ನವದೆಹಲಿ (ಪಿಟಿಐ): ಪ್ರಧಾನಿ ಕಾರ್ಯಾಲಯ ಸೇರಿದಂತೆ ಹಲವು ಸಚಿವಾಲಯಗಳ ಅಂತರ್ಜಾಲ ತಾಣಗಳು ಬುಧವಾರ ಸಂಜೆ ಕೆಲ ಹೊತ್ತು ಕಾರ್ಯಾಚರಣೆ ಸ್ಥಗಿತಗೊಳಿಸಿದ್ದವು.
ಇದು ತಾಂತ್ರಿಕ ತೊಂದರೆಯೇ ಹೊರತು ಸೈಬರ್ ದಾಳಿ ಅಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ.
ಪ್ರಧಾನಿ ಕಚೇರಿಯ ವೆಬ್ಸೈಟ್ನ ಜೊತೆಗೆ, ಲೋಕಸಭೆ, ರಾಜ್ಯಸಭೆ, ರಕ್ಷಣೆ ಮತ್ತು ಹಣಕಾಸಿನಂತಹ ಪ್ರಮುಖ ಸಚಿವಾಲಯಗಳ ವೆಬ್ಸೈಟ್ಗಳು ಬುಧವಾರ ಸಂಜೆ ಕೆಲವು ತಾಸು ಲಭ್ಯವಿರಲಿಲ್ಲ.
ವಾರ್ತಾ ಮಾಹಿತಿ ಮಂಡಲಿ (ಪಿಐಬಿ) ವೆಬ್ಸೈಟ್ ಕೂಡ ಆ ಸಮಯದಲ್ಲಿ ಸ್ಥಗಿತಗೊಂಡಿತ್ತು. ‘ಸರ್ಕಾರಿ ವೆಬ್ಸೈಟ್ಗಳ ಮೇಲೆ ಸೈಬರ್ ದಾಳಿ ಆಗಿಲ್ಲ ಅಥವಾ ಹ್ಯಾಕಿಂಗ್ ನಡೆದಿಲ್ಲ. ಕೆಲವು ಉಪಕರಣಗಳ ಕಾರ್ಯಾಚರಣೆ ಸ್ಥಗಿತಗೊಂಡಿದ್ದರಿಂದಾಗಿ ಈ ಸಮಸ್ಯೆ ಉಂಟಾಗಿತ್ತು. ಉಪಕರಣಗಳಲ್ಲಿ ಕಾಣಿಸಿಕೊಂಡ ತಾಂತ್ರಿಕ ಸಮಸ್ಯೆಯನ್ನು ರಾತ್ರಿ 9 ಗಂಟೆ ಹೊತ್ತಿಗೆ ಸರಿಪಡಿಸಲಾಗಿದೆ ಎಂದು ಸರ್ಕಾರ ಸ್ಪಷ್ಟನೆ ನೀಡಿದೆ’ ಎಂದು ಪಿಐಬಿ ಟ್ವೀಟ್ ಮಾಡಿದೆ.