ಗುಜ್ಜೆ ವೈವಿಧ್ಯ

ಬೆಲ್ಲ, ಮಸಾಲೆಗೆ ಒಂದು ಕಪ್ ಕಾಯಿ ತುರಿ, ಎರಡು ಚಮಚ ಕೊತ್ತಂಬರಿ, ಒಂದು ಚಮಚ ಜೀರಿಗೆ, ಒಂದು ಚಮಚ ಸಾಸಿವೆ, ಒಂದು ಚಮಚ ಮೆಂತ್ಯ, ನಾಲ್ಕು ಕೆಂಪು ಮೆಣಸಿನ ಕಾಯಿ, ಕರಿಬೇವು, ಇಂಗು.

ವಿಧಾನ: ಕುಕ್ಕರಿನಲ್ಲಿ ಪಾತ್ರೆಗೆ ಸ್ವಲ್ಪ ನೀರು ಹಾಕಿ  ತೊಗರಿ ಬೇಳೆಯೊಂದಿಗೆ ಹಲಸಿನ ಹೋಳು, ಒಂದು ಚಮಚ ಎಣ್ಣೆ, ಚಿಟಿಕೆ ಅರಿಶಿನ ಪುಡಿ ಹಾಕಿ ಬೇಯಿಸಿ.  (೩-ರಿಂದ೪ ಬಾರಿ ಕುಕ್ಕರ್ ವಿಷಲ್ ಕೂಗಿಸಿ) ಮೇಲೆ ಹೇಳಿದ ಎಲ್ಲಾ ಮಸಾಲೆ ವಸ್ತುಗಳನ್ನು ಕೆಂಪಗಾಗುವಂತೆ ಹುರಿದು, ಕಾಯಿ ತುರಿ, ಹುಣಸೆ ಹಣ್ಣಿನ ಜೊತೆ ಸ್ವಲ್ಪ ನೀರು ಬೆರೆಸಿ ನುಣ್ಣಗೆ ರುಬ್ಬಿಕೊಳ್ಳಿ.   ಬೇರೆ ಪಾತ್ರೆಗೆ ಬೆಂದ ಹೋಳು, ತೊಗರಿ ಬೇಳೆ, ಮಸಾಲೆ ಮಿಶ್ರಣ, ಉಪ್ಪು ಬೆಲ್ಲ, ಕರಿಬೇವು ಎಲ್ಲ ಹಾಕಿ ನೀರು ಹಾಕಿ ಕುದಿಸಿ.  ನಂತರ ಇಂಗಿನ ಒಗ್ಗರಣೆ ಕೊಡಿ.

ಹಲಸಿನ ಬೋಂಡ
ಸಾಮಗ್ರಿ: ಹಲಸಿನ ಹೋಳುಗಳು, ಎರಡು ಕಪ್ ಕಡಲೆ ಹಿಟ್ಟು, ಎರಡು ಚಮಚ ಅಕ್ಕಿ ಹಿಟ್ಟು, ಕೆಂಪು ಮೆಣಸಿನ ಪುಡಿ, ಸಣ್ಣಗೆ ಕತ್ತರಿಸಿದ ಕರಿಬೇವಿನ ಸೊಪ್ಪು, ಕರಿಯಲು ಎಣ್ಣೆ, ರುಚಿಗೆ ಉಪ್ಪು, ಚಿಟಿಕೆ ಅರಿಶಿನ ಪುಡಿ, ಚಿಟಿಕೆ ಅಡಿಗೆ ಸೋಡ.

ವಿಧಾನ: ಹಲಸಿನ ಹೋಳುಗಳನ್ನು ಅತಿ ತೆಳುವಾಗಿ ಬಿಲ್ಲೆಯಂತೆ ಕತ್ತರಿಸಿ ಬೇಯಿಸಿ.  ಒಂದು ಪಾತ್ರೆಗೆ ಸ್ವಲ್ಪ ನೀರು ಹಾಕಿ, ಕಡಲೆ ಹಿಟ್ಟು ಅಕ್ಕಿ ಹಿಟ್ಟು, ಮೆಣಸಿನ ಪುಡಿ, ಅರಿಷಿನ ಪುಡಿ, ಉಪ್ಪು, ಅಡಿಗೆ ಸೋಡ ಸೇರಿಸಿ.  ಬೆಂದ ಹೋಳುಗಳನ್ನು ಈ ಮಿಶ್ರಣದಲ್ಲಿ ಅದ್ದಿ ತೆಗೆದು ಬಿಸಿ ಎಣ್ಣೆಯಲ್ಲಿ ಕೆಂಪಗೆ ಕರಿಯಿರಿ.  ಊಟದ ಜೊತೆ ಮಾತ್ರವಲ್ಲ ಸಂಜೆಯ ಕಾಫಿ ಟೀ ಜೊತೆಗೂ ಈ ಗರಿ ಗರಿ ಹಲಸಿನ ಬೋಂಡ ಅತ್ಯಂತ ರುಚಿ.