ಇದೊಂದು ಅಣುವಿನಷ್ಟು ತೆಳುವಾದ ಇಂಗಾಲದ ಪದರ. ಹೆಸರು ಗ್ರ್ಯಾಫೀನ್. ಇತ್ತೀಚೆಗೆ ವಿಜ್ಞಾನಿಗಳು ಇದಕ್ಕೆ ಆಮ್ಲಜನಕವನ್ನು ಸೇರಿಸಿ ಗ್ರ್ಯಾಫೀನ್ ಆಕ್ಸೈಡ್ ಎಂಬ ಅಪರೂಪದ ಪೇಂಟ್ ಸಿದ್ಧಪಡಿಸಿದ್ದಾರೆ. ಇದು ಅತ್ಯಂತ ಯಶಸ್ವಿ ಜಂಗು(Rust) ನಿರೋಧಕ ವಸ್ತುವಾಗಿದೆ. ಕಬ್ಬಿಣ, ಗಾಜು, ಇಟ್ಟಿಗೆ, ತಾಮ್ರ... ಮೊದಲಾದ ಎಲ್ಲ ವಸ್ತುಗಳ ಮೇಲೂ ಇದನ್ನು ಹಚ್ಚಬಹುದು. ಲೋಹ, ಮರದ ಸಾಮಗ್ರಿಗಳು ನೀರು, ತೇವ, ಬಿಸಿಲು ಮೊದಲಾದವುಗಳ ಪ್ರಭಾವದಿಂದ ಹಾಳಾಗದಂತೆ ಈ ಪೇಂಟ್ ಪರಿಣಾಮಕಾರಿಯಾಗಿ ತಡೆಯುತ್ತದೆ.