ಕೇಂದ್ರಕ್ಕೆ ‘ಸುಪ್ರೀಂ’ ತರಾಟೆ

ನಾವು ಇದಕ್ಕಾಗಿ ಎಸ್‌ಐಟಿ ರಚಿಸಿದ್ದೇವೆ. ಸರ್ಕಾ­ರವು ಎಸ್‌ಐಟಿಗೆ ಸಹಕರಿಸಲಿ. ಒಂದು ಪಕ್ಷ ವಿದೇಶಿ ಬ್ಯಾಂಕುಗಳ ಖಾತೆದಾರರು ನಿಜವಾದ ದುಡಿಮೆಯ ಹಣವನ್ನು ಅಲ್ಲಿ ಇರಿಸಿದ್ದರೆ ಆ ಬಗ್ಗೆ ನ್ಯಾಯಾಲಯದ ಮುಂದೆ ವಿವರಣೆ ನೀಡಲಿದ್ದಾರೆ’ ಎಂದು ಪೀಠ ಖಡಕ್ಕಾಗಿ ಹೇಳಿತು.

ಅಟಾರ್ನಿ ಜನರಲ್‌ ವಾದ: ಕಪ್ಪುಹಣ ಖಾತೆ ದಾರರ ಎಲ್ಲ ಹೆಸರುಗಳನ್ನು ಬಹಿರಂಗಗೊಳಿಸಿದರೆ ಅದರಿಂದ ಅಕ್ರಮ ಹಣವನ್ನು ವಾಪಸ್‌ ತರಿಸಿಕೊಳ್ಳುವ ಯತ್ನಕ್ಕೆ ತೊಂದರೆಯಾಗಬಹುದು. ವಿದೇಶಗಳು ಮುಂದೆ ಈ ಸಂಬಂಧ ನಮಗೆ ಮಾಹಿತಿ ನೀಡದೇ ಇರಬಹುದು ಎಂದು ಅಟಾರ್ನಿ ಜನರಲ್‌ ಮುಕುಲ್‌ ರೋಹಟಗಿ ಸರ್ಕಾರದ ಪರವಾಗಿ ವಾದಿಸಿದರು.

‘ಸುಪ್ರೀಂ ರಚಿಸಿರುವ ಎಸ್‌ಐಟಿ ಶಾಸನಬದ್ಧ ಸಮಿತಿ­ಯಲ್ಲ. ಖಾತೆದಾ­ರರಿಗೆ ನೋಟಿಸ್‌ ನೀಡುವ ಅಧಿಕಾರ ಈ ಸಮಿತಿಗೆ ಇಲ್ಲ. ಆದಾಯ ತೆರಿಗೆ ಇಲಾಖೆಗೆ ಮಾತ್ರ ಹೀಗೆ ನೋಟಿಸ್‌ ನೀಡುವ ಅಧಿಕಾರ ಇದೆ. ಈಗಾಗಲೇ ಸರ್ಕಾರವು ಎಸ್‌ಐಟಿಗೆ ಮಾಹಿತಿ ಸಲ್ಲಿಸಿದೆ ಎಂದರು.

ಕಪ್ಪುಹಣ ಖಾತೆದಾರರ ಮಾಹಿತಿ­ಯನ್ನು ಗೋಪ್ಯ­ವಾಗಿ ಇಡುವುದಾಗಿ ಸರ್ಕಾರವು ವಿದೇಶ­ಗಳಿಗೆ ವಾಗ್ದಾನ ನೀಡಿದೆ. ಒಂದೊಮ್ಮೆ ಸರ್ಕಾರವು ಈಗ ಹೆಸರುಗಳ ಪಟ್ಟಿಯನ್ನು ಕೊಟ್ಟರೆ,  ಮುಂದೆ ಆ ದೇಶಗಳೊಂದಿಗೆ ಮಾಹಿತಿ ವಿನಿಮಯ ಒಪ್ಪಂದ­ಗಳನ್ನು ಮುಂದುವ­ರಿಸುವುದು ಅಥವಾ ಹೊಸ ಒಪ್ಪಂದ­ ಮಾಡಿಕೊಳ್ಳುವುದು ಕಷ್ಟವಾಗ­ಲಿದೆ ಎಂದೂ ಅಟಾರ್ನಿ ಜನರಲ್‌ ಹೇಳಿದರು.

ಎಲ್ಲರ ಹೆಸರುಗಳನ್ನೂ ಬಹಿರಂಗಪಡಿ­ಸಿದರೆ ವಿದೇಶಗಳ ಬ್ಯಾಂಕುಗಳಲ್ಲಿ ಸಕ್ರಮ ಖಾತೆ ಹೊಂದಿ­ರುವವರ ಖಾಸಗಿ­ತನದ ಹಕ್ಕನ್ನು ಉಲ್ಲಂಘಿಸಿದಂತೆ ಆಗುತ್ತದೆ. ಹೀಗಾಗಿ ತೆರಿಗೆ ವಂಚನೆ ಮೇಲ್ನೋಟಕ್ಕೆ ನಿಜವೆಂದು ಕಂಡುಬಂದ ಪ್ರಕರಣಗಳಲ್ಲಿ ಮಾತ್ರ ಹೆಸರು ಬಹಿ­ರಂಗ ಮಾಡಲಾಗುವುದು ಎಂಬ ಅವರ ವಾದವನ್ನು ನ್ಯಾಯಪೀಠ ಒಪ್ಪಲಿಲ್ಲ.

ದೆಹಲಿ ಸರ್ಕಾರ: ಕೇಂದ್ರಕ್ಕೆ ತಪರಾಕಿ
ನವದೆಹಲಿ (ಪಿಟಿಐ):  ದೆಹಲಿ ಸರ್ಕಾರ ರಚನೆಗೆ ಸಂಬಂಧಿಸಿದ ಪ್ರಕ್ರಿಯೆ ಚುರುಕುಗೊಳಿಸುವಂತೆ ಸುಪ್ರೀಂ­ಕೋರ್ಟ್‌ ಕೇಂದ್ರ ಸರ್ಕಾರವನ್ನು  ತರಾಟೆಗೆ ತೆಗೆದುಕೊಂಡಿದೆ. ದೆಹಲಿ ವಿಧಾನಸಭೆ ವಿಸರ್ಜಿಸುವಂತೆ ಕೋರಿ ಆಮ್‌ ಆದ್ಮಿ ಪಕ್ಷ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆಯ ಸಂದರ್ಭದಲ್ಲಿ ಮುಖ್ಯ ನ್ಯಾಯಮೂರ್ತಿ ಎಚ್‌. ಎಲ್‌. ದತ್ತು ನೇತೃತ್ವದ ಐವರು ನ್ಯಾಯ­ಮೂರ್ತಿಗಳ ಪೀಠವು, ಸರ್ಕಾರ ರಚನೆಗೆ ಸಂಬಂಧಿಸಿ ಐದು ತಿಂಗಳ ಕಾಲ ಯಾವುದೇ ನಿರ್ಧಾರ ತೆಗೆದುಕೊಳ್ಳದೇ ಇರುವುದಕ್ಕೆ ಕೇಂದ್ರ ಸರ್ಕಾರ ಹಾಗೂ ದೆಹಲಿ ಲೆಫ್ಟಿನೆಂಟ್‌ ಗವರ್ನರ್‌ ಧೋರಣೆ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿತು. ಸರ್ಕಾರ ರಚನೆಗೆ ಬಿಜೆಪಿಯನ್ನು ಆಹ್ವಾನಿಸುವ ಲೆಫ್ಟಿನೆಂಟ್‌ ಗವರ್ನರ್‌ ನಜೀಬ್‌ ಜಂಗ್‌ ಅವರ ಪ್ರಸ್ತಾಪಕ್ಕೆ ರಾಷ್ಟ್ರಪತಿ ಒಪ್ಪಿಗೆ ಸೂಚಿಸಿದ್ದಾರೆ ಎಂಬ ವಿಚಾರವನ್ನು ಕೇಂದ್ರ ಸರ್ಕಾರ ಕೋರ್ಟ್‌ಗೆ ತಿಳಿಸಿತು.