ಎರಡು ಕವಿತೆಗಳು

ಬೆಳಕಿನಲಿ ಬೆರೆತು ಹೋದ
ಅದೆಷ್ಟು ನಗು ಕಣ್ಣಿಗೆ ಕಾಣಿಸದೆ
ಹೋಗಿವೆ...

ನೀರಿನಲಿ ಮುಳುಗಿ ಹೋದ
ಅದೆಷ್ಟು ಅಳು ಕಣ್ಣಿಗೆ ಕಾಣಿಸದೆ
ಹೋಗಿವೆ...

ಅವಾವೂ ಕಾಣಿಸದೆ ಹೋಗಬೇಕಾದ್ದೆ.
ಇಲ್ಲದಿದ್ದರೆ ಮನುಷ್ಯ ಹೇಗೆ
ಹೊಸದು ಆದಾನು?
***

ಮರೆಯಲ್ಲಿದೆ ನವಿಲು

ಮರೆಯಲ್ಲಿದೆ ನವಿಲು
ಬೆಳಗಿನ ಬಿಸಿಲನು ಮೇಯುತಿದೆ.
ಹಾವಿನ ಪೊರೆ ತುಳಿಯುತಿದೆ.

ಅಪನಂಬಿಕೆಯಲೆ ಬೇಯುವ ಮನದಿ
ಯಾವುದೂ ಬೇಯುವುದು:
ಪೊರೆ, ಬಿಸಿಲು, ನವಿಲು...

ಉಳಿವ ಹಲ್ಲಲಿ ಕಡೆಯ ಊಟದ ಸ್ವಾದ
ಬಣ್ಣನೆಯ
ಕೇಳುವವರಾರು?