ಸರ್ಕಾರದ ಮಟ್ಟದಲ್ಲಿ ಸಂಪುಟ ವಿಸ್ತರಣೆ, ನಿಗಮ, ಮಂಡಳಿಗಳಿಗೆ ನೇಮಕ ಸಂಬಂಧ ತೋರಿಸುತ್ತಿರುವ ಆಸಕ್ತಿ, ಮಾಡುತ್ತಿರುವ ಚರ್ಚೆ ಕನ್ನಡದ ಗಂಭೀರ ಸಮಸ್ಯೆಯ ಕುರಿತು ಆಗುತ್ತಿಲ್ಲ. ಸಾಮಾಜಿಕ ಸಮಾನತೆಯೆಡೆಗೆ ಸಾಗುವ ಮಾರ್ಗವಾಗಬೇಕಿದ್ದ ಶಿಕ್ಷಣ ಇಂದು ಹಣ ಗಳಿಸಿಕೊಡುವ ಉದ್ಯಮವಾಗಿದೆ. ಈ ಕ್ಷೇತ್ರದ ನೈತಿಕತೆ ಕುಸಿಯುತ್ತಿದೆ.
ನುಡಿಗೆ ಕಿಡಿ ಬಿದ್ದಿರುವ ಈ ಸಂದರ್ಭದಲ್ಲಿ ಸರ್ಕಾರ, ನಾವು ಆರಿಸಿ ಕಳಿಸಿದ ನಾಯಕರು ಏನು ಮಾಡುತ್ತಿದ್ದಾರೆ? ರಾಷ್ಟ್ರದ ಯಾವುದೇ ಭಾಷೆಗೂ ಕನ್ನಡಕ್ಕೆ ಬಂದಿರುವ ದುಃಸ್ಥಿತಿ ಬಂದಿಲ್ಲ. ಆಳುವವರ ಬದ್ಧತೆ ಕೇವಲ ಅಧಿಕಾರ ಉಳಿಸಿಕೊಳ್ಳು
ವತ್ತಲೇ ಇರುವುದು ನಿಜಕ್ಕೂ ದುರಂತ. ಸರ್ಕಾರ ತಕ್ಷಣ ಶಿಕ್ಷಣ ತಜ್ಞರೊಂದಿಗೆ ಚರ್ಚಿಸಿ ಕನ್ನಡ ಮಾಧ್ಯಮದ ಬಗ್ಗೆ ಸದೃಢ ನಿಲುವು ತಳೆಯಲಿ.
–ಅನ್ನಪೂರ್ಣ ವೆಂಕಟನಂಜಪ್ಪ, ತುಮಕೂರು