ಚಟ್ಟೊಗ್ರಾಮ್ (ಬಾಂಗ್ಲಾದೇಶ), (ಎಪಿ): ತೌಹಿದ್ ಹೃದಯ್ (57, 38 ಎಸೆತ) ಅವರ ಚೊಚ್ಚಲ ಅರ್ಧ ಶತಕದ ನೆರವಿನಿಂದ ಬಾಂಗ್ಲಾದೇಶ ತಂಡ ಮಂಗಳವಾರ ನಡೆದ ಮೂರನೇ ಟಿ20 ಪಂದ್ಯದಲ್ಲಿ ಜಿಂಬಾಬ್ವೆ ತಂಡವನ್ನು 9 ರನ್‌ಗಳಿಂದ ಸೋಲಿಸಿತು.
ಈ ಗೆಲುವಿನ ಮೂಲಕ ಆತಿಥೇಯರು ಐದು ಪಂದ್ಯಗಳ ಸರಣಿಯಲ್ಲಿ 3–0 ಮುನ್ನಡೆ ಪಡೆದರು. ಜಿಂಬಾಬ್ವೆ ಪರ ಈ ಪಂದ್ಯದಲ್ಲಿ ಆಡುವ ಅವಕಾಶ ಪಡೆದ ಫರಾಜ್ ಅಕ್ರಮ್ (ಔಟಾಗದೇ 34, 19ಎ) ಮತ್ತು ವೆಲಿಂಗ್ಟನ್ ಮಸಕದ್ಜಾ ಅವರು 9ನೇ ವಿಕೆಟ್‌ಗೆ 54 ರನ್‌ ಸೇರಿಸಿದ್ದು, ಆ ದೇಶದ ಪಾಲಿಗೆ ದಾಖಲೆ ಎನಿಸಿತು.
ಜಿಂಬಾಬ್ವೆ ವೇಗದ ಬೌಲರ್ ಬ್ಲೆಸಿಂಗ್ಸ್‌ ಮುಝರ್ಬಾನಿ 4 ಓವರುಗಳಲ್ಲಿ 14 ರನ್ನಿಗೆ 3 ವಿಕೆಟ್ ಪಡೆದಿದ್ದೂ ಕಡಿಮೆ ಸಾಧನೆಯಾಗಿರಲಿಲ್ಲ.
