ವಾಣಿಜ್ಯ ಮಳಿಗೆಗಳು, ಅಂಗಡಿಗಳ ನಾಮಫಲಕ ಕನ್ನಡದಲ್ಲೇ ಇರಬೇಕು ಎಂಬ ನಿಯಮವನ್ನು ಕಾನೂನು ಬಾಹಿರ ಎಂದು ಕೋರ್ಟ್ ಹೇಳಿದ್ದರಲ್ಲಿ (ಪ್ರ.ವಾ.ಮಾ.31) ತಪ್ಪು ಹುಡುಕುವ ಮುನ್ನ ಒಂದೆರಡು ಅಂಶ ಗಮನಿಸಬೇಕು.
ಸರ್ಕಾರ ರೂಪಿಸಿದ ನಿಯಮದಲ್ಲೇ ದೋಷ ಇತ್ತು. ಅಂಗಡಿಗಳಲ್ಲಿ ಕೆಲಸ ಮಾಡುವವರ ಹಿತರಕ್ಷಣೆಗೆ ತಂದ ನಿಯಮದಲ್ಲೇ, ಕನ್ನಡ ನಾಮಫಲಕ ಕುರಿತ ಅಂಶವನ್ನೂ ಸೇರಿಸಿದ್ದು ಸರ್ಕಾರದ ತಪ್ಪು. ರಾಜ್ಯ ಭಾಷಾ ಕಾಯ್ದೆಯಲ್ಲಿ, ವಾಣಿಜ್ಯ ಚಟುವಟಿಕೆಗಳಲ್ಲಿ ಬಳಸುವ ಭಾಷೆಯೂ ಪ್ರಧಾನವಾಗಿ ಕನ್ನಡವೇ ಆಗಿರಬೇಕು ಎಂದು ಸ್ಪಷ್ಟಪಡಿಸದಿರುವುದೂ ತಪ್ಪು.
ಈ ಅಂಶಗಳಿಗೆ ತಿದ್ದುಪಡಿ ತಂದು, ಹೊಸ ಕಾಯ್ದೆ ಅಥವಾ ನಿಯಮ ಜಾರಿಗೊಳಿಸಿ, ನಾಮಫಲಕಗಳು ಕನ್ನಡದಲ್ಲೇ ಇರಬೇಕು ಎಂದು ಸರ್ಕಾರ ಆದೇಶಿಸಬಹುದು.