ರಾಷ್ಟ್ರೀಯ ಹೆದ್ದಾರಿ–4 ತುಮಕೂರು ರಸ್ತೆಯ, ನೆಲಮಂಗಲದಿಂದ ಸೊಂಡೆಕೊಪ್ಪ, ತಾವರೆಕೆರೆಯ ಮಾರ್ಗವಾಗಿ ಕೆಂಗೇರಿಗೆ ಬಿ.ಎಂ.ಟಿ.ಸಿ. ಮಾರ್ಗ 374 ಎಂ, 374 ಎ, 377, 221–ಎಲ್‌. ಈ ಸಂಖ್ಯೆಯ ಬಸ್ಸುಗಳ ಸಂಚಾರ ಇದೆ. ಈ ಮಾರ್ಗಗಳ ಬಸ್ಸುಗಳ ಸಂಚಾರವು ಪ್ರತಿ ದಿನ ಬೆಳಿಗಿನ ಜಾವ 3 ಗಂಟೆಗೆ ಪ್ರಾರಂಭವಾಗಿ, ರಾತ್ರಿ 10 ಗಂಟೆಗೆ ಮುಕ್ತಾಯವಾಗುತ್ತದೆ.
ನೆಲಮಂಗಲ–ಸೊಂಡೆಕೊಪ್ಪಮಾರ್ಗದ ರಸ್ತೆಯು ಸ್ವಲ್ಪ ಕಿರಿದಾಗಿದ್ದು, ಬಸ್ಸುಗಳು ಎದುರು – ಬದುರಾಗಿ ಬಂದಾಗ ಅಪಘಾತಗಳು ಸಂಭವಿಸುವ ಸಾಧ್ಯತೆ ಹೆಚ್ಚು.
ಈಗಲಾದರೂ ಸಂಬಂಧಪಟ್ಟ ಲೋಕೋಪಯೋಗಿ ಸಚಿವರಾಗಲಿ, ಲೋಕೋಪಯೋಗಿ ಇಲಾಖೆಯ ಕಾರ್ಯಪಾಲಕ ಅಭಿಯಂತರರಾಗಲಿ ಗಮನಹರಿಸಿ ಈ ರಸ್ತೆಯನ್ನು ತುಮಕೂರು ಹೆದ್ದಾರಿಯಿಂದ ಮಾಗಡಿ ರಸ್ತೆಯ ತಾವರೆಕೆರೆಯ ತನಕ ಅಗಲ ಮಾಡಬೇಕು. ಇದರಿಂದ ಬಿ.ಎಂ.ಟಿ.ಸಿ. ಬಸ್ಸುಗಳ ಸಂಚಾರ ಸುಗಮವಾಗುತ್ತದೆ.
