ಬರೀ ₹ 251ಕ್ಕೆ ಸ್ಮಾರ್ಟ್ ಫೋನ್! ಹಾಗೆಂದು ಘೋಷಿಸಿದ ‘ರಿಂಗಿಂಗ್ ಬೆಲ್ಸ್’ ಕಂಪೆನಿ ಈಗ ಎಲ್ಲಿದೆ?
ಖೊಟ್ಟಿ ಜಾಹೀರಾತು ನೀಡುವವರ ಸಂಖ್ಯೆ ಈಗೀಗ ಹೆಚ್ಚುತ್ತಿದೆ. ಖಾಸಗಿ ಮೊಬೈಲ್ ಸೇವಾ ಕಂಪೆನಿಯೊಂದರ ಜಾಹೀರಾತಿನಲ್ಲಿ ಹುಡುಗಿಯೊಬ್ಬಳು ಹಿಮಾಲಯ ಪರ್ವತದ ಮೇಲೆ 4ಜಿ ನೆಟ್ ವರ್ಕ್ ಕಂಡುಕೊಂಡಿದ್ದು ಇದಕ್ಕೆ ಒಂದು ನಿದರ್ಶನ. ಈಗಲೂ ಎಷ್ಟೋ ಹಳ್ಳಿಗಳಲ್ಲಿ 2ಜಿ ನೆಟ್ವರ್ಕ್ ಕೂಡ ಸಿಗುತ್ತಿಲ್ಲ. ಅಂಥದರಲ್ಲಿ ಈ ಹುಡುಗಿಯನ್ನು ಹಿಮಾಲಯ ಏಕೆ ಹತ್ತಿಸಿದರೋ? ಅದೇ ರೀತಿ ಈ ರಿಂಗಿಂಗ್ ಬೆಲ್ಸ್ ಕಂಪೆನಿ. ಈ ಕಂಪೆನಿ ಎಲ್ಲರ ಮನದಲ್ಲಿ ‘ರಿಂಗ್’ ಮಾಡಿ ಜನರಿಗೆ ‘ಬೆಲ್’ ಹೊಡೆಯುವಂತೆ ಮಾಡಿರುವುದಂತೂ ನಿಜ.