ಪ್ರಧಾನಿಯಿಂದ ಆರಂಭಿಸಿ ಜನ ಸಾಮಾನ್ಯರ ತನಕ ಎಲ್ಲರೂ ಸೆಲ್ಫೀ ಅರ್ಥಾತ್ ಸ್ವಂತೀ ಪ್ರಿಯರೇ. ಹೀಗೆ ತೆಗೆದ ಫೋಟೊಗಳನ್ನು ತಕ್ಷಣವೇ ಮುದ್ರಿಸಿ ಕೊಡುವಂತಿದ್ದರೆ? ಫ್ಯೂಜಿ ಫಿಲ್ಮ್ ಸಂಸ್ಥೆ ಇದನ್ನು ಸಾಧ್ಯವಾಗಿಸುತ್ತಿದೆ. ಹಾಗೆಂದು ಇದೇನು ಹೊಸ ತಂತ್ರಜ್ಞಾನವಲ್ಲ.
ಈ ಹಿಂದೆ ಇದ್ದ ಪೋಲರಾಯ್ಡ್ ತಂತ್ರಜ್ಞಾನ ಎಲ್ಲರಿಗೂ ಗೊತ್ತಿದ್ದದ್ದೇ. ಫೋಟೊ ತೆಗೆದ ತಕ್ಷಣ ಅದರದ್ದೊಂದು ಪ್ರತಿಯನ್ನು ಮುದ್ರಿಸಿಕೊಡುವ ಕ್ಯಾಮೆರಾಗಳನ್ನು ಪೋಲರಾಯ್ಡ್ ಕ್ಯಾಮೆರಾಗಳೆನ್ನುತ್ತಾರೆ. ಅದನ್ನೇ ಹೊಸ ಅವತಾರದಲ್ಲಿ ಫ್ಯೂಜಿ ಫಿಲ್ಮ್ ಬಿಡುಗಡೆ ಮಾಡಿದೆ.
ಫ್ಯೂಜಿಯ ಇನ್‌ಸ್ಟ್ಯಾಕ್ಸ್ ಸರಣಿಯ ಭಾಗವಾಗಿ ಹೊರಬಂದಿರುವ ಈ ಕ್ಯಾಮೆರಾಗಳ ಬೆಲೆ ಆರೂವರೆ ಸಾವಿರ ರೂಪಾಯಿಗಳಿಂದ ಹತ್ತು ಸಾವಿರ ರೂಪಾಯಿಗಳವರೆಗೆ ಇದೆ. ಇವು ಸೆಲ್ಫೀಗಾಗಿಯೇ ಇರುವ ಕ್ಯಾಮೆರಾಗಳು. ಹಳೆಯದು ಚಿನ್ನ ಎಂಬುದು ಮತ್ತೊಂದರ್ಥದಲ್ಲಿ ಈಗ ನಿಜವಾಗುತ್ತಿದೆ.
