ಭಾರತ ಅಮೆರಿಕದಂತೆ ತನ್ನದೇ ಆದ ‘ಜಿಪಿಎಸ್’ ತಂತ್ರಜ್ಞಾನ ಹೊಂದಲು ಈ ಉಪಗ್ರಹ ಹಾರಿಬಿಡಲಾಗುತ್ತಿದೆ. ಇಂತಹ ಒಟ್ಟು 7 ಉಪಗ್ರಹಗಳನ್ನು ಉಡಾವಣೆ ಮಾಡಲು ಉದ್ದೇಶಿಸಲಾಗಿದೆ. ಈ ಸರಣಿಯಲ್ಲಿ ಇದು ಮೂರನೆಯ ಉಪಗ್ರಹ.
ಈಗಾಗಲೇ ಐಆರ್ಎನ್ಎಸ್ಎಸ್ 1ಎ ಮತ್ತು ಐಆರ್ಎನ್ಎಸ್ಎಸ್ 1ಬಿ ಉಪಗ್ರಹಗಳನ್ನು ಪಿಎಸ್ಎಲ್ವಿ ಬಾಹ್ಯಾಕಾಶ ನೌಕೆ ಯಶಸ್ವಿಯಾಗಿ ಕಕ್ಷೆಗೆ ಸೇರಿಸಿದೆ.
ಈ ಉಪಗ್ರಹವು ಸಾಗರ ದಿಕ್ಸೂಚಿಯಾಗಿ ಕಾರ್ಯನಿರ್ವಹಿಸಲಿದೆ. ಜತೆಗೆ ಪ್ರಾಕೃತಿಕ ವಿಕೋಪಗಳ ನಿರ್ವಹಣೆ, ವಾಹನಗಳ ಮೇಲೆ ನಿಗಾ ವಹಿಸುವಿಕೆ ಮುಂತಾದ ಕಾರ್ಯಗಳಿಗೆ ಸಹಕಾರಿಯಾಗಲಿದೆ.