಯಾರೂ ಕ್ರಮ ಕೈಗೊಳ್ಳಲು ಅಥವಾ ಸುಖಾಸುಮ್ಮನೆ ಪೊಲೀಸರು ಬಂಧಿಸಲು ಸಾಧ್ಯವಿಲ್ಲ. ಆದರೆ ನೆನಪಿರಲಿ, ಪ್ರಚಾರದ ನೆಪದಲ್ಲಿ ಬೇರೆಯವರನ್ನು ಅಕಾರಣವಾಗಿ ವೈಯಕ್ತಿಕವಾಗಿ ನಿಂದಿಸುವುದು, ಅವಹೇಳನ ಮಾಡುವುದು ಕಾನೂನಿನ ಪ್ರಕಾರ ಖಂಡಿತಾ ತಪ್ಪು. ಹಾಗಾದಾಗ ಮಾತ್ರ ನಿಮ್ಮ ಮೇಲೆ ಮೊಕದ್ದಮೆ ಹೂಡಿ, ಕ್ರಮ ಜರುಗಿಸಲು ಸಾಧ್ಯವಾಗುತ್ತದೆ.