ಚಿನ್ನಾಭರಣ ವ್ಯಾಪಾರಿ ಕೊಲೆ ರಹಸ್ಯ ಬಯಲು

ಬೆಂಗಳೂರು:  ವರ್ಷದಿಂದ ನಿಗೂಢವಾಗಿದ್ದ ರಾಜಾಜಿ­ನಗರ ರಿಷಬ್ ಜ್ಯುವೆಲರ್ಸ್‌ ಮಳಿಗೆ ಮಾಲೀಕ ಶ್ರವಣ್‌­ಕುಮಾರ್‌ ಪೋಖರ್ನೆ (45) ಕೊಲೆ ಪ್ರಕರಣದಲ್ಲಿ ಕುಖ್ಯಾತ ಚಂಬಲ್‌ ಕಣಿವೆ ದರೋಡೆಕೋರರ ಕೈವಾಡವಿರುವುದನ್ನು ಅಹಮದಾಬಾದ್ ಪೊಲೀಸರು ಬಯಲು  ಮಾಡಿದ್ದಾರೆ.

ಗುಜರಾತ್‌, ಉತ್ತರ ಪ್ರದೇಶ ಮತ್ತು ರಾಜಸ್ತಾನದಲ್ಲಿ ನಡೆದಿದ್ದ ಮೂವರು ಚಿನ್ನಾಭರಣ ವ್ಯಾಪಾರಿಗಳ ಕೊಲೆ ಪ್ರಕರಣ ಸಂಬಂಧ ಮನೀಷ್‌ ಗೋಸ್ವಾಮಿ, ಗೌರವ್‌ ಟೋಮರ್‌ ಹಾಗೂ ವಿನಯ್‌ ಪಾರ್ಮರ್‌ ಎಂಬುವರನ್ನು ಅಹಮದಾಬಾದ್‌ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ.  ಆರೋಪಿಗಳು 2013ರ ಮಾ.23ರಂದು ರಾಜಾಜಿನಗರದ ಶ್ರವಣ್‌­ಕುಮಾರ್ ಎಂಬ ಚಿನ್ನಾಭರಣ ವ್ಯಾಪಾರಿಯನ್ನು ಕೊಲೆ ಮಾಡಿ, ಆಭರಣ ದೋಚಿದ್ದಾಗಿ ವಿಚಾರಣೆ ವೇಳೆ ಬಾಯ್ಬಿಟ್ಟಿದ್ದಾರೆ.

ಹೀಗಾಗಿ ಅಹಮದಾಬಾದ್‌ ಪೊಲೀಸರು ನಗರ ಪೊಲೀಸ್‌ ಕಮಿಷನರ್‌ ರಾಘವೇಂದ್ರ ಔರಾದಕರ್‌ ಅವರಿಗೆ ಕರೆ ಮಾಡಿ ಬಂಧನದ ವಿಷಯವನ್ನು ಖಚಿತಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಆರೋಪಿಗಳನ್ನು ಬಾಡಿ ವಾರಂಟ್‌ ಮೇಲೆ ವಶಕ್ಕೆ ಪಡೆಯಲು ಮಲ್ಲೇಶ್ವರ ಉಪವಿಭಾಗದ ಎಸಿಪಿ ಸಾ.ರಾ.ಫಾತಿಮಾ ಅವರ ನೇತೃತ್ವದ ತಂಡ ಗುರುವಾರ ಅಹಮದಾಬಾದ್‌ಗೆ ತೆರಳಲಿದೆ.

ಮಧ್ಯಪ್ರದೇಶದ ಚಂಬಲ್‌ ತಂಡದ ದುಷ್ಕರ್ಮಿಗಳು, ಸುಲಭವಾಗಿ ಹಣ ಗಳಿಸುವ ಉದ್ದೇಶದಿಂದ ಚಿನ್ನಾಭರಣ ವ್ಯಾಪಾರಿಗಳನ್ನೇ ಗುರಿಯಾಗಿಸಿಕೊಂಡು ದರೋಡೆ ಮಾಡುತ್ತಾರೆ. ಏಕಾಏಕಿ ಚಿನ್ನಾಭರಣ ಮಳಿಗೆಗೆ ನುಗ್ಗುವ ಇವರು, ಮಾರಕಾಸ್ತ್ರಗಳಿಂದ ಹಲ್ಲೆ ನಡೆಸಿ ಆಭರಣದೊಂದಿಗೆ ಪರಾರಿಯಾಗುತ್ತಾರೆ. ಇದೇ ರೀತಿ 2013ರಲ್ಲಿ ಅಹಮದಾಬಾದ್‌ನಲ್ಲಿ ಮೂವರು ವ್ಯಾಪಾರಿಗಳನ್ನು ಕೊಲೆ ಮಾಡಿದ್ದರು. ಈ ಎಲ್ಲ ಪ್ರಕರಣಗಳ ಪ್ರಮುಖ ಆರೋಪಿ ವಿಶಾಲ್‌ ಗೋಸ್ವಾಮಿ ತಲೆಮರೆಸಿಕೊಂಡಿದ್ದಾನೆ.

ಈ ಸರಣಿ ಹತ್ಯೆಗಳಿಂದ ಕಾರ್ಯಪ್ರವೃತ್ತರಾದ ಸ್ಥಳೀಯ ಪೊಲೀಸರು, ಇತ್ತೀಚೆಗೆ ಎಲ್ಲ ಚಿನ್ನಾಭರಣ ವ್ಯಾಪಾರಿಗಳಿಗೆ ಬಂದು ಹೋಗುವ ಕರೆಗಳ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿದ್ದರು. ಆಗ ಒಬ್ಬ ವ್ಯಾಪಾರಿಗೆ ಚಂಬಲ್‌ ತಂಡದ ಸದಸ್ಯ ಕರೆ ಮಾಡಿದ್ದಾನೆ. ಈ ಮಾಹಿತಿ ಆಧರಿಸಿ ಕಾರ್ಯಾಚರಣೆ ಆರಂಭಿಸಿರುವ ಪೊಲೀಸರು, ಮೂವರನ್ನು ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಏನಿದು ಪ್ರಕರಣ: ರಾಜಸ್ತಾನದ ಬೇಗೂನ್‌ ಜಿಲ್ಲೆಯ ಶ್ರವಣ್‌ ಕುಮಾರ್, 20 ವರ್ಷಗಳಿಂದ ನಗರದಲ್ಲಿ ನೆಲೆಸಿದ್ದರು. ಪತ್ನಿ ರೇಖಾ, ಮಗ ರಿಷಬ್‌ ಹಾಗೂ ಮಗಳು ಶ್ರೇಯಾ ಜತೆ ಚಾಮರಾಜಪೇಟೆಯಲ್ಲಿ ವಾಸವಾಗಿದ್ದ ಅವರು, ರಾಜಾಜಿನಗರದ 41ನೇ ಅಡ್ಡರಸ್ತೆಯಲ್ಲಿ ಮಗನ ಹೆಸರಿನಲ್ಲೇ ಚಿನ್ನಾಭರಣ ಮಳಿಗೆ ನಡೆಸುತ್ತಿದ್ದರು.

ವಿಧಾನಪರಿಷತ್ ಸದಸ್ಯ ಲೆಹರ್‌ಸಿಂಗ್ ಅವರ ದೂರದ ಸಂಬಂಧಿಯಾದ ಶ್ರವಣ್‌, 2013ರ ಮಾ.23ರಂದು ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಅಂಗಡಿ ಬಾಗಿಲು ತೆಗೆಯುತ್ತಿದ್ದರು. 
ಕೊಲೆ ರಹಸ್ಯ ಬಯಲು