ಮಳೆ ಬಂತು ಮಳೆ

ಸಂದಿಗೊಂದಿ ನೀರು ನುಗ್ಗಿ
ತೊಳೆಯಿತು ಕೊಳೆ
ಮಳೆ ಹನಿಗೆ ಹಸಿರಾಯಿತು
ಒಣಗಿ ನಿಂತ ಬೆಳೆ

ತುಂಬಿದವು ಬಾವಿ ಹಳ್ಳ ಕೊಳ್ಳ,
ಕೆರೆ ಹೊಳೆ
ರೈತನ ಮೊಗದಲ್ಲಿ ಮೂಡಿತು
ನಗುವಿನ ಕಳೆ

ಜಾನುವಾರುಗಳಿಗೆ ಇಂಗಿತು
ಜಲಧಾರೆಯ ದಾಹ
ಮಳೆಯಿಂದ ತಪ್ಪಿತು ಜನರ
ನೀರಿನ ಕಲಹ

ಮಳೆಗೆ ಮರದ ಹೂ ಚಿಗುರು
ಅರಳಿತು ನಲಿಯುತ
ಪ್ರಾಣಿ‌ಪಕ್ಷಿಗಳು ತಿಂದವು ಸಿಹಿ
ಹಣ್ಣನು ಸವಿಯುತ

ಹಸಿರಿನಿಂದ ಎಲ್ಲೆಲ್ಲೂ ನಾಡು
ಕಾಡು ಸಂಪದ್ಭರಿತ
ನಿಸರ್ಗವೇ ಸ್ವರ್ಗದಂತೆ ಮಳೆ
ತಂದಿತು ಸಂತಸ