<p><strong>ಭುವನೇಶ್ವರ (ಪಿಟಿಐ):</strong> ಒಡಿಶಾ ಮತ್ತು ಆಂಧ್ರ ಕರಾವಳಿಯ 1.2 ಕೋಟಿ ಜನರನ್ನು ಬೀದಿಪಾಲು ಮಾಡುವ ಭೀತಿ ಹುಟ್ಟಿಸಿದ ವಿನಾಶಕಾರಿ ‘ಫೈಲಿನ್’ ಚಂಡಮಾರುತ ಶನಿವಾರ ರಾತ್ರಿ 9.20ರ ಸುಮಾರಿಗೆ ಗೋಪಾಲಪುರ ಕಡಲ ದಂಡೆಗೆ ಅಪ್ಪಳಿಸಿತು.<br /> <br /> ಗಂಟೆಗೆ 200 ಕಿ.ಮೀ. ವೇಗದಲ್ಲಿ ಬುಗುರಿಯಂತೆ ತಿರುಗುತ್ತಿದ್ದ ಚಂಡಮಾರುತ ಒಡಿಶಾ ಕಡಲ ದಂಡೆಗೆ ಎರಗುತ್ತಿದ್ದಂತೆ ಮರಗಳು, ವಿದ್ಯುತ್-ದೂರವಾಣಿ ಕಂಬಗಳು ಬುಡಮೇಲಾದವು. ಬೆಳಿಗ್ಗೆಯಿಂದಲೇ ಸುರಿಯುತ್ತಿದ್ದ ಮಳೆ, ಗಾಳಿ ಇನ್ನಷ್ಟು ಬಿರುಸುಗೊಂಡವು. ಜನಜೀವನ ಮತ್ತು ಎಲ್ಲ ಬಗೆಯ ಸಂಚಾರ ಸ್ತಬ್ಧಗೊಂಡವು. ಹಲವು ಪ್ರದೇಶಗಳು ವಿದ್ಯುತ್ ಇಲ್ಲದೆ ಕಗ್ಗತ್ತಲಲ್ಲಿ ಮುಳುಗಿವೆ.<br /> <br /> ಯಾವುದೇ ಪರಿಸ್ಥಿತಿಯನ್ನು ಎದುರಿಸಲು ಕರಾವಳಿಯುದ್ದಕ್ಕೂ 2000 ಪರಿಹಾರ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ಸೇನಾ ತುಕಡಿಗಳು ಸನ್ನದ್ಧ ಸ್ಥಿತಿಯಲ್ಲಿವೆ.<br /> <br /> ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರವು (ಎನ್ಡಿಎಂಎ) ಜೀವಹಾನಿ ತಡೆಯುವುದಕ್ಕೆ ಆದ್ಯತೆ ನೀಡಿತ್ತು. ಇದರ ಅಂಗವಾಗಿ ಒಡಿಶಾದ 4.5 ಲಕ್ಷ ಮತ್ತು ಆಂಧ್ರದ 1.5 ಲಕ್ಷ ಜನರನ್ನು ಈ ಮೊದಲೇ ಸ್ಥಳಾಂತರಿಸಿದ್ದರಿಂದ ಭಾರಿ ಪ್ರಮಾಣದ ಸಾವುನೋವು ತಪ್ಪಿತು. ಆದರೂ, ಮರಗಳು ಮತ್ತು ಮನೆಗಳು ಬಿದ್ದು ಒಡಿಶಾದಲ್ಲಿ 7 ಜನ ಮೃತಪಟ್ಟಿದ್ದಾರೆ.<br /> <br /> ರಾಷ್ಟ್ರದಲ್ಲಿ ಪ್ರಕೃತಿ ವಿಕೋಪದ ಕಾರಣಕ್ಕಾಗಿ ಇಷ್ಟು ಭಾರಿ ಸಂಖ್ಯೆಯಲ್ಲಿ ಜನರನು್ನ ಸುರಕ್ಷಿತ ಸ್ಥಳಕ್ಕೆ ಕಳಿಸಿದ್ದು 23 ವರ್ಷಗಳ ನಂತರ ಇದೇ ಮೊದಲು ಎನ್ನಲಾಗಿದೆ. 1990ರಲ್ಲೂ ಆಂಧ್ರದ 6 ಲಕ್ಷ ಜನರನ್ನು ಸ್ಥಳಾಂತರಿಸಲಾಗಿತ್ತು.14 ವರ್ಷಗಳ ಹಿಂದೆಯೂ ಇಂಥದೇ ರಕ್ಕಸ ಚಂಡಮಾರುತ ಇದೇ ಭಾಗದಲ್ಲಿ ಅಪ್ಪಳಿಸಿತ್ತು.</p>.<p>ಕೆಲ ವರ್ಷಗಳ ಹಿಂದೆ ಅಮೆರಿಕದ ಕರಾವಳಿಯನ್ನು ಗುಡಿಸಿ ಹಾಕಿದ್ದ ‘ಕತ್ರೀನಾ’ ಮತ್ತು 1999ರಲ್ಲಿ ಆಂಧ್ರ ಕರಾವಳಿಯಲ್ಲಿ 10,000 ಜೀವಗಳನ್ನು ಬಲಿ ತೆಗೆದುಕೊಂಡ ಚಂಡಮಾರುತಗಳಂತೆಯೇ ‘ಫೈಲಿನ್’ ಕೂಡ ಅತ್ಯಂತ ವಿನಾಶಕಾರಿಯಾಗಿರಲಿದೆ; ಇದು ದುರ್ಬಲಗೊಳ್ಳುವ ಮುನ್ನ ಕನಿಷ್ಠ 6 ಗಂಟೆಗಳ ಕಾಲ ರೌದ್ರಾವತಾರದೊಂದಿಗೆ ಫೂತ್ಕರಿಸಲಿದೆ ಎಂದು ಹವಾಮಾನ ತಜ್ಞರು ಹೇಳಿದ್ದಾರೆ.<br /> <br /> <strong>ಭಾರಿ ಮಳೆ: </strong>ಚಂಡಮಾರುತ ಅಪ್ಪಳಿಸುವ ಮುನ್ನ ಶುಕ್ರವಾರ ರಾತ್ರಿಯಿಂದಲೂ ಒಡಿಶಾ ಮತ್ತು ಆಂಧ್ರದ 7 ಜಿಲೆ್ಲಗಳಲ್ಲಿ ರಭಸದ ಗಾಳಿಯೊಂದಿಗೆ ಮಳೆ ಸುರಿಯುತ್ತಿದೆ. ‘ಫೈಲಿನ್’ನಿಂದಾಗಿ ಪಶಿ್ಚಮ ಬಂಗಾಳ, ಜಾರ್ಖಂಡ್, ಛತ್ತೀಸಗಡ, ಬಿಹಾರ ಮತ್ತು ಉತ್ತರಪ್ರದೇಶದ ಕೆಲವು ಭಾಗಗಳಲ್ಲೂ ಮಳೆ ಬೀಳುವ ಸಂಭವವಿದೆ.<br /> <br /> <strong>ರೈಲು, ವಿಮಾನ ರದ್ದು: </strong>ಚಂಡಮಾರುತದ ಕಾರಣದಿಂದಾಗಿ ಹೌರಾ ಹಾಗೂ ವಿಶಾಖಪಟ್ಟಣಂ<br /> ಮಾರ್ಗದಲ್ಲಿ ಸಂಚರಿಸುವ 56 ರೈಲುಗಳ ಸಂಚಾರ ರದ್ದುಪಡಿಸಲಾಗಿತ್ತು. ಭಾನುವಾರವೂ ಇದೇ ಸ್ಥಿತಿ ಮುಂದುವರಿಯುವ ಸೂಚನೆಗಳಿವೆ ಎಂದು ರೈಲ್ವೆ ಮೂಲಗಳು ತಿಳಿಸಿವೆ.<br /> <br /> ಒಡಿಶಾದ ಭುವನೇಶ್ವರ, ಗೋಪಾಲಪುರ ಮೂಲಕ ಸಾಗುವ ಚೆನ್ನೈ– ಕೋಲ್ಕತ್ತ ರಾಷ್ಟ್ರೀಯ ಹೆದಾ್ದರಿ 5 ರಲ್ಲಿ ಟ್ರಕ್ಗಳು ಸೇರಿದಂತೆ ಎಲಾ್ಲ ವಾಹನಗಳು ಮೈಲುಗಟ್ಟಲೆ ಉದ್ದಕ್ಕೆ ಸ್ತಬ್ಧವಾಗಿ ನಿಂತಿವೆ. 500 ಟನ್ಗೂ ಹೆಚ್ಚು ಪರಿಹಾರ ಸಾಮಗಿ್ರ ಹೊತ್ತ ವಿಮಾನ ಭುವನೇಶ್ವರದಲ್ಲಿ ಶನಿವಾರ ಬೆಳಿಗ್ಗೆ ಇಳಿದ ನಂತರ ನಿಲ್ದಾಣವನ್ನು ಮುಚ್ಚಲಾಯಿತು.<br /> <br /> <strong>ಪಾರಾದೀಪ್ ಬಂದರು ಬಂದ್: </strong>ರಾಷ್ಟ್ರದ 12 ಪ್ರಮುಖ ಬಂದರುಗಳಲ್ಲಿ ಒಂದಾದ ಒಡಿಶಾದ ಪಾರಾದೀಪ್ ಬಂದರನ್ನು ಶುಕ್ರವಾರದಿಂದಲೇ ಮುಚ್ಚಲಾಗಿದೆ. ಎಲ್ಲಾ ಹಡಗುಗಳನ್ನೂ ಅಲ್ಲಿಂದ ತೆರವುಗೊಳಿಸಲಾಗಿದೆ. ಕಲ್ಲಿದ್ದಲು, ಕಚ್ಚಾ ತೈಲ ಮತ್ತು ಕಬ್ಬಿಣದ ಅದಿರುಗಳನ್ನು ಸಾಗಿಸುವ ಮುಖ್ಯ ಬಂದರು ಇದಾಗಿದೆ.<br /> <br /> <strong>ದೆಹಲಿಯಲ್ಲಿ ಸಭೆ: </strong>ಫೈಲಿನ್ ಚಂಡಮಾರುತ ಎದುರಿಸಲು ವಿವಿಧ ಇಲಾಖೆಗಳು ಮಾಡಿಕೊಂಡಿರುವ ಸಿದ್ಧತೆ ಪರಿಶೀಲನೆಗೆ ಕೇಂದ್ರ ಸಂಪುಟ ಕಾರ್ಯದರ್ಶಿ ಅಜಿತ್ ಸೇಠ್ ಅವರು ನವದೆಹಲಿಯಲ್ಲಿ ಸಭೆ ನಡೆಸಿದರು.<br /> ಗೃಹ, ರಕ್ಷಣೆ, ಪೆಟ್ರೋಲಿಯಂ ಸೇರಿದಂತೆ ವಿವಿಧ ಇಲಾಖೆಗಳ ಉನ್ನತ ಅಧಿಕಾರಿಗಳು ಹಾಗೂ ವಿವಿಧ ರಾಜ್ಯಗಳ ಪ್ರತಿನಿಧಿಗಳು ಈ ಸಭೆಯಲ್ಲಿ ಭಾಗವಹಿಸಿದ್ದರು.<br /> <br /> <strong>ವಿನಾಶಕಾರಿ (ವಾಷಿಂಗ್ಟನ್, ಲಂಡನ್ ವರದಿ)</strong>: ‘ಫೈಲಿನ್’ ಚಂಡಮಾರುತವು 14 ವರ್ಷಗಳ ನಂತರ ಭಾರತ ಕಾಣಲಿರುವ ಅತ್ಯಂತ ವಿನಾಶಕಾರಿ ಚಂಡಮಾರುತ ಎಂದು ಅಮೆರಿಕದ ತಜ್ಞರು ವಿಶ್ಲೇಷಿಸಿದ್ದಾರೆ.<br /> <br /> 1999ರಲ್ಲಿ ಹತ್ತು ಸಾವಿರ ಜನರ ಸಾವಿಗೆ ಕಾರಣವಾಗಿದ್ದ ಚಂಡ ಮಾರುತ ಕ್ಕಿಂತಲೂ ‘ಫೈಲಿನ್’ ಭೀಕರವಾಗಿರಲಿದೆ ಎಂದು ಹವಾಯಿಯ ಪರ್ಲ್ ಹಾರ್ಬರ್ನ ಅಮೆರಿಕ ನೌಕಾಪಡೆ ಜಂಟಿ ಚಂಡಮಾರುತ ಮುನ್ನೆಚ್ಚರಿಕೆ ಕೇಂದ್ರದ (ಜೆಟಿಡಬ್ಲುಸಿ) ತಜ್ಞರು ಹೇಳಿದ್ದಾರೆ. ಲಂಡನ್ ಮೂಲದ ಚಂಡಮಾರುತ ಮುನ್ನೆಚ್ಚರಿಕೆ ಕೇಂದ್ರ ಕೂಡ ಈ ಚಂಡಮಾರುತ ಅತಿ ಭೀಕರವೆಂದು ಅಭಿಪ್ರಾಯಪಟ್ಟಿದೆ.<br /> <br /> <strong>ಎಲ್ಲೆಲ್ಲಿ ಹೆಚ್ಚು ಹಾನಿ...?</strong><br /> ಚಂಡಮಾರುತದಿಂದಾಗಿ ಒಡಿಶಾದ ಗಜಪತಿ, ಗಂಜಾಂ, ಖುರ್ದಾ, ಪುರಿ, ಜಗತ್ಸಿಂಗ್ಪುರ, ನಯಾಗಡ, ಕಟಕ್, ಭದ್ರಕ್ ಮತ್ತು ಕೇಂದ್ರಪಾರ, ಆಂಧ್ರಪ್ರದೇಶದ ಶ್ರೀಕಾಕುಳಂ, ವಿಜಯನಗರಂ ಮತ್ತು ವಿಶಾಖಪಟ್ಟಣಂ ಜಿಲ್ಲೆಗಳಲ್ಲಿ ಭಾರಿ ಹಾನಿಯಾಗುವ ಸಂಭವವಿದೆ. ಎರಡೂ ರಾಜ್ಯಗಳ ಹಲವು ಕಡೆಗಳಲ್ಲಿ ಗಂಜಿ ಕೇಂದ್ರಗಳನ್ನು ತೆರೆಯಲಾಗಿದೆ.<br /> <br /> <strong>ಕಡಲಲ್ಲಿ 18 ನಾವಿಕರು: </strong>ಎಚ್ಚರಿಕೆ ಉಲ್ಲಂಘಿಸಿ ಪಾರಾದೀಪ್ ಸಮೀಪ ಸಮುದ್ರಕ್ಕೆ ಇಳಿದ ಅದಿರು ತುಂಬಿದ ಹಡಗೊಂದು ಮುಳುಗುತ್ತಿದ್ದು, ಅದರಲ್ಲಿರುವ 18 ನಾವಿಕರು ಅಪಾಯದಲ್ಲಿದ್ದಾರೆ. ಅವರನ್ನು ರಕ್ಷಿಸುವ ಪ್ರಯತ್ನ ಮುಂದುವರಿದಿದೆ.<br /> <br /> <strong>ಪ್ರಧಾನಿ ಪರಿಶೀಲನೆ<br /> ನವದೆಹಲಿ (ಐಎಎನ್ಎಸ್): </strong>ದೇಶದ ಪೂರ್ವ ಕರಾವಳಿಗೆ ಅಪ್ಪಳಿಸಿರುವ ಫೈಲಿನ್ ಚಂಡಮಾರುತದಿಂದ ಆಗಿರುವ ಅನಾಹುತಗಳು ಮತ್ತು ತೆಗೆದುಕೊಂಡಿರುವ ಮುನ್ನಚ್ಚರಿಕೆ ಕ್ರಮಗಳನ್ನು ಪ್ರಧಾನಿ ಮನಮೋಹನ್ ಸಿಂಗ್ ಪರಿಶೀಲಿಸಿದರು.<br /> ಚಂಡಮಾರುತದಿಂದ ತೊಂದರೆಗೆ ಒಳಗಾದ ರಾಜ್ಯಗಳಿಗೆ ಎಲ್ಲಾ ರೀತಿಯ ನೆರವು ನೀಡುವಂತೆ ಪ್ರಧಾನಿ ಆದೇಶಿಸಿದ್ದಾರೆ.<br /> <br /> <strong>ಫೈಲಿನ್ ಸುತ್ತ...<br /> ಎಲ್ಲ ನೆರವು: ಪ್ರಧಾನಿ ಭರವಸೆ<br /> ನವದೆಹಲಿ (ಪಿಟಿಐ):</strong> ‘ಫೈಲಿನ್’ನಿಂದ ಉಂಟಾಗಬಹುದಾದ ಯಾವುದೇ ಅನಾಹುತ ಎದುರಿಸಲು ತುರ್ತು ಕ್ರಮ ಕೈಗೊಳ್ಳಲು ರಾಜ್ಯಗಳಿಗೆ ಸಾಧ್ಯವಿರುವ ಎಲ್ಲ ನೆರವು ನೀಡಲಾಗುತ್ತದೆ ಎಂದು ಪ್ರಧಾನಮಂತ್ರಿ ಡಾ. ಮನಮೋಹನ್ ಸಿಂಗ್ ತಿಳಿಸಿದ್ದಾರೆ.<br /> <br /> ಸದ್ಯ ವಿದೇಶ ಪ್ರವಾಸದಲ್ಲಿರುವ ಡಾ. ಸಿಂಗ್ ಅವರೊಂದಿಗೆ ಮಾತನಾಡಿರುವ ಸಂಪುಟ ಕಾರ್ಯದರ್ಶಿ, ತೆಗೆದು ಕೊಂಡಿರುವ ಕ್ರಮಗಳ ಕುರಿತು ವಿವರಣೆ ನೀಡಿದ್ದಾರೆ ಎಂದು ಪ್ರಧಾನಿ ಕಚೇರಿ ಮೂಲಗಳು ತಿಳಿಸಿವೆ.<br /> <br /> <strong>2,000 ಎನ್ಡಿಆರ್ಎಫ್ ಸಿಬ್ಬಂದಿ ನಿಯೋಜನೆ<br /> ನವದೆಹಲಿ (ಪಿಟಿಐ): </strong>‘ಫೈಲಿನ್’ ಅನಾಹುತ ಎದುರಿಸಲು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್ಡಿಆರ್ಎಫ್) ಯ ಸುಮಾರು 2,000 ಸಿಬ್ಬಂದಿ ಯನ್ನು ಒಡಿಶಾ ಹಾಗೂ ಆಂಧ್ರ ಕರಾವಳಿಗುಂಟ ಸನ್ನದ್ಧ ಸ್ಥಿತಿಯಲ್ಲಿಡಲಾಗಿದ್ದು, ಈಗಾಗಲೆ 5.4 ಲಕ್ಷ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸಾಗಿಸಲಾಗಿದೆ.<br /> <br /> ಎನ್ಡಿಆರ್ಎಫ್ಗೆ ಸೇರಿದ 29 ತಂಡಗಳ ಜತೆಗೆ ಹೆಚ್ಚುವರಿಯಾಗಿ ತಮಿಳು ನಾಡಿನಿಂದ ನಾಲ್ಕು ತಂಡಗಳನ್ನು ಕರೆಯಿಸಿಕೊಳ್ಳಲಾಗಿದೆ. ಈ ಸಿಬ್ಬಂದಿಗೆ ಎಲ್ಲ ರೀತಿಯ ಅತ್ಯಾಧುನಿಕ ಸಂಪರ್ಕ ಸಾಧನಗಳನ್ನು ಒದಗಿಸಲಾಗಿದೆ.<br /> <br /> <strong>ರೈಲು, ವಿಮಾನಗಳ ರದ್ದು<br /> ನವದೆಹಲಿ/ಭುವನೇಶ್ವರ (ಪಿಟಿಐ): </strong>ಪ್ರತಿಕೂಲ ಹವಾಮಾನ, ಭಾರಿ ಮಳೆ ಬೀಳುತ್ತಿರುವುದರಿಂದ ಭುವನೇಶ್ವರ–ವಿಜಯವಾಡಾ, ಹೌರಾ–ಚೆನ್ನೈ ನಡುವಿನ ರೈಲು ಹಾಗೂ ವಿಮಾನ ಸೇವೆಯನ್ನು ಶನಿವಾರದಿಂದ ರದ್ದುಗೊಳಿಸಲಾಗಿದೆ. ಭಾನುವಾರವೂ ಈ ಸೇವೆ ಇರುವುದಿಲ್ಲ ಎಂದು ತಿಳಿಸಲಾಗಿದೆ.<br /> <br /> ಮುಂಬೈ–ಭುವನೇಶ್ವರ–ಕೊನಾರ್ಕ್ ಎಕ್ಸ್ಪ್ರೆಸ್ ಸೇರಿ ಕೆಲವು ರೈಲುಗಳ ಮಾರ್ಗ ಬದಲಿಸಲಾಗಿದ್ದರೆ ಕೆಲವನ್ನು ಅಲ್ಲಲ್ಲೆ ನಿಲ್ಲಿಸಲು ಸೂಚನೆ ನೀಡಲಾಗಿದೆ.<br /> <br /> <strong>ಜಾರ್ಖಂಡ್ನಲ್ಲೂ ಎಚ್ಚರಿಕೆ<br /> ರಾಂಚಿ (ಪಿಟಿಐ)</strong>: ಪಕ್ಕದ ರಾಜ್ಯ ಒಡಿಶಾಕ್ಕೆ ‘ಫೈಲಿನ್’ ಅಪ್ಪಳಿಸು ತ್ತಿರುವುದರಿಂದ ಇದರ ಪರಿಣಾಮ ಜಾರ್ಖಂಡ್ ರಾಜ್ಯದ ಕೆಲ ಪ್ರದೇಶಗಳ ಮೇಲೆ ಆಗುವ ಸೂಚನೆ ಇದೆ. ಹವಾಮಾನ ಇಲಾಖೆ ನೀಡಿರುವ ಎಚ್ಚರಿಕೆಯಂತೆ ಎಲ್ಲ ಜಿಲ್ಲೆಗಳಲ್ಲಿ ಮುಂಜಾಗ್ರತಾ ಕ್ರಮ ಕೈಗೊಳ್ಳಲಾಗಿದೆ ಎಂದು ಮುಖ್ಯಮಂತ್ರಿ ಹೇಮಂತ್ ಸೊರೇನ್ ತಿಳಿಸಿದ್ದಾರೆ.<br /> <br /> <strong>ಗಂಡ ಮಗನನ್ನು ಕಸಿದುಕೊಂಡ ಚಂಡಮಾರುತ ಮತೆ ಬಂತು..<br /> ಕೇಂದ್ರಾಪರ (ಒಡಿಶಾ):</strong> ‘ಫೈಲಿನ್’ ಭೀತಿ ಎದುರಾಗುತ್ತಲೆ ಗಂಡ ಹಾಗೂ ಹತ್ತು ವರ್ಷದ ಮಗನನ್ನು ಕಸಿದುಕೊಂಡ 1999ರ ‘ಮಹಾ ಚಂಡಮಾರುತ’ದ ಕರಾಳ ದಿನಗಳು ಪ್ರವತಿ ಮೈತಿಗೆ ನೆನಪಾಗುತ್ತಿವೆ.<br /> <br /> ಒಡಿಶಾದ ಜಗತ್ಸಿಂಗ್ಪುರ ಜಿಲ್ಲೆಯ ಕರಾವಳಿ ತೀರದ ಎರ್ಸಮಾ ನಿವಾಸಿ ಪ್ರವತಿಗೆ ಈಗ ದು:ಖ ಉಮ್ಮಳಿಸಿ ಬರುತ್ತಿದೆ. ‘ಫೈಲಿನ್’ ಮತ್ತೆಷ್ಟು ಜೀವಗಳನ್ನು ಬಲಿ ಪಡೆಯುತ್ತದೆಯೋ ಎಂದು ಆಕೆ ಭೀತಿಗೆ ಒಳಗಾಗಿದ್ದಾಳೆ.<br /> <br /> 14 ವರ್ಷದ ಹಿಂದೆ ಈ ಭಾಗದವರ ಬದುಕನ್ನೆ ಮೂರಾಬಟ್ಟೆ ಮಾಡಿದ್ದ ಚಂಡಮಾರುತ ಮತ್ತೆ ಅಪ್ಪಳಿಸುತ್ತಿರುವುದರಿಂದ ಶಾಲೆ ಕಾಲೇಜು, ಕಚೇರಿಗಳನ್ನು ತೆರವುಗೊಳಿಸಲಾಗುತ್ತಿದೆ. ಕಡಲ ತೀರದ ಗ್ರಾಮಗಳಲಿ್ಲಯ ಬಹುತೇಕ ಜನರನ್ನು ಸ್ಥಳಾಂತರಿಸ ಲಾಗಿರುವುದರಿಂದ ಈ ಪ್ರದೇಶಗಳು ಭಣಗುಡುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭುವನೇಶ್ವರ (ಪಿಟಿಐ):</strong> ಒಡಿಶಾ ಮತ್ತು ಆಂಧ್ರ ಕರಾವಳಿಯ 1.2 ಕೋಟಿ ಜನರನ್ನು ಬೀದಿಪಾಲು ಮಾಡುವ ಭೀತಿ ಹುಟ್ಟಿಸಿದ ವಿನಾಶಕಾರಿ ‘ಫೈಲಿನ್’ ಚಂಡಮಾರುತ ಶನಿವಾರ ರಾತ್ರಿ 9.20ರ ಸುಮಾರಿಗೆ ಗೋಪಾಲಪುರ ಕಡಲ ದಂಡೆಗೆ ಅಪ್ಪಳಿಸಿತು.<br /> <br /> ಗಂಟೆಗೆ 200 ಕಿ.ಮೀ. ವೇಗದಲ್ಲಿ ಬುಗುರಿಯಂತೆ ತಿರುಗುತ್ತಿದ್ದ ಚಂಡಮಾರುತ ಒಡಿಶಾ ಕಡಲ ದಂಡೆಗೆ ಎರಗುತ್ತಿದ್ದಂತೆ ಮರಗಳು, ವಿದ್ಯುತ್-ದೂರವಾಣಿ ಕಂಬಗಳು ಬುಡಮೇಲಾದವು. ಬೆಳಿಗ್ಗೆಯಿಂದಲೇ ಸುರಿಯುತ್ತಿದ್ದ ಮಳೆ, ಗಾಳಿ ಇನ್ನಷ್ಟು ಬಿರುಸುಗೊಂಡವು. ಜನಜೀವನ ಮತ್ತು ಎಲ್ಲ ಬಗೆಯ ಸಂಚಾರ ಸ್ತಬ್ಧಗೊಂಡವು. ಹಲವು ಪ್ರದೇಶಗಳು ವಿದ್ಯುತ್ ಇಲ್ಲದೆ ಕಗ್ಗತ್ತಲಲ್ಲಿ ಮುಳುಗಿವೆ.<br /> <br /> ಯಾವುದೇ ಪರಿಸ್ಥಿತಿಯನ್ನು ಎದುರಿಸಲು ಕರಾವಳಿಯುದ್ದಕ್ಕೂ 2000 ಪರಿಹಾರ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ಸೇನಾ ತುಕಡಿಗಳು ಸನ್ನದ್ಧ ಸ್ಥಿತಿಯಲ್ಲಿವೆ.<br /> <br /> ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರವು (ಎನ್ಡಿಎಂಎ) ಜೀವಹಾನಿ ತಡೆಯುವುದಕ್ಕೆ ಆದ್ಯತೆ ನೀಡಿತ್ತು. ಇದರ ಅಂಗವಾಗಿ ಒಡಿಶಾದ 4.5 ಲಕ್ಷ ಮತ್ತು ಆಂಧ್ರದ 1.5 ಲಕ್ಷ ಜನರನ್ನು ಈ ಮೊದಲೇ ಸ್ಥಳಾಂತರಿಸಿದ್ದರಿಂದ ಭಾರಿ ಪ್ರಮಾಣದ ಸಾವುನೋವು ತಪ್ಪಿತು. ಆದರೂ, ಮರಗಳು ಮತ್ತು ಮನೆಗಳು ಬಿದ್ದು ಒಡಿಶಾದಲ್ಲಿ 7 ಜನ ಮೃತಪಟ್ಟಿದ್ದಾರೆ.<br /> <br /> ರಾಷ್ಟ್ರದಲ್ಲಿ ಪ್ರಕೃತಿ ವಿಕೋಪದ ಕಾರಣಕ್ಕಾಗಿ ಇಷ್ಟು ಭಾರಿ ಸಂಖ್ಯೆಯಲ್ಲಿ ಜನರನು್ನ ಸುರಕ್ಷಿತ ಸ್ಥಳಕ್ಕೆ ಕಳಿಸಿದ್ದು 23 ವರ್ಷಗಳ ನಂತರ ಇದೇ ಮೊದಲು ಎನ್ನಲಾಗಿದೆ. 1990ರಲ್ಲೂ ಆಂಧ್ರದ 6 ಲಕ್ಷ ಜನರನ್ನು ಸ್ಥಳಾಂತರಿಸಲಾಗಿತ್ತು.14 ವರ್ಷಗಳ ಹಿಂದೆಯೂ ಇಂಥದೇ ರಕ್ಕಸ ಚಂಡಮಾರುತ ಇದೇ ಭಾಗದಲ್ಲಿ ಅಪ್ಪಳಿಸಿತ್ತು.</p>.<p>ಕೆಲ ವರ್ಷಗಳ ಹಿಂದೆ ಅಮೆರಿಕದ ಕರಾವಳಿಯನ್ನು ಗುಡಿಸಿ ಹಾಕಿದ್ದ ‘ಕತ್ರೀನಾ’ ಮತ್ತು 1999ರಲ್ಲಿ ಆಂಧ್ರ ಕರಾವಳಿಯಲ್ಲಿ 10,000 ಜೀವಗಳನ್ನು ಬಲಿ ತೆಗೆದುಕೊಂಡ ಚಂಡಮಾರುತಗಳಂತೆಯೇ ‘ಫೈಲಿನ್’ ಕೂಡ ಅತ್ಯಂತ ವಿನಾಶಕಾರಿಯಾಗಿರಲಿದೆ; ಇದು ದುರ್ಬಲಗೊಳ್ಳುವ ಮುನ್ನ ಕನಿಷ್ಠ 6 ಗಂಟೆಗಳ ಕಾಲ ರೌದ್ರಾವತಾರದೊಂದಿಗೆ ಫೂತ್ಕರಿಸಲಿದೆ ಎಂದು ಹವಾಮಾನ ತಜ್ಞರು ಹೇಳಿದ್ದಾರೆ.<br /> <br /> <strong>ಭಾರಿ ಮಳೆ: </strong>ಚಂಡಮಾರುತ ಅಪ್ಪಳಿಸುವ ಮುನ್ನ ಶುಕ್ರವಾರ ರಾತ್ರಿಯಿಂದಲೂ ಒಡಿಶಾ ಮತ್ತು ಆಂಧ್ರದ 7 ಜಿಲೆ್ಲಗಳಲ್ಲಿ ರಭಸದ ಗಾಳಿಯೊಂದಿಗೆ ಮಳೆ ಸುರಿಯುತ್ತಿದೆ. ‘ಫೈಲಿನ್’ನಿಂದಾಗಿ ಪಶಿ್ಚಮ ಬಂಗಾಳ, ಜಾರ್ಖಂಡ್, ಛತ್ತೀಸಗಡ, ಬಿಹಾರ ಮತ್ತು ಉತ್ತರಪ್ರದೇಶದ ಕೆಲವು ಭಾಗಗಳಲ್ಲೂ ಮಳೆ ಬೀಳುವ ಸಂಭವವಿದೆ.<br /> <br /> <strong>ರೈಲು, ವಿಮಾನ ರದ್ದು: </strong>ಚಂಡಮಾರುತದ ಕಾರಣದಿಂದಾಗಿ ಹೌರಾ ಹಾಗೂ ವಿಶಾಖಪಟ್ಟಣಂ<br /> ಮಾರ್ಗದಲ್ಲಿ ಸಂಚರಿಸುವ 56 ರೈಲುಗಳ ಸಂಚಾರ ರದ್ದುಪಡಿಸಲಾಗಿತ್ತು. ಭಾನುವಾರವೂ ಇದೇ ಸ್ಥಿತಿ ಮುಂದುವರಿಯುವ ಸೂಚನೆಗಳಿವೆ ಎಂದು ರೈಲ್ವೆ ಮೂಲಗಳು ತಿಳಿಸಿವೆ.<br /> <br /> ಒಡಿಶಾದ ಭುವನೇಶ್ವರ, ಗೋಪಾಲಪುರ ಮೂಲಕ ಸಾಗುವ ಚೆನ್ನೈ– ಕೋಲ್ಕತ್ತ ರಾಷ್ಟ್ರೀಯ ಹೆದಾ್ದರಿ 5 ರಲ್ಲಿ ಟ್ರಕ್ಗಳು ಸೇರಿದಂತೆ ಎಲಾ್ಲ ವಾಹನಗಳು ಮೈಲುಗಟ್ಟಲೆ ಉದ್ದಕ್ಕೆ ಸ್ತಬ್ಧವಾಗಿ ನಿಂತಿವೆ. 500 ಟನ್ಗೂ ಹೆಚ್ಚು ಪರಿಹಾರ ಸಾಮಗಿ್ರ ಹೊತ್ತ ವಿಮಾನ ಭುವನೇಶ್ವರದಲ್ಲಿ ಶನಿವಾರ ಬೆಳಿಗ್ಗೆ ಇಳಿದ ನಂತರ ನಿಲ್ದಾಣವನ್ನು ಮುಚ್ಚಲಾಯಿತು.<br /> <br /> <strong>ಪಾರಾದೀಪ್ ಬಂದರು ಬಂದ್: </strong>ರಾಷ್ಟ್ರದ 12 ಪ್ರಮುಖ ಬಂದರುಗಳಲ್ಲಿ ಒಂದಾದ ಒಡಿಶಾದ ಪಾರಾದೀಪ್ ಬಂದರನ್ನು ಶುಕ್ರವಾರದಿಂದಲೇ ಮುಚ್ಚಲಾಗಿದೆ. ಎಲ್ಲಾ ಹಡಗುಗಳನ್ನೂ ಅಲ್ಲಿಂದ ತೆರವುಗೊಳಿಸಲಾಗಿದೆ. ಕಲ್ಲಿದ್ದಲು, ಕಚ್ಚಾ ತೈಲ ಮತ್ತು ಕಬ್ಬಿಣದ ಅದಿರುಗಳನ್ನು ಸಾಗಿಸುವ ಮುಖ್ಯ ಬಂದರು ಇದಾಗಿದೆ.<br /> <br /> <strong>ದೆಹಲಿಯಲ್ಲಿ ಸಭೆ: </strong>ಫೈಲಿನ್ ಚಂಡಮಾರುತ ಎದುರಿಸಲು ವಿವಿಧ ಇಲಾಖೆಗಳು ಮಾಡಿಕೊಂಡಿರುವ ಸಿದ್ಧತೆ ಪರಿಶೀಲನೆಗೆ ಕೇಂದ್ರ ಸಂಪುಟ ಕಾರ್ಯದರ್ಶಿ ಅಜಿತ್ ಸೇಠ್ ಅವರು ನವದೆಹಲಿಯಲ್ಲಿ ಸಭೆ ನಡೆಸಿದರು.<br /> ಗೃಹ, ರಕ್ಷಣೆ, ಪೆಟ್ರೋಲಿಯಂ ಸೇರಿದಂತೆ ವಿವಿಧ ಇಲಾಖೆಗಳ ಉನ್ನತ ಅಧಿಕಾರಿಗಳು ಹಾಗೂ ವಿವಿಧ ರಾಜ್ಯಗಳ ಪ್ರತಿನಿಧಿಗಳು ಈ ಸಭೆಯಲ್ಲಿ ಭಾಗವಹಿಸಿದ್ದರು.<br /> <br /> <strong>ವಿನಾಶಕಾರಿ (ವಾಷಿಂಗ್ಟನ್, ಲಂಡನ್ ವರದಿ)</strong>: ‘ಫೈಲಿನ್’ ಚಂಡಮಾರುತವು 14 ವರ್ಷಗಳ ನಂತರ ಭಾರತ ಕಾಣಲಿರುವ ಅತ್ಯಂತ ವಿನಾಶಕಾರಿ ಚಂಡಮಾರುತ ಎಂದು ಅಮೆರಿಕದ ತಜ್ಞರು ವಿಶ್ಲೇಷಿಸಿದ್ದಾರೆ.<br /> <br /> 1999ರಲ್ಲಿ ಹತ್ತು ಸಾವಿರ ಜನರ ಸಾವಿಗೆ ಕಾರಣವಾಗಿದ್ದ ಚಂಡ ಮಾರುತ ಕ್ಕಿಂತಲೂ ‘ಫೈಲಿನ್’ ಭೀಕರವಾಗಿರಲಿದೆ ಎಂದು ಹವಾಯಿಯ ಪರ್ಲ್ ಹಾರ್ಬರ್ನ ಅಮೆರಿಕ ನೌಕಾಪಡೆ ಜಂಟಿ ಚಂಡಮಾರುತ ಮುನ್ನೆಚ್ಚರಿಕೆ ಕೇಂದ್ರದ (ಜೆಟಿಡಬ್ಲುಸಿ) ತಜ್ಞರು ಹೇಳಿದ್ದಾರೆ. ಲಂಡನ್ ಮೂಲದ ಚಂಡಮಾರುತ ಮುನ್ನೆಚ್ಚರಿಕೆ ಕೇಂದ್ರ ಕೂಡ ಈ ಚಂಡಮಾರುತ ಅತಿ ಭೀಕರವೆಂದು ಅಭಿಪ್ರಾಯಪಟ್ಟಿದೆ.<br /> <br /> <strong>ಎಲ್ಲೆಲ್ಲಿ ಹೆಚ್ಚು ಹಾನಿ...?</strong><br /> ಚಂಡಮಾರುತದಿಂದಾಗಿ ಒಡಿಶಾದ ಗಜಪತಿ, ಗಂಜಾಂ, ಖುರ್ದಾ, ಪುರಿ, ಜಗತ್ಸಿಂಗ್ಪುರ, ನಯಾಗಡ, ಕಟಕ್, ಭದ್ರಕ್ ಮತ್ತು ಕೇಂದ್ರಪಾರ, ಆಂಧ್ರಪ್ರದೇಶದ ಶ್ರೀಕಾಕುಳಂ, ವಿಜಯನಗರಂ ಮತ್ತು ವಿಶಾಖಪಟ್ಟಣಂ ಜಿಲ್ಲೆಗಳಲ್ಲಿ ಭಾರಿ ಹಾನಿಯಾಗುವ ಸಂಭವವಿದೆ. ಎರಡೂ ರಾಜ್ಯಗಳ ಹಲವು ಕಡೆಗಳಲ್ಲಿ ಗಂಜಿ ಕೇಂದ್ರಗಳನ್ನು ತೆರೆಯಲಾಗಿದೆ.<br /> <br /> <strong>ಕಡಲಲ್ಲಿ 18 ನಾವಿಕರು: </strong>ಎಚ್ಚರಿಕೆ ಉಲ್ಲಂಘಿಸಿ ಪಾರಾದೀಪ್ ಸಮೀಪ ಸಮುದ್ರಕ್ಕೆ ಇಳಿದ ಅದಿರು ತುಂಬಿದ ಹಡಗೊಂದು ಮುಳುಗುತ್ತಿದ್ದು, ಅದರಲ್ಲಿರುವ 18 ನಾವಿಕರು ಅಪಾಯದಲ್ಲಿದ್ದಾರೆ. ಅವರನ್ನು ರಕ್ಷಿಸುವ ಪ್ರಯತ್ನ ಮುಂದುವರಿದಿದೆ.<br /> <br /> <strong>ಪ್ರಧಾನಿ ಪರಿಶೀಲನೆ<br /> ನವದೆಹಲಿ (ಐಎಎನ್ಎಸ್): </strong>ದೇಶದ ಪೂರ್ವ ಕರಾವಳಿಗೆ ಅಪ್ಪಳಿಸಿರುವ ಫೈಲಿನ್ ಚಂಡಮಾರುತದಿಂದ ಆಗಿರುವ ಅನಾಹುತಗಳು ಮತ್ತು ತೆಗೆದುಕೊಂಡಿರುವ ಮುನ್ನಚ್ಚರಿಕೆ ಕ್ರಮಗಳನ್ನು ಪ್ರಧಾನಿ ಮನಮೋಹನ್ ಸಿಂಗ್ ಪರಿಶೀಲಿಸಿದರು.<br /> ಚಂಡಮಾರುತದಿಂದ ತೊಂದರೆಗೆ ಒಳಗಾದ ರಾಜ್ಯಗಳಿಗೆ ಎಲ್ಲಾ ರೀತಿಯ ನೆರವು ನೀಡುವಂತೆ ಪ್ರಧಾನಿ ಆದೇಶಿಸಿದ್ದಾರೆ.<br /> <br /> <strong>ಫೈಲಿನ್ ಸುತ್ತ...<br /> ಎಲ್ಲ ನೆರವು: ಪ್ರಧಾನಿ ಭರವಸೆ<br /> ನವದೆಹಲಿ (ಪಿಟಿಐ):</strong> ‘ಫೈಲಿನ್’ನಿಂದ ಉಂಟಾಗಬಹುದಾದ ಯಾವುದೇ ಅನಾಹುತ ಎದುರಿಸಲು ತುರ್ತು ಕ್ರಮ ಕೈಗೊಳ್ಳಲು ರಾಜ್ಯಗಳಿಗೆ ಸಾಧ್ಯವಿರುವ ಎಲ್ಲ ನೆರವು ನೀಡಲಾಗುತ್ತದೆ ಎಂದು ಪ್ರಧಾನಮಂತ್ರಿ ಡಾ. ಮನಮೋಹನ್ ಸಿಂಗ್ ತಿಳಿಸಿದ್ದಾರೆ.<br /> <br /> ಸದ್ಯ ವಿದೇಶ ಪ್ರವಾಸದಲ್ಲಿರುವ ಡಾ. ಸಿಂಗ್ ಅವರೊಂದಿಗೆ ಮಾತನಾಡಿರುವ ಸಂಪುಟ ಕಾರ್ಯದರ್ಶಿ, ತೆಗೆದು ಕೊಂಡಿರುವ ಕ್ರಮಗಳ ಕುರಿತು ವಿವರಣೆ ನೀಡಿದ್ದಾರೆ ಎಂದು ಪ್ರಧಾನಿ ಕಚೇರಿ ಮೂಲಗಳು ತಿಳಿಸಿವೆ.<br /> <br /> <strong>2,000 ಎನ್ಡಿಆರ್ಎಫ್ ಸಿಬ್ಬಂದಿ ನಿಯೋಜನೆ<br /> ನವದೆಹಲಿ (ಪಿಟಿಐ): </strong>‘ಫೈಲಿನ್’ ಅನಾಹುತ ಎದುರಿಸಲು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್ಡಿಆರ್ಎಫ್) ಯ ಸುಮಾರು 2,000 ಸಿಬ್ಬಂದಿ ಯನ್ನು ಒಡಿಶಾ ಹಾಗೂ ಆಂಧ್ರ ಕರಾವಳಿಗುಂಟ ಸನ್ನದ್ಧ ಸ್ಥಿತಿಯಲ್ಲಿಡಲಾಗಿದ್ದು, ಈಗಾಗಲೆ 5.4 ಲಕ್ಷ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸಾಗಿಸಲಾಗಿದೆ.<br /> <br /> ಎನ್ಡಿಆರ್ಎಫ್ಗೆ ಸೇರಿದ 29 ತಂಡಗಳ ಜತೆಗೆ ಹೆಚ್ಚುವರಿಯಾಗಿ ತಮಿಳು ನಾಡಿನಿಂದ ನಾಲ್ಕು ತಂಡಗಳನ್ನು ಕರೆಯಿಸಿಕೊಳ್ಳಲಾಗಿದೆ. ಈ ಸಿಬ್ಬಂದಿಗೆ ಎಲ್ಲ ರೀತಿಯ ಅತ್ಯಾಧುನಿಕ ಸಂಪರ್ಕ ಸಾಧನಗಳನ್ನು ಒದಗಿಸಲಾಗಿದೆ.<br /> <br /> <strong>ರೈಲು, ವಿಮಾನಗಳ ರದ್ದು<br /> ನವದೆಹಲಿ/ಭುವನೇಶ್ವರ (ಪಿಟಿಐ): </strong>ಪ್ರತಿಕೂಲ ಹವಾಮಾನ, ಭಾರಿ ಮಳೆ ಬೀಳುತ್ತಿರುವುದರಿಂದ ಭುವನೇಶ್ವರ–ವಿಜಯವಾಡಾ, ಹೌರಾ–ಚೆನ್ನೈ ನಡುವಿನ ರೈಲು ಹಾಗೂ ವಿಮಾನ ಸೇವೆಯನ್ನು ಶನಿವಾರದಿಂದ ರದ್ದುಗೊಳಿಸಲಾಗಿದೆ. ಭಾನುವಾರವೂ ಈ ಸೇವೆ ಇರುವುದಿಲ್ಲ ಎಂದು ತಿಳಿಸಲಾಗಿದೆ.<br /> <br /> ಮುಂಬೈ–ಭುವನೇಶ್ವರ–ಕೊನಾರ್ಕ್ ಎಕ್ಸ್ಪ್ರೆಸ್ ಸೇರಿ ಕೆಲವು ರೈಲುಗಳ ಮಾರ್ಗ ಬದಲಿಸಲಾಗಿದ್ದರೆ ಕೆಲವನ್ನು ಅಲ್ಲಲ್ಲೆ ನಿಲ್ಲಿಸಲು ಸೂಚನೆ ನೀಡಲಾಗಿದೆ.<br /> <br /> <strong>ಜಾರ್ಖಂಡ್ನಲ್ಲೂ ಎಚ್ಚರಿಕೆ<br /> ರಾಂಚಿ (ಪಿಟಿಐ)</strong>: ಪಕ್ಕದ ರಾಜ್ಯ ಒಡಿಶಾಕ್ಕೆ ‘ಫೈಲಿನ್’ ಅಪ್ಪಳಿಸು ತ್ತಿರುವುದರಿಂದ ಇದರ ಪರಿಣಾಮ ಜಾರ್ಖಂಡ್ ರಾಜ್ಯದ ಕೆಲ ಪ್ರದೇಶಗಳ ಮೇಲೆ ಆಗುವ ಸೂಚನೆ ಇದೆ. ಹವಾಮಾನ ಇಲಾಖೆ ನೀಡಿರುವ ಎಚ್ಚರಿಕೆಯಂತೆ ಎಲ್ಲ ಜಿಲ್ಲೆಗಳಲ್ಲಿ ಮುಂಜಾಗ್ರತಾ ಕ್ರಮ ಕೈಗೊಳ್ಳಲಾಗಿದೆ ಎಂದು ಮುಖ್ಯಮಂತ್ರಿ ಹೇಮಂತ್ ಸೊರೇನ್ ತಿಳಿಸಿದ್ದಾರೆ.<br /> <br /> <strong>ಗಂಡ ಮಗನನ್ನು ಕಸಿದುಕೊಂಡ ಚಂಡಮಾರುತ ಮತೆ ಬಂತು..<br /> ಕೇಂದ್ರಾಪರ (ಒಡಿಶಾ):</strong> ‘ಫೈಲಿನ್’ ಭೀತಿ ಎದುರಾಗುತ್ತಲೆ ಗಂಡ ಹಾಗೂ ಹತ್ತು ವರ್ಷದ ಮಗನನ್ನು ಕಸಿದುಕೊಂಡ 1999ರ ‘ಮಹಾ ಚಂಡಮಾರುತ’ದ ಕರಾಳ ದಿನಗಳು ಪ್ರವತಿ ಮೈತಿಗೆ ನೆನಪಾಗುತ್ತಿವೆ.<br /> <br /> ಒಡಿಶಾದ ಜಗತ್ಸಿಂಗ್ಪುರ ಜಿಲ್ಲೆಯ ಕರಾವಳಿ ತೀರದ ಎರ್ಸಮಾ ನಿವಾಸಿ ಪ್ರವತಿಗೆ ಈಗ ದು:ಖ ಉಮ್ಮಳಿಸಿ ಬರುತ್ತಿದೆ. ‘ಫೈಲಿನ್’ ಮತ್ತೆಷ್ಟು ಜೀವಗಳನ್ನು ಬಲಿ ಪಡೆಯುತ್ತದೆಯೋ ಎಂದು ಆಕೆ ಭೀತಿಗೆ ಒಳಗಾಗಿದ್ದಾಳೆ.<br /> <br /> 14 ವರ್ಷದ ಹಿಂದೆ ಈ ಭಾಗದವರ ಬದುಕನ್ನೆ ಮೂರಾಬಟ್ಟೆ ಮಾಡಿದ್ದ ಚಂಡಮಾರುತ ಮತ್ತೆ ಅಪ್ಪಳಿಸುತ್ತಿರುವುದರಿಂದ ಶಾಲೆ ಕಾಲೇಜು, ಕಚೇರಿಗಳನ್ನು ತೆರವುಗೊಳಿಸಲಾಗುತ್ತಿದೆ. ಕಡಲ ತೀರದ ಗ್ರಾಮಗಳಲಿ್ಲಯ ಬಹುತೇಕ ಜನರನ್ನು ಸ್ಥಳಾಂತರಿಸ ಲಾಗಿರುವುದರಿಂದ ಈ ಪ್ರದೇಶಗಳು ಭಣಗುಡುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>