ನವದೆಹಲಿ(ಪಿಟಿಐ): ದೇಶದ ಪ್ರಮುಖ ವಿಮಾನಯಾನ ಸಂಸ್ಥೆ ‘ಏರ್‌ ಇಂಡಿಯಾ’ 2015–16ರಲ್ಲಿ 197 ಪೈಲಟ್‌ಗಳನ್ನು ನೇಮಿಸಿಕೊಳ್ಳುವ ಪ್ರಕ್ರಿಯೆಗೆ ಚಾಲನೆ ನೀಡಿದೆ.
‘ಸೇವೆ ವಿಸ್ತರಿಸುವ ಉದ್ದೇಶದಿಂದ ಮತ್ತು ಮುಂದಿನ ಎರಡು ವರ್ಷಗಳಲ್ಲಿನ ಪೈಲಟ್‌ಗಳ ನಿವೃತ್ತಿಯನ್ನು ಗಮನದಲ್ಲಿಟ್ಟುಕೊಂಡು ಹೊಸ ಪೈಲಟ್‌ಗಳ ನೇಮಕಕ್ಕೆ ಮುಂದಾಗಿದೆ’ ಎಂದು ನಾಗರಿಕ ವಿಮಾನಯಾನ ರಾಜ್ಯ ಸಚಿವ ಮಹೇಶ್‌ ಶರ್ಮಾ ಅವರು ಲೋಕಸಭೆಗೆ ಮಾಹಿತಿ ನೀಡಿದರು.
ಫೆ. 1ರಂತೆ ಏರ್‌ ಇಂಡಿಯಾದಲ್ಲಿ 1,464 ಪೈಲಟ್‌ಗಳಿದ್ದಾರೆ. 2014–15ರಲ್ಲಿ ಒಬ್ಬರನ್ನು ಮಾತ್ರ ನೇಮಿಸಿಕೊಂಡಿತ್ತು. 2013–14ರಲ್ಲಿ ಯಾವುದೇ ಹೊಸ ನೇಮಕ ನಡೆದಿರಲಿಲ್ಲ. 2012–13ರಲ್ಲಿ ಇಬ್ಬರು ಪೈಲೆಟ್‌, 2011–12ರಲ್ಲಿ 39 ಪೈಲೆಟ್‌ಗಳನ್ನು ನೇಮಿಸಿಕೊಂಡಿತ್ತು.
