ನವದೆಹಲಿ (ಪಿಟಿಐ): ಎಚ್‌ಎಂಟಿ ವಾಚಸ್‌ ಸೇರಿದಂತೆ ಸಮೂಹದ ಮೂರು ಕಂಪೆನಿಗಳ ಸಿಬ್ಬಂದಿಗಳಿಗೆ ಸ್ವಯಂ ನಿವೃತ್ತಿ ನೀಡುವ ಯೋಜನೆಯನ್ನು (ವಿಆರ್‌ಎಸ್‌) ಸಚಿವ ಸಂಪುಟ ಮತ್ತು ಸಂಸತ್‌ ಒಪ್ಪಿಗೆ ಪಡೆದು ಜಾರಿಗೊಳಿಸಲು ಸರ್ಕಾರ ನಿರ್ಧರಿಸಿದೆ.
ಕೇಂದ್ರದ ಭಾರಿ ಕೈಗಾರಿಕೆ ಮತ್ತು ಸಾರ್ವಜನಿಕ ಉದ್ದಿಮೆಗಳ ರಾಜ್ಯ ಖಾತೆ ಸಚಿವ ಜಿ.ಎಂ.ಸಿದ್ದೇಶ್ವರ ರಾಜ್ಯಸಭೆಗೆ ಗುರುವಾರ ಪ್ರಶ್ನೋತ್ತರ ವೇಳೆಯಲ್ಲಿ ಈ ಮಾಹಿತಿ ನೀಡಿದರು.
ಎಚ್‌ಎಂಟಿ ವಾಚಸ್‌, ಎಚ್‌ಎಂಟಿ ಚಿನಾರ್‌ ವಾಚಸ್‌ ಮತ್ತು ಎಚ್‌ಎಂಟಿ ಬೇರಿಂಗ್ಸ್‌ ಕಂಪೆನಿ ಸಿಬ್ಬಂದಿ ವಿಆರ್‌ಎಸ್‌ಗೆ ಪ್ರಸ್ತಾವನೆ ಸಿದ್ಧಪಡಿಸಲಾಗಿದೆ ಎಂದರು.
