ತುಟ್ಟಿಭತ್ಯೆ ಏರಿಕೆಗೆ ಕೇಂದ್ರದ ಚಿಂತನೆ

ತುಟ್ಟಿಭತ್ಯೆಯು ಶೇಕಡ 107ಕ್ಕೆ ಏರಿಕೆಯಾದರೆ ಕೇಂದ್ರ ಸರ್ಕಾರದ 30 ಲಕ್ಷ ನೌಕರರು ಮತ್ತು 50 ಲಕ್ಷ ಪಿಂಚಿಣಿದಾರ­ರಿಗೆ ಲಾಭವಾಗಲಿದೆ.

2013ರ ಜುಲೈ 1ರಿಂದ 2014ರ ಜೂನ್ 30ರ ಅವಧಿ­ಯಲ್ಲಿ ಕೈಗಾರಿಕಾ ಕಾರ್ಮಿಕರಿಗೆ ಸಂಬಂಧಿಸಿದ ಚಿಲ್ಲರೆ ಹಣದುಬ್ಬರ ಪ್ರಮಾಣ ಶೇಕಡ 7.25ರಷ್ಟು ಏರಿಕೆ ಆಗಿರುವುದರಿಂದ ಕೇಂದ್ರ ಸರ್ಕಾರವು ತನ್ನ ನೌಕರರ ವ್ಯತ್ಯಯ ತುಟ್ಟಿ ಭತ್ಯೆಯನ್ನು ಶೇಕಡ ಏಳರಷ್ಟು ಹೆಚ್ಚಿಸಲು ಚಿಂತನೆ ನಡೆಸಿದೆ.

ಹಣಕಾಸು ಸಚಿವಾಲಯ ಸದ್ಯದಲ್ಲಿಯೇ ಸಚಿವ ಸಂಪುಟದ ಎದುರು ಈ ಪ್ರಸ್ತಾವ ಇಡಲಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.