ನೋಡಲು ಚಂದ ನಿನ್ನಯ ಅಂದ
ಓ ನನ್ನ ಕನಸಿನ ಚಿಟ್ಟೆ
ರಂಗು ರಂಗಿನ ಅಂಗಿಯ ತೊಟ್ಟು
ಎಲ್ಲಿಗೆ ನೀ ಹೊರಟೆ
ಹೂವಿನ ಮಕರಂದವ ಸವಿದು
ಸಂತಸದಿ ನಲಿಯುವೆ
ರೆಕ್ಕೆಯ ಬಡಿದು ಬಾನೆತ್ತರ ಹಾರಿ
ಆಕಾಶದಲ್ಲಿ ತೇಲುವೆ
ಹಸಿರು ವನಸಿರಿಯಲ್ಲಿ ನೀನೊಂದು
ಮಿನುಗುವ ಚಲುವೆ
ಆಕರ್ಷಣೀಯ ಮೈ ಬಣ್ಣಗಳಿಂದ
ಎಲ್ಲರನು ಸೆಳೆಯುವೆ
ಮಳೆ ಬರಲಿ ಚಳಿ ಇರಲಿ ಬಿರುಗಾಳಿ
ಬೀಸಲಿ ಅಂಜುವುದಿಲ್ಲ
ಒತ್ತಡ, ಚಿಂತೆ, ದುಃಖಗಳಿಲ್ಲ ನಗುವು
ಒಂದೇ ನಿನ್ನಯ ಮೂಲ
ಸುಂದರ ಸುಖದ ನೆಮ್ಮದಿ ಬದುಕು
ಇತರರಿಗೆ ಕೆಡಕು ಬಯಸಲ್ಲ
ಚಿಟ್ಟೆಗಳೇ ನಿಮ್ಮ ಸಂತಸದ ಜೀವನ
ಆದರ್ಶವಾಗಲಿ ನಮಗೆಲ್ಲ.
