ಆಸ್ತಿ ಮಾಹಿತಿ ಕೊಡದ 401 ಸಂಸದರು

ನವದೆಹಲಿ (ಪಿಟಿಐ): ಕರ್ನಾಟಕದ ಅನಂತ್‌ ಕುಮಾರ್‌ ಮತ್ತು ವೀರಪ್ಪ ಮೊಯಿಲಿ ಸೇರಿದಂತೆ 401 ಸಂಸದರು ನಿಗದಿತ ಗಡುವಿನ ಒಳಗೆ ತಮ್ಮ ಆಸ್ತಿ ವಿವರ ಘೋಷಣೆ ಮಾಡಿಲ್ಲ. ಮಾಹಿತಿ ಹಕ್ಕು ಕಾಯ್ದೆ ಅಡಿ ಸೆ.26 ರಂದು ಸಲ್ಲಿಸಿದ ಅರ್ಜಿಗೆ ಲೋಕ­ಸಭಾ ಸಚಿವಾಲಯ ಈ ಮಾಹಿತಿ ನೀಡಿದೆ. 401 ಸಂಸದರ ಆಸ್ತಿ ವಿವರಕ್ಕೆ ಕಾಯ­ಲಾ­ಗು­ತ್ತಿದೆ ಎಂದು ಸಚಿವಾಲಯ ತಿಳಿಸಿದೆ.

ಸಂಸದರ ಆಸ್ತಿ ವಿವರ ಘೋಷಣೆ ಕಾಯ್ದೆ 2004 ರ ಪ್ರಕಾರ ಸಂಸತ್‌ ಸದಸ್ಯರು ಪ್ರಮಾಣ ವಚನ ಸ್ವೀಕರಿಸಿ 90 ದಿನಗಳ ಒಳಗೆ ತಮ್ಮ ಆಸ್ತಿ ವಿವರ ಘೋಷಣೆ ಮಾಡ­ಬೇಕು. ಆದರೆ ಆಸ್ತಿ ವಿವರ ಘೋಷಣೆ ಮಾಡು­­ವಂತೆ  ಸೆ.26ರ ವರೆಗೆ ಯಾವ ಸಂಸದ­ರಿಗೂ ನೆನಪಿನ ಪತ್ರ ಕಳುಹಿಸಿರ­ಲಿಲ್ಲ ಎಂದು ಲೋಕಸಭಾ ಸಚಿವಾಲಯ ಹೇಳಿದೆ.