ಲಂಡನ್ (ಪಿಟಿಐ): ಒಸಾಮ ಬಿನ್ ಲಾಡೆನ್ ಆಪ್ತ ವಲಯದಲ್ಲಿ ಗುರುತಿಸಿಕೊಂಡಿದ್ದ ಭಯೋತ್ಪಾದಕ ಮುಹಿಸಿನ್ ಅಲ್ ಫದಾಲಿ ನೇತೃತ್ವದ ಖೋರಾಸನ್ ಭಯೋತ್ಪಾದಕ ಸಂಘಟನೆಯು ಅಮೆರಿಕ ಮತ್ತು ಯುರೋಪ್ ಮೇಲೆ ದಾಳಿ ನಡೆಸುವ ಬೆದರಿಕೆಯೊಡ್ಡಿದೆ ಎಂದು ಅಮೆರಿಕದ ಅಧಿಕಾರಿಗಳು ಹೇಳಿದ್ದಾರೆ.
ಸಿರಿಯಾದಲ್ಲಿ ಘಟಕ ಹೊಂದಿರುವ ಖೊರಾಸನ್ ಸಂಘಟನೆ ಕಳೆದ ವರ್ಷದಿಂದೀಚೆಗೆ ಕ್ರಿಯಾಶೀಲವಾಗಿದೆ.
ಸಿರಿಯಾ ಮತ್ತು ಇರಾಕ್ನಲ್ಲಿರುವ ಇಸ್ಲಾಮಿಕ್ ಸ್ಟೇಟ್ ಉಗ್ರರ ಮೇಲೆ ಅಮೆರಿಕ ದಾಳಿ ಆರಂಭಿಸಿದ ನಂತರ ಆ ದೇಶ ಮತ್ತು ಬೇರೆ ದೇಶಗಳಲ್ಲಿ ಭಯೋತ್ಪಾದಕರ ವಿರುದ್ಧ ದಾಳಿ ನಡೆಸಲು ನಿಯೋಜಿಸಿರುವ ಪಡೆಗಳ ಮೇಲೆ ಈ ಸಂಘಟನೆ ದಾಳಿ ನಡೆಸುತ್ತಿದೆ ಎಂದು ಗುಪ್ತಚರ ಮತ್ತು ಕಾನೂನು ಜಾರಿ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.