ಟಾಪ್ 10 ಅಪರಾಧಿಗಳು ಎಂದು ಗೂಗಲ್ನ ಹುಡುಕುತಾಣದಲ್ಲಿ ಟೈಪಿಸಿದರೆ ಅಪರಾಧಿಗಳ ಚಿತ್ರಗಳಲ್ಲಿ ಮೋದಿ ಚಿತ್ರವು ಬರುತ್ತಿತ್ತು. ಈ ವಿವಾದ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿತ್ತು. ಇದು ಪ್ರಧಾನಮಂತ್ರಿಯವರಿಗೆ ತೋರಿಸಿದ ಅಗೌರವ ಎಂಬ ಟೀಕೆಗಳು ವ್ಯಕ್ತವಾಗಿದ್ದವು.
ಈ ವಿವಾದಕ್ಕೆ ಸಂಬಂಧಿಸಿದಂತೆ ಗೂಗಲ್ ಕಂಪೆನಿಯು ಕ್ಷಮೆ ಕೋರಿದೆ. ಇದು ತಾಂತ್ರಿಕ ಸಮಸ್ಯೆಯಿಂದ ಉಂಟಾದ ಲೋಪ ಎಂದು ಗೂಗಲ್ ಕಂಪೆನಿಯ ವಕ್ತಾರರೊಬ್ಬರು ತಿಳಿಸಿದ್ದಾರೆ.
