ಗಟ್ಟಿಮುಟ್ಟಾದ ಮೂಳೆಗಾಗಿ..

ಮೂಳೆಗಳು, ನಮ್ಮ ದೇಹದ ಜೀವಂತ ಮತ್ತು ಬೆಳವಣಿಗೆ ಹೊಂದುವ ಅಂಗಗಳು. ದೇಹಕ್ಕೆ ಅಗತ್ಯವಿರುವ ಸಂದರ್ಭಗಳಲ್ಲಿ ಕ್ಯಾಲ್ಸಿಯಂ ಸೇರಿದಂತೆ ಇತರ ಮಿನರಲ್‌ಗಳನ್ನು ಒದಗಿಸುವ ಕೆಲಸವನ್ನು ಮೂಳೆಗಳು ಮಾಡುತ್ತವೆ.

ನಿಮಗೆ ವಯಸ್ಸಾದಂತೆ ಮೂಳೆಗಳ ಸವೆತ ಹೆಚ್ಚುತ್ತಲೇ ಹೋಗುತ್ತದೆ. ಒಂದುವೇಳೆ ನೀವು ನಿಮ್ಮ ಮೂಳೆಗಳ ಆರೋಗ್ಯವನ್ನು ನಿರ್ಲಕ್ಷಿಸಿದ್ದೇ ಆದರೆ, ನೀವು ಅಂಗಾಗ ಕಳೆದುಕೊಳ್ಳುವಿಕೆಯಂಥ ದೀರ್ಘಕಾಲದ ಸಮಸ್ಯೆಗಳಿಗೆ ತುತ್ತಾಗುವುದು ಮತ್ತು ಜೀವನದಲ್ಲಿ ಸ್ವಾತಂತ್ರ್ಯ ಕಳೆದುಕೊಳ್ಳುವುದು ಖಚಿತ.

ಮೂಳೆಗಳ ಆರೋಗ್ಯ ಕಾಪಾಡಿಕೊಳ್ಳುವುದು ನಿಮ್ಮ ಜೀವನದುದ್ದಕ್ಕೂ ಅತ್ಯಗತ್ಯ. ಹಾಗೇ ನಿಮಗೆ ವಯಸ್ಸಾದಂತೆ ಮೂಳೆಗಳ ರಕ್ಷಣೆಗೆ ಅತಿ ಹೆಚ್ಚು ಮಹತ್ವ ನೀಡಲೇಬೇಕು.

ಸಂಧಿವಾತ, ಆಸ್ಟಿಯೋಪೊರೆಸಿಸ್, ಮೂಳೆ ಮುರಿತ, ಪೆಜೆಟ್ಸ್ ಕಾಯಿಲೆಗಳಿಂದ ರಕ್ಷಣೆ ಪಡೆಯುವ ನಿಟ್ಟಿನಲ್ಲಿ ಸದೃಢವಾದ, ಗಟ್ಟಿಮುಟ್ಟಾಗಿರುವ ಮೂಳೆಗಳನ್ನು ಹೊಂದಬೇಕು ಎಂಬುದನ್ನು ನಮ್ಮಲ್ಲಿ ಬಹುತೇಕರು ಹೇಳುವುದುಂಟು..

ಮೂಳೆಗಳ ಆರೋಗ್ಯವು ನಮ್ಮ ದೀರ್ಘಾಯುಷ್ಯವನ್ನು ನಿರ್ಧರಿಸುವ ಅಂಶವಾಗಿದೆ. ನಮ್ಮ ಪರಿಸರದಲ್ಲಿ ಮಾಲಿನ್ಯಕಾರಕ ಅಂಶಗಳು ಮತ್ತು ಟಾಕ್ಸಿನ್‌ಗಳು ಹೆಚ್ಚಾಗಿರುವುದರಿಂದ ಈ ಬಗ್ಗೆ ಕಾಳಜಿ ವಹಿಸುವುದು ಅಗತ್ಯವಾಗಿದೆ. ಅಲ್ಲದೆ ಮುಖ್ಯವಾಗಿ ನಮ್ಮ ಆಹಾರ ಸರಪಳಿ ಅಥವಾ ಆಹಾರ ಪದ್ಧತಿಯು ನಮ್ಮ ಮೂಳೆಗಳ ಮೇಲೆ ಪರಿಣಾಮ ಬೀರುತ್ತದೆ.

ನ್ಯಾಷನಲ್ ಆಸ್ಟಿಯೋಪೊರೆಸಿಸ್ ಫೌಂಡೇಷನ್‌ನ ಪ್ರಕಾರ, 50 ವರ್ಷ ಹಾಗೂ ಅದಕ್ಕಿಂತ ಚಿಕ್ಕ ವಯೋಮಾನದವರು ದಿನಕ್ಕೆ ಕನಿಷ್ಠ 100 ಎಂಜಿ ಕ್ಯಾಲ್ಸಿಯಂ ಪಡೆಯುವ ಗುರಿ ಹೊಂದಿರಬೇಕು. ಹಾಗೇ ಹಿರಿಯ ನಾಗರಿಕರು ನಿತ್ಯ 200 ಎಂಜಿಯಷ್ಟು ಹೆಚ್ಚುವರಿ ಕ್ಯಾಲ್ಸಿಯಂ ಅಂಶವನ್ನು ಸೇವಿಸಬೇಕು.

ಮೂಳೆಗಳ ಆರೋಗ್ಯಕ್ಕಾಗಿ ಸರಿಯಾದ ಪೋಷಕಾಂಶಗಳ ಸೇವನೆಯು ಮುಖ್ಯವಾಗಿ ಎರಡು ಅಂಶಗಳನ್ನು ಅವಲಂಬಿಸಿದೆ; ಕ್ಯಾಲ್ಸಿಯಂ ಮತ್ತು ವಿಟಮಿನ್ ‘ಡಿ’. ನಿಮ್ಮ ವಯಸ್ಸು 20 ವರ್ಷ ತಲುಪಿದ ಸಂದರ್ಭದಲ್ಲಿ ನಿಮ್ಮ ಮೂಳೆಗಳು ಗರಿಷ್ಟ ಸಾಂದ್ರತೆಯನ್ನು ತಲುಪುತ್ತವೆ.

ಈ ಸಾಂದ್ರತೆ ಮಟ್ಟವನ್ನು ಹೀಗೇ ಉತ್ತಮ ಹಂತದಲ್ಲಿ ಕಾಪಾಡಿಕೊಂಡು ಹೋಗುವ ಕೆಲಸ ಅಲ್ಲಿಂದಲೇ ಆರಂಭವಾಗಬೇಕು. ಈ ನಿಟ್ಟಿನಲ್ಲಿ ದೇಹಕ್ಕೆ ಹೆಚ್ಚಿನ ಪ್ರಮಾಣದ ಕಲ್ಸಿಯಂ ಹಾಗೂ ವಿಟಮಿನ್‌ ಒದಗಿಸುವುದೂ ಸೇರಿದಂತೆ ಇತರ ಕ್ರಮಗಳನ್ನು ಕೈಗೊಳ್ಳುವುದು ಅತ್ಯಗತ್ಯ.

ಮೂಳೆಗಳ ಆರೋಗ್ಯವನ್ನು ಉತ್ತಮವಾಗಿರಿಸುವಲ್ಲಿ ನೆರವಾಗುವ ಆಹಾರಗಳು
*ಹೈನು ಉತ್ಪನ್ನಗಳು. ಮುಖ್ಯವಾಗಿ ಹಾಲು, ಕ್ಯಾಲ್ಸಿಯಂ ಮತ್ತು ವಿಟಮಿನ್ ‘ಡಿ’-ಭರಿತವಾಗಿರುವ ಕಿತ್ತಳೆ ಜ್ಯೂಸ್ ಅಥವಾ ಹಸುವಿನ ಹಾಲನ್ನು ಹೊರತುಪಡಿಸಿ ಸೋಯಾ, ಬಾದಾಮಿ ಅಥವಾ ತೆಂಗಿನ ಕೊಬ್ಬರಿ ಹಾಲನ್ನು ಕೂಡ ಸೇವಿಸಬಹುದು..

*ಹಸಿರು ಎಲೆ ತರಕಾರಿಗಳು

*ಬೆಳಗಿನ ಉಪಾಹಾರದ ಸಂದರ್ಭದಲ್ಲಿ ದ್ರಾಕ್ಷಿ ರಸ- ಸಿಟ್ರಿಕ್ ಅಂಶ ಒಳಗೊಂಡಿರುವ ಹಣ್ಣುಗಳು ಹೆಚ್ಚಿನ ಪ್ರಮಾಣದ ವಿಟಮಿನ್ ‘ಸಿ’ ಅಂಶವನ್ನು ಒಳಗೊಂಡಿದ್ದು, ಇದು ಮೂಳೆಗಳಿಗೆ ಆಗುವ ಹಾನಿಯನ್ನು ತಡೆಯುತ್ತದೆ

*ಸಸ್ಯಜನ್ಯ ಅಥವಾ ಸಸ್ಯಾಹಾರಿ ಪ್ರೋಟೀನ್‌ಗಳು

*ಕಡಿಮೆ ಸೋಡಿಯಂ ಆಹಾರ

*ಅಮಲು ಬರಿಸುವ ವಸ್ತುಗಳ ಕಡಿಮೆ ಸೇವನೆ ಅಥವಾ ಸೇವಿಸದೇ ಇರುವಿಕೆ

*ಸಾಲ್ಮನ್, ಕ್ಯಾಟ್‌ಫಿಷ್, ಟೂನಾ ಮತ್ತು ಮೊಟ್ಟೆಗಳು ಆಹಾರ ಸೇವನೆಯಲ್ಲಿ ಕಾಳಜಿ ವಹಿಸುವುದು ಮಾತ್ರವಲ್ಲ, ಸದಾ ಚಟುವಟಿಕೆಯಿಂದ ಇರುವುದು ಕೂಡ ನಿಮ್ಮ ಮೂಳೆಗಳಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಪರಿಹರಿಸಬಲ್ಲದು ಮತ್ತು ಮೂಳೆಗಳ ಉತ್ತಮ ಆರೋಗ್ಯ ಪಾಲನೆಗೆ ನೆರವಾಗಬಲ್ಲದು.
ಗಟ್ಟಿಮುಟ್ಟಾದ ಮೂಳೆಗಳನ್ನು ಹೊಂದಲು ಈ ಕೆಳಗಿನ ವ್ಯಾಯಾಮಗಳು ಉಪಯುಕ್ತ.

*ಹೆಚ್ಚು ಪರಿಣಾಮಕಾರಿ ವೇಯ್ಟ್-ಬೇರಿಂಗ್ (ಭಾರ ಹೊರುವ) ವ್ಯಾಯಾಮಗಳು ಮೂಳೆಗಳನ್ನು ಗಟ್ಟಿಮುಟ್ಟಾಗಿಸುತ್ತವೆ. ವೇಯ್ಟ್ ಟ್ರೇನಿಂಗ್, ಹೈಕಿಂಗ್, ಜಾಗಿಂಗ್, ಮೆಟ್ಟಿಲುಗಳನ್ನು ಹತ್ತುವುದು, ಟೆನ್ನಿಸ್ ಆಟವಾಡುವುದು ಮತ್ತು ನೃತ್ಯ ಅಥವಾ ಡ್ಯಾನ್ಸಿಂಗ್ ರೀತಿಯ ವ್ಯಾಯಾಮಗಳನ್ನು ಮಾಡುವುದು ಹೆಚ್ಚು ಉಪಯುಕ್ತ.

ನೀವು ಆಸ್ಟಿಯೋಪೊರೆಸಿಸ್ ಕಾರಣದಿಂದಾಗಿ ಮೂಳೆ ಮುರಿತಕ್ಕೆ ಒಳಗಾಗಿದ್ದರೆ ಅಥವಾ ಮೂಳೆ ಮುರಿತವಾಗುವ ಅಪಾಯದಲ್ಲಿದ್ದರೆ ಹೆಚ್ಚು ಭಾರ ಎತ್ತುವ ಅಥವಾ ಭಾರ ಹೊರುವ ವ್ಯಾಯಾಮ ಮಾಡುವುದು ಬೇಡ. ಇಂಥ ಸಂದರ್ಭಗಳಲ್ಲಿ ನಿಮ್ಮ ವೈದ್ಯರೊಂದಿಗೆ ಸದಾ ಸಂಪರ್ಕದಲ್ಲಿರಿ.

*ಕಡಿಮೆ ಪರಿಣಾಮಕಾರಿ ವೇಯ್ಟ್-ಬೇರಿಂಗ್ (ಭಾರ ಹೊರುವ) ವ್ಯಾಯಾಮಗಳು ಕೂಡ ನಿಮ್ಮ ಮೂಳೆಗಳನ್ನು ಸದೃಢವಾಗಿಸಬಲ್ಲವು ಮತ್ತು ಇವು ಅತ್ಯಂತ ಸುರಕ್ಷಿತ ಹಾಗೂ ಹೆಚ್ಚು ಪರಿಣಾಮ ಉಂಟುಮಾಡಬಲ್ಲ ವ್ಯಾಯಾಮಗಳಾಗಿವೆ.