ಪ್ರಾಥಮಿಕ ಶಿಕ್ಷಣವನ್ನು ಮಾತೃಭಾಷಾ ಮಾಧ್ಯಮದಲ್ಲಿ ನೀಡುವ ಕುರಿತು ಸುಪ್ರೀಂ ಕೋರ್ಟ್ನ ಸಾಂವಿಧಾನಿಕ ಪೀಠ ವಿಚಾರಣೆ ಆರಂಭಿಸಿದೆ. ಇಲ್ಲಿ ಸರ್ಕಾರ ಮಂಡಿಸಬೇಕಾದ ಒಂದು ವಾದ ಇದೆ.
ಇಂಗ್ಲಿಷ್ನ್ನು ಒಂದು ಭಾಷೆಯಾಗಿ ತಾನು ಎಲ್ಲ ಶಾಲೆಗಳಲ್ಲೂ ಕಲಿಸುತ್ತೇನೆ. ಇಂಗ್ಲಿಷ್ ಕಲಿಯುವ ಯಾರ ಹಕ್ಕನ್ನೂ ತಾನು ಮೊಟಕುಗೊಳಿಸುವುದಿಲ್ಲ. ಆದರೆ ಶಿಕ್ಷಣದ ಮಾಧ್ಯಮ ಕನ್ನಡವೇ ಆಗಿರುತ್ತದೆ ಎಂದು ಸರ್ಕಾರದ ಪರ ವಕೀಲರು ಸುಪ್ರೀಂ ಕೋರ್ಟ್ಗೆ ವಿವರಿಸಬೇಕಿದೆ. ಮಾತೃಭಾಷಾ ಮಾಧ್ಯಮದ ಪರವಾಗಿ ಒಂದು ತೀರ್ಪು ದೊರೆತರೆ, ಇಂಗ್ಲಿಷ್ ವ್ಯಾಮೋಹಿಗಳ ಆಟಾಟೋಪ ಕಡಿಮೆಯಾಗುತ್ತದೆ.