ನವದೆಹಲಿ/ಮುಂಬೈ (ಪಿಟಿಐ): ದೇಶದ ಪ್ರಮುಖ ಚಿನಿವಾರ ಪೇಟೆಗಳಾದ ಮುಂಬೈ ಮತ್ತು ದೆಹಲಿಯಲ್ಲಿ ಸತತವಾಗಿ ಮೂರನೇ ದಿನವೂ ಬಂಗಾರದ ಧಾರಣೆಯಲ್ಲಿ ಇಳಿಕೆಯಾಗಿದೆ. 10ಗ್ರಾಂ ಚಿನ್ನದ ಬೆಲೆ ಗುರುವಾರ ಮುಂಬೈನಲ್ಲಿ ರೂ160ರಷ್ಟು, ದೆಹಲಿಯಲ್ಲಿ ರೂ200ರಷ್ಟು ಇಳಿದಿದೆ.
ಜಾಗತಿಕ ಮಟ್ಟದಲ್ಲಿ ಬೇಡಿಕೆ ತಗ್ಗಿರುವುದರಿಂದ ಚಿನ್ನಾಭರಣ ತಯಾರಕರು ಕಡಿಮೆ ಖರೀದಿ ನಡೆಸಿ ದರು. ಹೀಗಾಗಿ ಬೆಲೆ ಇಳಿಯಿತು ಎಂದು ವರ್ತಕರು ಹೇಳಿದ್ದಾರೆ.
ದೆಹಲಿಯಲ್ಲಿ ಬೆಳ್ಳಿ ಬೆಲೆಯೂ ರೂ150ರಷ್ಟು ಇಳಿದು, ಕೆ.ಜಿಗೆ ರೂ34,050ರಂತೆ ಮಾರಾಟವಾಯಿತು. ಆದರೆ ಮುಂಬೈನಲ್ಲಿ ಬೆಳ್ಳಿ ಬೆಲೆ ರೂ75ರಷ್ಟು ಏರಿಕೆಯಾಗಿ, ರೂ34,415 ರಂತೆ ಮಾರಾಟವಾಯಿತು.
ನವದೆಹಲಿ ಧಾರಣೆ: ಸ್ಟ್ಯಾಂಡರ್ಡ್‌ ಚಿನ್ನ 10 ಗ್ರಾಂಗೆ ರೂ24,940ರಂತೆ, ಅಪರಂಜಿ ಚಿನ್ನ ರೂ25,090ರಂತೆ, ಶುದ್ಧ ಬೆಳ್ಳಿ ಕೆ.ಜಿಗೆ ರೂ34,050ರಂತೆ ಮಾರಾಟವಾಯಿತು.
ಮುಂಬೈ ಧಾರಣೆ: ಸ್ಟ್ಯಾಂಡರ್ಡ್‌ ಚಿನ್ನ 10ಗ್ರಾಂಗೆ ರೂ24,675ರಂತೆ, ಅಪರಂಜಿ ಚಿನ್ನ ರೂ24,825ರಂತೆ, ಶುದ್ಧ ಬೆಳ್ಳಿ ಕೆ.ಜಿಗೆ ರೂ34,415ರಂತೆ ಮಾರಾಟವಾಯಿತು.
