ಮಗುವೊಂದರ ಶವವನ್ನು ಸ್ವಯಂಸೇವಕ ರೊಬ್ಬರು ವಾಯುದಾಳಿಗೆ ಕುಸಿದ ಕಟ್ಟಡದಿಂದ ಹೊರಕ್ಕೆ ತರುತ್ತಿರುವ ಹೃದಯ ವಿದ್ರಾವಕ ಚಿತ್ರ ಪ್ರಕಟವಾಗಿದೆ (ಪ್ರ.ವಾ., ಜುಲೈ 18). ಆ ಮಗುವಿಗೆ 3 ಅಥವಾ ನಾಲ್ಕು ವರ್ಷವಿರ ಬಹುದು. ಐಎಸ್ ಉಗ್ರರ ವಿರುದ್ಧ ರಷ್ಯಾ ನಡೆಸಿದ ದಾಳಿಯಿಂದ ಕಟ್ಟಡ ಕುಸಿದು, ತನ್ನದಲ್ಲದ ತಪ್ಪಿಗಾಗಿ ಮಗು ಪ್ರಾಣವನ್ನೇ ತ್ಯಜಿಸಿದೆ.
ಮುಗ್ಧ ಮಗುವಿನ ಶವವನ್ನು ನೋಡುತ್ತಿದ್ದಂತೆ ಕಣ್ಣೀರು ಧಾರೆಯಾಗಿ ಹರಿಯಿತು. ಮತಾಂಧರಿಂದಾಗಿ ನಡೆಯುತ್ತಿರುವ ಮುಗ್ಧರ ಸಾವನ್ನು ಹೇಗೆ ತಪ್ಪಿಸುವುದು? ಎಲ್ಲ ಮತಗಳೂ
ನಾಶವಾಗಿ ಮನುಜ ಮತ ಮಾತ್ರ ಉಳಿಯುವುದು ಎಂದು?