ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಹಿರಿಯ ನಾಗರಿಕರಿಗೆ ರೈಲು ಮತ್ತು ಬಸ್ಸು ಪ್ರಯಾಣ ದರಗಳಲ್ಲಿ ರಿಯಾಯಿತಿ ತೋರಿಸಿವೆ. ರಾಜ್ಯ ಸರ್ಕಾರ, ಬಸ್ಸಿನ ದರದಲ್ಲಿ ಶೇ 25 ರಷ್ಟು ರಿಯಾಯಿತಿಯನ್ನು ಹಿರಿಯ ನಾಗರಿಕರಿಗೆ ಕೊಟ್ಟಿದೆ. ಆದರೆ ‘ನಾನ್ ಎ.ಸಿ. ಸ್ಲೀಪರ್’ ಬಸ್ಸಿಗೆ ಈ ಸೌಲಭ್ಯವನ್ನು ಕೊಟ್ಟಿರುವುದಿಲ್ಲ.
ದೀರ್ಘ ಪ್ರಯಾಣಕ್ಕೆ ಹಿರಿಯ ನಾಗರಿಕರು ‘ನಾನ್ ಎ.ಸಿ. ಸ್ಲೀಪರ್’ ಬಸ್ಸಿನ ಪ್ರಯಾಣವನ್ನು ಬಯಸುವುದು ಅವರ ದೈಹಿಕ ಆರೋಗ್ಯ ದೃಷ್ಟಿಯಿಂದ ಸಹಜ ಮತ್ತು ಸುಖಕರ. ಈ ಅಂಶವನ್ನು ಗಮನದಲ್ಲಿರಿಸಿ ಸಾರಿಗೆ ಸಚಿವರು ರಿಯಾಯಿತಿ ಸೌಲಭ್ಯವನ್ನು ನಾನ್ ಎ.ಸಿ. ಸ್ಲೀಪರ್ ಬಸ್ಸಿಗೂ ವಿಸ್ತರಿಸಲು ಕ್ರಮ ಕೈಗೊಳ್ಳಬೇಕು.